សុខភាព
មិននឹកស្មានថា កំហឹងអាចបំផ្លាញសុខភាពថ្នាក់នេះសោះ
ជាធម្មតា ការរស់នៅមិនអាចសប្បាយចិត្តដូចបំណងរហូតនោះទេ ប្រាកដជាមានការខឹងអាក់អន់ស្រពន់ចិត្តនឹងគ្នាខ្លះហើយ។ ដូច្នេះថ្ងៃនេះ “កម្ពុជាថ្មី” នឹងលើកឡើងពីផលអាក្រក់នៃកំហឹងដើម្បីលើកទឹកចិត្តគ្រប់គ្នាឲ្យលះបង់ចោលរាល់កំហឹង និងគំនុំសងសឹងទៅវិញទៅមក៖
១. ហានិភ័យខ្ពស់ប្រឈមមុខនឹងជំងឺបេះដូង
ការខូចខាតរាងកាយភាគច្រើនគឺមកពីឥទ្ធិពលនៃកំហឹងទៅលើសុខភាពបេះដូងរបស់អ្នក។ Chris Aiken, MD, គ្រូបង្រៀនផ្នែកចិត្តសាស្រ្តនៅសាលាវេជ្ជសាស្ត្រសាកលវិទ្យាល័យ Wake Forest និងជានាយកមជ្ឈមណ្ឌលព្យាបាលអារម្មណ៍នៅ Winston-Salem មានប្រសាសន៍ថា “ក្នុងរយៈពេលពីរម៉ោងបន្ទាប់ពីការផ្ទុះកំហឹង ឱកាសនៃការគាំងបេះដូងកើនឡើងទ្វេដង”។ គាត់បន្តទៀតថា “ការទប់កំហឹងខ្លាំងពេកដោយមិនបញ្ចេញត្រូវបានផ្សារភ្ជាប់ជាមួយនឹងជំងឺបេះដូង”។ លើសពីនេះមានការសិក្សាមួយរកឃើញថា មនុស្សដែលមានចរិតឆេវឆាវប្រឈមនឹងជំងឺបេះដូងពីរដងច្រើនជាងមនុស្សមិនសូវខឹង។
២. បង្កើនហានិភ័យការដាច់សរសៃឈាមខួរក្បាល
ការសិក្សាមួយបានរកឃើញថា កំហឹងបង្កហានិភ័យខ្ពស់នៃការដាច់សរសៃឈាមខួរក្បាល ពេលកំណកឈាមនៅក្នុងខួរក្បាល ឬហូរឈាមក្នុងខួរក្បាលក្នុងរយៈពេលពីរម៉ោងបន្ទាប់ពីការផ្ទុះកំហឹង។ សម្រាប់អ្នកដែលមានកំណកឈាមក្នុងសរសៃឈាមខួរក្បាលមួយស្រាប់ មានហានិភ័យខ្ពស់ដល់ទៅប្រាំមួយដងនៃការដាច់សរសៃឈាមខួរក្បាលឯណោះ។
៣. ប្រព័ន្ធការពាររាងកាយចុះខ្សោយ
“ខឹងច្រើន ឈឺច្រើន” នៅក្នុងការសិក្សាមួយ អ្នកវិទ្យាសាស្ត្រនៅសកលវិទ្យាល័យ Harvard បានរកឃើញថា “មនុស្សសុខភាពល្អដែលរំលឹកពីបទពិសោធន៍ខឹងសម្បារបស់ពួកគេបានធ្វើឱ្យធ្លាក់ចុះរយៈពេល ៦ ម៉ោងក្នុងកម្រិតនៃអង្គបដិប្រាណ ខ្សែការពារដំបូងរបស់កោសិកាប្រឆាំងនឹងការឆ្លងមេរោគ”។
៤. ជំងឺថប់បារម្ភកាន់តែធ្ងន់ធ្ងរឡើង
ក្នុងឆ្នាំ២០១២ អ្នកស្រាវជ្រាវរកឃើញថា កំហឹងធ្វើឲ្យរោគសញ្ញានៃជំងឺថប់បារម្ភទូទៅ (GAD) កាន់តែធ្ងន់ធ្ងរឡើង ដែលជាស្ថានភាពកំណត់ដោយការព្រួយបារម្ភហួសហេតុនិងមិនអាចគ្រប់គ្រងបាន ថែមទាំងរំខានដល់ជីវិតប្រចាំថ្ងៃរបស់មនុស្សទៀតផង។
៥. បង្កទៅជាជំងឺបាក់ទឹកចិត្ត
ការសិក្សាជាច្រើនបានផ្សារភ្ជាប់ ការធ្លាក់ទឹកចិត្តជាមួយអំពើហិង្សានិងការផ្ទុះកំហឹងភាគច្រើនកើតឡើងលើបុរស។ ដំបូន្មានលេខ១ របស់លោក Aiken សម្រាប់អ្នកដែលតស៊ូជាមួយជំងឺធ្លាក់ទឹកចិត្តលាយកំហឹងគឺត្រូវបង្វែរអារម្មណ៍ឲ្យរវល់ឈប់គិតពីបញ្ហាច្រើនហួសកម្រិត ឬកុំឲ្យគិតច្រើន។
៦. ខូចសួត
ក្រុមអ្នកវិទ្យាសាស្ត្រនៃសាកលវិទ្យាល័យ Harvard ធ្វើការពិសោធន៍លើបុរសចំនួន ៦៧០នាក់ក្នុងរយៈពេល ៨ឆ្នាំដោយប្រើវិធីសាស្ត្រដាក់ពិន្ទុខ្នាតអរិភាពដើម្បីវាស់កម្រិតកំហឹង និងវាយតម្លៃការផ្លាស់ប្តូរនៅក្នុងមុខងារសួតពួកគេ។ បុរសដែលមានអត្រាអរិភាពខ្ពស់បំផុតមានសមត្ថភាពសួតកាន់តែខ្សោយ និងបង្កើនហានិភ័យនៃបញ្ហាផ្លូវដង្ហើម។ អ្នកស្រាវជ្រាវបញ្ជាក់ដែរថា ការកើនឡើងនៃអរម៉ូនស្ត្រេសត្រូវបានផ្សារភ្ជាប់ជាមួយនឹងអារម្មណ៍ខឹងដល់ថ្នាក់បង្កើតជាការរលាកនៅក្នុងផ្លូវដង្ហើមដូចគ្នា។
៧. អាយុខ្លី
ភាពតានតឹងត្រូវបានផ្សារភ្ជាប់យ៉ាងតឹងរ៉ឹងទៅនឹងសុខភាពទូទៅ ការខឹងច្រើនប្រៀបដូចកាត់អាយុខ្លួនឯងដែរ។ ការសិក្សាមួយរបស់សាកលវិទ្យាល័យ Michigan ដែលធ្វើឡើងក្នុងរយៈពេល ១៧ឆ្នាំ រកឃើញថា គូស្វាមីភរិយាដែលទប់កំហឹងមានអាយុកាលខ្លីជាងគូបញ្ចេញកំហឹងលះៗ៕
ប្រែសម្រួលដោយ៖ វារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ