ព័ត៌មានអន្ដរជាតិ
ការសិក្សា៖ មនុស្សជាងពាក់កណ្តាលពិភពលោក នឹងធាត់ខ្លាំង ត្រឹមឆ្នាំ២០៣៥
យោងតាមការសិក្សាថ្មីមួយបានឲ្យដឹងថា ជាងពាក់កណ្តាលនៃចំនួនប្រជាជនពិភពលោក នឹងលើសទម្ងន់ ឬធាត់ខ្លាំងនៅត្រឹមឆ្នាំ២០៣៥។
របាយការណ៍ឆ្នាំ២០២៣ របស់សហព័ន្ធភាពធាត់ពិភពលោក បានព្យាករថា ៥១ភាគរយនៃពិភពលោក ឬជាង៤ពាន់លាននាក់ នឹងធាត់ ឬលើសទម្ងន់ក្នុងរយៈពេល១២ឆ្នាំខាងមុខ។
របាយការណ៍បានរកឃើញថា អត្រានៃការធាត់កំពុងកើនឡើងយ៉ាងឆាប់រហ័ស ជាពិសេសក្នុងចំណោមកុមារ និងនៅក្នុងប្រទេសដែលមានប្រាក់ចំណូលទាប។
លោកស្រី Louise Baur ប្រធានសហព័ន្ធភាពធាត់ពិភពលោក បាននិយាយថា ឥឡូវនេះ អ្នកបង្កើតគោលនយោបាយនានា ចាំបាច់ត្រូវធ្វើសកម្មភាពដើម្បីការពារស្ថានភាពកុំឲ្យកាន់តែអាក្រក់ទៅៗ។
លោកស្រីនិយាយនៅក្នុងសេចក្តីថ្លែងការណ៍មួយថា “វាពិតជាគួរឲ្យព្រួយបារម្ភណាស់ ដែលយើងរកឃើញអត្រានៃការធាត់ កើនឡើងលឿនបំផុតក្នុងចំណោមកុមារ និងមនុស្សវ័យជំទង់បែបនេះ។ រដ្ឋាភិបាល និងអ្នកបង្កើតគោលនយោបាយជុំវិញពិភពលោក ត្រូវតែធ្វើឲ្យអស់ពីសមត្ថភាព ដើម្បីចៀសវាងកុំឲ្យក្មេងជំនាន់ក្រោយ ទទួលរងបញ្ហាសុខភាព ការខាតបង់សង្គម និងសេដ្ឋកិច្ច”។
របាយការណ៍ក៏បានរកឃើញផងដែរថា ភាពធាត់ក្នុងវ័យកុមារ អាចកើនឡើងទ្វេដងពីកម្រិតឆ្នាំ២០២០ ពោលគឺក្មេងប្រុសនឹងកើនដល់២០៨លាននាក់ និងក្មេងស្រីកើនដល់១៧៥លាននាក់ ត្រឹមឆ្នាំ២០៣៥។
របាយការណ៍នេះ បានប្រើប្រាស់សន្ទស្សន៍ម៉ាសរាងកាយ (BMI) សម្រាប់ការវាយតម្លៃរបស់ខ្លួន ដោយត្រូវយកទម្ងន់ (គីឡូក្រាម) គុណនឹងកម្ពស់លើកជាការ៉េ។ ស្របតាមគោលការណ៍ណែនាំរបស់ WHO, ពិន្ទុ BMI លើ២៥គឺលើសទម្ងន់ ហើយលើ៣០គឺធាត់។
របាយការណ៍បានរកឃើញទៀតថា ស្ទើរតែគ្រប់ប្រទេសទាំងអស់ដែលគេរំពឹងថានឹងឃើញការកើនឡើងនៃភាពធាត់ខ្លាំងបំផុតក្នុងឆ្នាំខាងមុខនេះ គឺជាប្រទេសដែលមានចំណូលទាប ឬមធ្យមនៅទ្វីបអាស៊ី និងអាហ្វ្រិក៕
ប្រែសម្រួល៖ Vann Vann
ប្រភព៖ CNA
ចុចអាន៖ ៧ យ៉ាង ធ្វើឲ្យធាត់ដោយមិនដឹងខ្លួន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ