Connect with us

សុខភាព

រដ្ឋមន្ត្រី​សុខាភិបាល​អំពាវនាវ​ឱ្យពលរដ្ឋ​បង្កើន​ការប្រុងប្រយ័ត្ន​ខ្ពស់បន្ថែមទៀត​ចំពោះជំងឺ​គ្រុនឈាម

បានផុស

នៅ

លោកសាស្ត្រាចារ្យ ម៉ម ប៊ុន​ ហេងរដ្ឋមន្ត្រីក្រសួងសុខាភិបាល​បានអំពាវនាវឱ្យប្រជាពលរដ្ឋ​ត្រូវ​បង្កើន​ការប្រុងប្រយ័ត្ននិងយកចិត្តទុកដាក់បន្ថែមទៀត​ចំពោះជំងឺគ្រុនឈាម​ ខណៈជំងឺនេះ​បាននឹង​កំពុងមានការកើនឡើងនៅក្នុងមួយរយៈចុងក្រោយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ការអំពាវនាវនេះបានធ្វើឡើង​កាលពីថ្ងៃទី​ ២៧​ ខែកក្កដា​ក្នុងឱកាសដែល​លោកបានដឹកនាំ​ក្រុមគ្រូ​ពេទ្យស្ម័គ្រចិត្តរបស់សាកលវិទ្យាល័យវិទ្យាសាស្ត្រសុខាភិបាលចុះពិនិត្យព្យាបាលជំងឺនិងចាក់វ៉ាក់សាំងដូសជំរុញដល់ពលរដ្ឋនៅសង្កាត់គោកឃ្លាង ខណ្ឌសែនសុខ រាជធានីភ្នំពេញ។

​លោករដ្ឋមន្ត្រី​បានមានប្រសាសន៍ថា ​«ខែនេះជាខែគ្រុនឈាមបងប្អូនត្រូវប្រុងប្រយ័ត្ន​កុំឱ្យមានមូស​មានដង្កូវទឹកមានទឹកដក់នៅក្នុងផ្ទះឬនៅជុំវិញផ្ទះរបស់យើងដែលបង្កឱ្យមានមូសមូសខ្លាដែលជាភ្នាក់ងារចម្លងជំងឺគ្រុនឈាមខាំដល់កូនចៅយើងហើយឥឡូវនេះមិនកើតតែទៅលើកូនចៅយើងទេគឺកើតទៅលើមនុស្សចាស់ដែរ ដូច្នេះត្រូវតែសំអាតលាងពាងអីឱ្យបានញឹកញាប់​និងស្អាតហើយ​ពេទ្យ​ដាក់​អាបេតជូនដើម្បីទប់ស្កាត់កុំឱ្យមានដង្កូវទឹក»។

លោករដ្ឋមន្ត្រីបានណែនាំដល់ប្រជាពលរដ្ឋថា នៅកន្លែងណាដែលមានមូសច្រើនត្រូវរាយការណ៍ទៅអាជ្ញាធរមូលដ្ឋានដើម្បីឱ្យអាជ្ញាធររាយការណ៍បន្តទៅភ្នាក់ងារសុខាភិបាលចុះមកបាញ់ថ្នាំសម្លាប់មូសខាំដល់កូនចៅយើង។

​នៅក្នុងរយៈពេល ៦ខែ ឆ្នាំ២០២២កម្ពុជាមានករណីជំងឺគ្រុនឈាមចំនួន ២៨៦៩ករណី ក្នុងនោះស្លាប់​ ៧ករណីមានការ​កើនឡើង ៣ដងបើប្រៀបធៀបទៅនឹងរយៈពេលដូចគ្នាកាលពីឆ្នាំ២០២១ កន្លងទៅមានចំនួន៧៥១ករណីក្នុងនោះស្លាប់១នាក់។ រាជធានីខេត្តដែលករណីជំងឺគ្រុនឈាមច្រើនរួមមានរាជធានីភ្នំពេញ ខេត្តកណ្តាល កំពង់ស្ពឺ ពោធិ៍សាត់ ត្បូងឃ្មុំ កំពង់ធំនិងខេត្តសៀមរាប។

លោកវេជ្ជបណ្ឌិត លាង ឬទ្ធា ប្រធានកម្មវិធីជាតិប្រយុទ្ធនឹងជំងឺគ្រុនឈាមនៃក្រសួងសុខាភិបាល មានប្រសាសន៍ថាការកើនឡើងនៃករណីជំងឺគ្រុនឈាមនៅដើមឆ្នាំនេះ ដោយសារតែ​កក្តាការប្រែ​ប្រួល​អាកាសធាតុដូចជាអាកាសធាតុក្តៅ អាចបង្កលក្ខណៈងាយស្រួលក្នុងការកកើតមូសខ្លាច្រើន និងកត្តាទឹកភ្លៀងពិសេសឆ្នាំ២០២២ នេះជាឆ្នាំទី៣ ស្ថិតក្នុងវ័ន្តឆ្នាំ មានការផ្ទុះជំងឺគ្រុនឈាម ដែលមានរយៈពេល៥ឆ្នាំម្តង បន្ទាប់ពីកម្ពុជាបានទ្រង់ទ្រាយធំកាលពីឆ្នាំ២០១៩កន្លងទៅ។

លោកវេជ្ជបណ្ឌិតបានឱ្យដឹងទៀតថា សម្រាប់ឆ្នាំ២០២២នេះ កម្មវិធីជាតិប្រយុទ្ធនឹងជំងឺគ្រុនឈាម បានត្រៀមថ្នាំអាបេតប្រមាណ២០០ តោនសេរ៉ូម ៦ ទៅ ៧ ម៉ឺនប្លោក ទឹកថ្នាំបាញ់សម្លាប់មូស ៦ ពាន់លីត្រ ផលិតខិតប័ណ្ណអប់រំ ស្តីពីជំងឺគ្រុនឈាម ដើម្បីបង្ការ និងការពារទប់ស្កាត់ក្នុងករណី​ជំងឺគ្រុនឈាមមានការរាតត្បាតលក្ខណៈទ្រង់ទ្រាយធំ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម