សុខភាព
ថ្នាំមួយគ្រាប់តម្លៃត្រឹមជាង ១ពាន់រៀល អាចជួយអ្នកជំងឺកូវីដអត់ចាក់វ៉ាក់សាំង មិនឲ្យបញ្ជូនទៅមន្ទីរពេទ្យ
ការសិក្សាដ៏ធំមួយនៅប្រទេសប្រេស៊ីល បានបង្ហាញថា ថ្នាំប្រឆាំងជំងឺធ្លាក់ទឹកចិត្តដែលមានតម្លៃថោក អាចកាត់បន្ថយហានិភ័យនៃអ្នកជំងឺកូវីដមិនបានចាក់វ៉ាក់សាំង ពីការបញ្ជូនទៅព្យាបាលនៅមន្ទីរពេទ្យ បានមួយភាគបី។
ថ្នាំ Fluvoxamine ឬនៅចក្រភពអង់គ្លេសមានឈ្មោះ Faverin ត្រូវបានគេគិតថា ធ្វើឲ្យប្រព័ន្ធភាពស៊ាំធ្វើការបានល្អប្រសើរ ដោយសារសមត្ថភាពប្រឆាំងការរលាករបស់វា។
ថ្នាំដែលមានតម្លៃប្រហែល ៤០សេន (១,៦០០រៀល) ក្នុងមួយគ្រាប់មួយនេះ ត្រូវបានសាកល្បងលើមនុស្សជិត៧៤១នាក់ ដែលបានធ្វើតេស្តវិជ្ជមានក្នុងរយៈពេលប្រាំពីរថ្ងៃ និងជាអ្នកមានជំងឺប្រចាំកាយ។
អ្នកជំងឺត្រូវបានឲ្យលេបថ្នាំ ពីរគ្រាប់ក្នុងមួយថ្ងៃរយៈពេល១០ថ្ងៃ។ ក្នុងចំណោមអ្នកដែលបានផ្តល់ថ្នាំនេះ មាន៧៩នាក់ឬ ១០,៦ភាគរយប៉ុណ្ណោះ ត្រូវការបញ្ជូនទៅមន្ទីរពេទ្យ បើប្រៀបធៀបទៅនឹង ១៥,៧ភាគរយនៅក្នុងក្រុមដែលឲ្យលេបថ្នាំ Placebo។
អ្នកស្រាវជ្រាវបាននិយាយថា ការវិភាគរបស់ពួកគេបានបង្ហាញថា ថ្នាំគ្រាប់នេះកាត់បន្ថយហានិភ័យនៃការចូលមន្ទីរពេទ្យបាន ៣២ ភាគរយ។
ការព្យាបាលអាចត្រូវបានប្រើប្រាស់ក្នុងប្រទេស ដែលមានលទ្ធភាពទទួលបានវ៉ាក់សាំងតិចតួច ព្រោះវាអាចជួយអ្នកជំងឺបាន។ ប៉ុន្តែអ្នកជំនាញមិនពាក់ព័ន្ធនឹងការសាកល្បងនេះ បាននិយាយថា ថ្នាំនេះគួរតែត្រូវបានធ្វើតេស្តលើអ្នកជំងឺដែលទទួលថ្នាំបង្ការ ដើម្បីកំណត់ថាតើវាផ្តល់ឲ្យពួកគេនូវអត្ថប្រយោជន៍ណាមួយ និងមានសុវត្ថិភាពដែរឬអត់។
គួរបញ្ជាក់ថា អ្នកវិទ្យាសាស្ត្រនៅប្រទេសប្រេស៊ីល បានចាប់ផ្តើមការសិក្សាក្នុងខែមករាឆ្នាំ ២០២១ នៅពេលវ៉ាក់សាំងកូវីដ ទើបតែចាប់ផ្តើមដាក់ឲ្យចាក់។
អ្នកចូលរួមត្រូវបានជ្រើសរើសពីតំបន់ចំនួន ១១ក្នុងប្រទេសប្រេស៊ីល។ ពួកគេមានអាយុជាមធ្យម ៥០ឆ្នាំ ហើយសុទ្ធតែជាអ្នកមានជំងឺប្រចាំកាយយ៉ាងហោចណាស់មួយ ដូចជាជំងឺទឹកនោមផ្អែមប្រភេទ២ ឬជំងឺលើសឈាមជាដើម៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ថ្នាំ Molnupiravir មានប្រសិទ្ធភាពខ្ពស់បំផុតព្យាបាលកូវីដ បើធ្វើតាមលក្ខខណ្ឌនេះ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)