សុខភាព

មូលហេតុ ៤ យ៉ាង ដែលបណ្ដាលឲ្យមានកូវីដយូរអង្វែង និងវិធីព្យាបាលត្រឹមត្រូវ

បានផុស

៤ years មុន

នៅ

ថ្ងៃសុក្រ ២២ មេសា ២០២២

ដោយ

ទោះបីជាបានចាក់វ៉ាក់សាំងគ្រប់ដូសក្ដី តែអ្នកនៅតែឆ្លងជំងឺកូវីដដដែល ប៉ុន្តែក៏អាស្រ័យលើស្រាលឬធ្ងន់ ទៅតាមសភាពរាងកាយដែរ។ យ៉ាងណាមិញ ចំពោះអ្នកឆ្លងហើយជាសះស្បើយរហ័ស សុទ្ធតែអាចបន្សល់នុកនូវស្ថានភាពនៃជំងឺកូវីដយូរអង្វែង (Long Covid) ដែលជាគ្រោះថ្នាក់ដ៏គួរឲ្យភ័យខ្លាចមួយទៀត បានកើតឡើង ហើយពិបាកនឹងបាត់ទៅវិញណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំណល់រយៈពេលវែង នៃការឆ្លងមេរោគកូវីដ គឺកើតមានចំពោះស្ត្រីច្រើនជាងបុរស។ រយៈពេលនៃស្ថានភាពនេះមានចាប់ពីច្រើនខែទៅច្រើនឆ្នាំ។ ផលវិបាកភាគច្រើន នឹងក្លាយជាអសមត្ថភាព ក្នុងការវិលទៅរកជីវិតធម្មតាវិញ ក្នុងសមត្ថភាពពេញលេញ។ នៅលើទំព័រហ្វេសប៊ុក ទីផ្សារសង្គម Thaihealth ដោយមូលនិធិលើកកម្ពស់សុខភាពថៃ បានចេញមុខបកស្រាយពីប្រភពនៃមូលហេតុនៃជំងឺកូវីដនេះ។ ក្រុមស្រាវជ្រាវបានព្យាករណ៍ ពីលទ្ធភាពសម្រាប់ហេតុផលចំនួន ៤ ដូចខាងក្រោម៖

-មេរោគនៅតែមាននៅក្នុងសរីរាង្គផ្សេងៗ បណ្ដាលឲ្យរលាក ជាបន្តបន្ទាប់

-ការរលាកនៅក្នុងសរីរាង្គជាច្រើន មុខងារសរីរាង្គអចិន្ត្រៃយ៍ ប៉ះពាល់ដល់សុខភាព រយៈពេលវែង

-ផលប៉ះពាល់នៃការសម្រាកនៅមន្ទីរពេទ្យរយៈពេលវែង និងការសម្រាកនៅមន្ទីរពេទ្យពុំមានអនាម័យ

-ដំណើរការខុសប្រក្រតីនៃប្រព័ន្ធភាពស៊ាំ បន្ទាប់ពីការឆ្លងមេរោគ។

វិធីសាស្ត្រការពារ និងព្យាបាលកូវីដ សម្រាប់អ្នកជំងឺដែលឆ្លងកូវីដ នៅពេលដែលដឹងថាមានរោគសញ្ញាកូវីដយូរ អ្នកអាចកាត់បន្ថយផលប៉ះពាល់ និងហានិភ័យនៃការកើតឡើងនេះបានក្រោមវិធីសាស្ត្រ ៣ នៃការព្យាបាលនៅផ្ទះ ៖

១ បរិភោគអាហារប្រូតេអ៊ីន ប្រូតេអ៊ីនដូចជាសាច់ សណ្ដែក អង្ករសម្រូប និងនំបុ័ងស្រូវសាលីទាំងមូល រួមចំណែកដល់ការជួសជុលកោសិកាដែលខូចនៅក្នុងរាងកាយ។

២ ធ្វើលំហាត់ប្រាណឲ្យបានត្រឹមត្រូវ លំហាត់ប្រាណស្រាល ផ្ដោតលើចលនាយឺត វាជួយបានច្រើនក្នុងការស្តាររាងកាយឲ្យត្រលប់ទៅដំណើរការប្រសើរជាងមុន។ ប៉ុន្តែត្រូវប្រយ័ត្នកុំប្រឹងខ្លាំងពេក ក្នុងអំឡុងពេលដែលអ្នកកំពុងហាត់។

៣ កាត់បន្ថយអាហារមិនល្អ អាហារមិនល្អដូចជាមីកញ្ចប់ អាហារហឹរ អាហារកក និងភេសជ្ជៈមានជាតិស្រវឹងដូចជាអាល់កុល គួរតែត្រូវបានចៀសវាង ដែលដើរតួនាទីយ៉ាងសំខាន់ក្នុងការរារាំងប្រព័ន្ធការពាររាងកាយ៕

ប្រែសម្រួល៖ សាង ស្រីល័ក្ខ

ចុចអាន៖បរិស្ថានមិនល្អ អាចបង្កជាជំងឺរ៉ាំរ៉ៃច្រើនប្រភេទ

ចុចអាន៖គេងមិនបានគ្រប់គ្រាន់ អាចបង្កជាបញ្ហាសុខភាពច្រើនយ៉ាង

Related Topics:ការថែទាំសុខភាព