ញៀនទូរស័ព្ទខ្លាំងចង់ផ្ដាច់ត្រូវធ្វើតាម ៤ ចំណុចនេះ

ជាការពិតណាស់មនុស្សស្ទើរតែទាំងអស់នៅលើពិភពលោកគឺមានទូរស័ព្ទប្រើប្រាស់ ជាពិសេសការងារភាគច្រើនគឺសុទ្ធតែត្រូវការវាដើម្បីធ្វើការទំនាក់ទំនង ប៉ុន្តែទោះជាយ៉ាងណា អ្នកត្រូវបែងចែកឲ្យច្បាស់រវាងតម្រូវការ និងការលេងកម្សាន្ត ។ ដូច្នេះបើយើងញៀនទូរស័ព្ទខ្លាំង ហើយចង់ផ្ដាច់ត្រូវធ្វើតាម ៥ ចំណុចខាងក្រោម ៖

១. កំណត់ម៉ោង

អ្នកគួរកំណត់ម៉ោងឈប់លេង ឬម៉ោងលេងឲ្យបានត្រឹមត្រូវ ជាពិសេសត្រូវធ្វើតាមផងទើបមានប្រសិទ្ធភាព ។

២. លុបកម្មវិធីមិនចាំបាច់

កម្មវិធីទាំងនោះមានដូចជា ហ្គេម និងបណ្ដាញសង្គមសម្រាប់កម្សាន្តជាដើម បន្ទាប់ពីលុបរួចអ្នកនឹងគ្មានអារម្មណ៍ប្រើទូរស័ព្ទដូចមុនឡើយ ។

៣. រកសកម្មភាពថ្មីជំនួស

ទម្លាប់ថ្មីៗរួមមានកីឡា ហាត់ប្រាណ អានសៀវភៅ គឺសុទ្ធតែអាចជួយទាញអ្នកចេញឆ្ងាយពីទូរស័ព្ទបានយ៉ាងងាយ ។

៤. ឈប់ពឹងផ្អែកលើបណ្ដាញសង្គមអ៊ីនធឺណិត

ផ្អាកថតរូបបង្ហាញក្នុងបណ្ដាញសង្គមជាពិសេសការ Add Story និងបង្ហោះរូប ព្រោះអ្នកនឹងឧស្សាហ៍បើកមើលអ្នកឆ្លើយឥតស្រាកស្រាន្ត ទើបឈានដល់ដំណាក់កាលញៀនទូរស័ព្ទនោះឯង ។

គួរបញ្ជាក់ថា ការប្រើប្រាស់ទូរស័ព្ទជាប្រចាំប៉ះពាល់យ៉ាងខ្លាំងចំពោះសុខភាពផ្លូវកាយ និងផ្លូវចិត្តដោយសារការប្រាស្រ័យទាក់ទងមនុស្សច្រើនបូករួមជាមួយវិទ្យុសកម្មផងដែរ ៕

អត្ថបទ ៖ វារី

ចុចអាន ៖ គេងយូរពេកប្រយ័ត្នមានបញ្ហាសុខភាព ៦ ប្រភេទ