សុខភាព

ពិតទេ ប្រើថ្នាំពន្យារកំណើត ធ្វើឱ្យស្រីៗធាត់?

បានផុស

៥ years មុន

នៅ

ថ្ងៃសៅរ៍ ៤ ធ្នូ ២០២១

ដោយ

Sonya

មានមតិច្រើនលើកឡើងពីផលរំខានរបស់ថ្នាំពន្យារកំណើត អ្នកខ្លះថា ប្រើទៅធ្វើឲ្យស្គម រដូវមកមិនទៀង ឯខ្លះទៀតថាធ្វើឲ្យធាត់ជាដើម។ ការប្រើថ្នាំពន្យារកំណើតពិតជាធ្វើឲ្យស្រីៗឡើងគីឡូមែន ឬយ៉ាងណា?

What are the best birth control pill brands?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់ បកស្រាយថា ការប្រើថ្នាំពន្យារកំណើត តែងជួបផលរំខានខ្លះៗ ដូចជាធ្វើឲ្យប្រែប្រួលទម្ងន់ ទៅជាស្គម ឬឡើងគីឡូ ឈឺក្បាល ធេងធោង រដូវប្រែប្រួលខ្លះៗ តែមិនមែនមានន័យថា ស្ត្រីដែលប្រើថ្នាំពន្យារកំណើតទាំងអស់សុទ្ធជួបផលរំខានទាំងនេះនោះទេ។

ចំពោះការឡើងទម្ងន់វិញ លោកស្រីវេជ្ជបណ្ឌិតថា អាចមកពីរបបចំណីអាហារដែលយើងញ៉ាំច្រើនជាង ដោយសារកាលពីនៅក្មេង រាងកាយត្រូវការថាមពលច្រើន ដើម្បីលូតលាស់ ទោះញ៉ាំអ្វីក៏ដោយ ញ៉ាំច្រើនយ៉ាងណាក៏មិនងាយធាត់ដែរ។ នេះមកពីចំណីអាហារដែលយើងញ៉ាំចូលទៅ ត្រូវបានបម្លែងយកទៅប្រើប្រាស់អស់ ប៉ុន្តែនៅពេលយើងអាយុច្រើន រាងកាយលែងសូវលូតលាស់ ពេលយើងញ៉ាំច្រើនពេក ធ្វើឲ្យចំណីអាហារដែលយើងញ៉ាំចូលទៅទាំងប៉ុន្មាន ច្រើនតែសល់ ដុតកាឡូរីមិនអស់ទេ មិនឆ្លៀតហាត់ប្រាណទៀត ទៅជាធាត់។

“ដល់ពេលយើងប្រើថ្នាំពន្យារកំណើត ហើយចំពេលយើងវ័យច្រើនបន្តិច ការធ្វើមេតាប៉ូលិសនៅក្នុងខ្លួនមិនសូវបានល្អខ្លាំងដូចកាលពីនៅក្មេង ម្ល៉ោះហើយធ្វើឲ្យចំណីញ៉ាំទៅសល់ ទៅជាធាត់” លោកស្រីវេជ្ជបណ្ឌិតរៀបរាប់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សារធាតុ ៣ ធំៗ ក្នុងថ្នាំសម្រកទម្ងន់ អាចបង្កគ្រោះថ្នាក់ដល់រាងកាយ ឬឈានទៅបាត់បង់ជីវិត

ចុចអាន៖ ក្រោយប្រើថ្នាំពន្យារកំណើតបន្ទាន់ មានអាការទាំងនេះ មិនបាច់ភ័យទេ