ផលប៉ះពាល់ ៥ យ៉ាង កើតមានពីការវះកាត់កែសម្ផស្ស

បច្ចេកទេសនៃការកែជំនាន់ថ្មីកាន់តែប្លែកដូចជា ការចាក់ បូម ជាពិសេសការវះកាត់ ដែលមនុស្សមួយចំនួនឈានទៅដល់ការធ្វើសេវាកម្មនៅក្រៅប្រទេសទៀតផង។ ដោយសារតែការប្រើប្រាស់ឧបករណ៍ឈឺសាច់ បូករួមជាមួយថ្នាំស្ពឹក ថ្នាំសណ្ដំ និងថ្នាំគីមីផ្សេងៗប្រាកថជាមានផលប៉ះពាល់មកលើរាងកាយជាមិនខានដូចជា ៖

១. ហានិភ័យវេជ្ជសាស្ត្រ

ស្រដៀងនឹងការវះកាត់ផ្សេងៗដែរ ការវះកាត់កែសម្ផស្សមានហានិភ័យនៃផលវិបាកផ្នែកវេជ្ជសាស្ត្រ រាប់ចាប់ពីការឆ្លងមេរោគរហូតដល់ស្លាប់ក៏មាន ។ ការហូរឈាមច្រើនពេក ការខូចខាតសរសៃប្រសាទ ការខូចខាតសរីរាង្គ និងស្នាមជាំសុទ្ធតែជាផលប៉ះពាល់ដែលអាចកើតមានពីការកែសម្ផស្សទាំងអស់។

២. ស្លាកស្នាម និងផ្លែ

ខណៈការវះកាត់កែសម្ផស្សត្រូវបានរចនាឡើងដើម្បីជួយកែលម្អរូបរាងខាងក្រៅរបស់អ្នក ពេលខ្លះវាបែរជាបន្សល់ទុកនៅស្នាមផ្លែទៅវិញ ហើយស្នាមទាំងនេះមានសភាពក្រាស់ និងមានពណ៌ក្រហម ណាមួយមិនងាយបាត់ឡើយ ។

៣. រូបរាងផ្លាស់ប្ដូរ

ក្រៅពីស្លាកស្នាម ផលវិបាកដែលអាចកើតមានលើរូបរាងរបស់អ្នកកែរួមមានស្នាមជាំ និងហើមផងដែរ ។ នោះជាហានិភ័យនៃជំងឺ ptosis ឬការយារធ្លាក់ និងធ្លាក់សាច់នៅតំបន់វះកាត់ ។ 

៤. ញៀនកែសម្ភស្ស

មិនសូវឲ្យតម្លៃខ្លួនឯង និងជំងឺរាងកាយ (BDD) គឺជាកត្តាមួយចំនួនដែលអាចបណ្តាលឱ្យមានការញៀននឹងការវះកាត់កែសម្ផស្ស ។ ផលវិបាកធ្ងន់ធ្ងរនៃការញៀននឹងការវះកាត់កែសម្ផស្សរួមមានការខូចខាតសាច់ដុំ និងស្បែកជាអចិន្ត្រៃយ៍ ។ 

៥. ការខូចខាតផ្លូវចិត្តនិងអារម្មណ៍

ការវះកាត់កែសម្ភស្សផ្ដល់ភាពជឿជាក់លើខ្លួនឯងធ្វើឲ្យជីវិតប្រសើរឡើង បើមិនដូច្នោះទេផលវិបាកមួយទៀតដែលអ្នកនឹងជួបគឺ ជំងឺបាក់ទឹកចិត្ត និងថប់បារម្ភ ។

ជាក់ស្ដែងអ្នកមិនអាចជៀសវាងបានទាំងស្រុងនូវផលរំខានទាំងនេះទេ ប៉ុន្តែអ្នកអាចកាត់បន្ថយផលវិបាកដោយការអប់រំខ្លួនអ្នក និងពិគ្រោះជាមួយវេជ្ជបណ្ឌិតជំនាញ ៕

ប្រែសម្រួលដោយ ៖ វារី

ចុចអាន ៖ របបអាហារសំខាន់ៗសម្រាប់អ្នកជំងឺ ក្រោយព្យាបាលដោយវះកាត់