សុខភាព
ទទួលទានអាហារជីវជាតិល្អ ពិតជាអាចការពារហានិភ័យឆ្លងកូវីដ-១៩?
ការសិក្សាថ្មីមួយអះអាងថា ១ភាគ៣នៃករណីឆ្លងមេរោគកូរ៉ូណាអាចត្រូវបានចៀសវាងប្រសិនបើមនុស្សម្នាក់ៗមានទម្លាប់ទទួលទានអាហារដែលមានជីវជាតិល្អគ្រប់គ្រាន់។
យើងដឹងហើយថា របបអាហារប្រចាំថ្ងៃដែលរួមបញ្ចូលនូវផ្លែឈើ និងបន្លែច្រើនមុខ សុទ្ធសឹងផ្ដល់ឱ្យរាងកាយទទួលបាននូវសុខភាពល្អ។ ប៉ុន្តែអ្វីដែលគួរឱ្យចាប់អារម្មណ៍ជាងនេះ ក្នុងសម័យជំងឺរាតត្បាត អាហារសម្បូរជីវជាតិ ត្រូវបានអ្នកស្រាវជ្រាវអះអាងថា អាចជួយការពារកុំឱ្យឆ្លងជំងឺកូវីដ-១៩ បានផងដែរ។
ការសិក្សាថ្មីមួយពីសាកលវិទ្យាល័យ បូស្តុន (Boston) សហរដ្ឋអាមេរិក បានរាយការណ៍ថា ការទទួលទានអាហារដែលមានសារធាតុចិញ្ចឹមល្អ អាចជួយកាត់បន្ថយហានិភ័យនៃការឆ្លងកូវីដ-១៩ ព្រមទាំងអាចបន្ថយអាការធ្ងន់ធ្ងរ ប្រសិនបើមនុស្សម្នាក់ឆ្លងវីរុស។
ចំណែកឯ អ្នកស្រាវជ្រាវមកពីមន្ទីរពេទ្យ ម៉ាសាឈូសេត (Massachusetts ) នៅបូស្តុនបានបន្ថែមថា របបអាហារពិតជាជះឥទ្ធិពលល្អក្នុងការបន្ថយហានិភ័យនៃជំងឺកូវីដ-១៩ ក៏ដូចជារោគសញ្ញាធ្ងន់ធ្ងរ ជាពិសេសការពារអ្នកមានប្រព័ន្ធភាពស៊ាំខ្សោយ។
របាយការណ៍នៃការស្រាវជ្រាវមួយទៀតបង្ហាញថា អាហារូបត្ថម្ភមិនគ្រប់គ្រាន់ឬការទទួលទានអាហារមិនល្អ ជាមូលហេតុមួយនាំឱ្យមានការរីករាលដាលក្នុងចំណោមក្រុមបុគ្គលងាយរងគ្រោះ។ នេះបើតាមការលើកឡើងពីសាស្រ្តាចារ្យ Jordi Marino នៅសាលាវេជ្ជសាស្ត្រ ហាវ៉ាដ (Harvard ) ។
ក្រុមស្រាវជ្រាវបានវិភាគទិន្នន័យដែលប្រមូលបានលើមនុស្សចំនួន ៥៩២ ៥៧១ នាក់ មកពីសហរដ្ឋអាមេរិក និងចក្រភពអង់គ្លេស នៅចន្លោះខែមីនា ដល់ខែធ្នូ ឆ្នាំ២០២០។ អំឡុងពេលនៃការតាមដាន អ្នកចូលរួមចំនួន ៣១ ៨៣១ នាក់បានឆ្លងជំងឺកូវីដ-១៩ ។ ក្នុងនោះគេបានរកឃើញថា អ្នកដែលតែងតែទទួលទានអាហារជីវជាតិល្អជាប្រចាំ មានហានិភ័យឆ្លងទាបជាងអ្នកផ្សេង ៩%។ ក្រៅពីនោះ អ្នកដែលញ៉ាំអាហារដែលមានភាពល្អចំនួន ៤១% ហាក់ដូចជាមិនសូវមានរោគសញ្ញាធ្ងន់ធ្ងរដោយសារជំងឺកូវីដ-១៩ឡើយ។
អ្នកស្រាវជ្រាវម្នាក់ទៀត គឺលោកបណ្ឌិត Andrew Chan បានពន្យល់ថា ក្រៅពីការចាក់វ៉ាក់សាំង និងការពាក់ម៉ាស បូករួមទាំងការរក្សាគម្លាត ការទទួលទានអាហារត្រឹមត្រូវក៏អាចកាត់បន្ថយហានិភ័យនៃការឆ្លងជំងឺកូវីដ-១៩ ផងដែរ។
ក្រុមអ្នកស្រាវជ្រាវជឿជាក់ថា ការបរិភោគអាហារដែលសម្បូរជីជាតិពីរុក្ខជាតិ មិនត្រឹមតែមានតម្លៃថោកប៉ុណ្ណោះទេ តែវាក៏អាចជួយបញ្ចប់ការរីករាលដាលនៃជំងឺកូវីដ-១៩បានថែមទៀត៕
ប្រែសម្រួល៖ សន្យា
ប្រភព៖ THE JERUSALEM POST
ចុចអាន៖ គួរចៀសវាងអាហារ ៥ ប្រភេទនេះដាច់ខាត បើចង់ឲ្យវ៉ាក់សាំងមានប្រសិទ្ធភាពខ្លាំងក្រោយចាក់ហើយ
ចុចអាន៖ កាហ្វេនិងបន្លែ កាត់បន្ថយហានិភ័យ ធ្លាក់ខ្លួនឈឺកូវីដ តែសាច់ ២ប្រភេទ បង្កើនឱកាសឈឺធ្ងន់
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៧ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ