សុខភាព

អត្ថប្រយោជន៍ ៥ យ៉ាងពីកាហ្វេខ្មៅ ល្អចំពោះសុខភាពយ៉ាងខ្លាំង

បានផុស

៣ years មុន

នៅ

ថ្ងៃព្រហស្បតិ៍ ១៦ កុម្ភៈ ២០២៣

ដោយ

កាហ្វេខ្មៅ (Black Coffee) ទោះបីជាវាមានរសជាតិចត់ និងសូវឆ្ងាញ់ដូចដាក់ទឹកដោះគោក៏ដោយ។ ប៉ុន្តែវាមានមន្តស្នេហ៍ដែលធ្វើឲ្យមនុស្សជាច្រើនញៀន។ វាក៏មានអត្ថប្រយោជន៍ចំពោះសុខភាពដោយការពារជំងឺដំកាត់ផ្សេងៗ។

នៅក្នុងកាហ្វេខ្មៅសំបូរទៅដោយអាហារូបត្ថម្ភជាច្រើនដូចជា៖

-ថាមពល ២ កាឡូរី

-ប្រូតេអ៊ីន 0 ក្រាម

-ខ្លាញ់ 0 ក្រាម

-កាបូអ៊ីដ្រាត 0 ក្រាម

-0 ក្រាមនៃជាតិសរសៃ

-ស្ករ 0 ក្រាម

-សូដ្យូម (សូដ្យូម) ៥ មីលីក្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថប្រយោជន៍៥ យ៉ាងរបស់កាហ្វេខ្មៅ

១ មហារីក កាហ្វេខ្មៅមានសារធាតុប្រឆាំងអុកស៊ីតកម្មខ្ពស់ជួយការពារប្រភេទមហារីកមួយចំនួនដូចជា មហារីកមាត់មហារីកក្រពេញប្រូស្តាត មហារីកថ្លើម និងមហារីកពោះវៀនធំ។

២ ក្រិនថ្លើម ការផឹកកាហ្វេអាចកាត់បន្ថយហានិភ័យនៃជំងឺក្រិនថ្លើម។ ជាពិសេស ជំងឺក្រិនថ្លើមដែលបណ្តាលមកពីការទទួលទានគ្រឿងស្រវឹង ការផឹកកាហ្វេ ៤ពែង ឬច្រើនជាងនេះក្នុងមួយថ្ងៃ អាចកាត់បន្ថយហានិភ័យនៃការវិវត្តទៅជាជំងឺក្រិនថ្លើមដែលមានជាតិអាល់កុលរហូតដល់ ៨០ភាគរយ។

៣ ជំងឺទឹកនោមផ្អែម អ្នកផឹកកាហ្វេទៀងទាត់មានហានិភ័យទាបនៃការកើតជំងឺទឹកនោមផ្អែមប្រភេទទី២។ បន្ថែមពីលើនេះទៀត ជាតិកាហ្វេអ៊ីនក្នុងកាហ្វេអាចជួយគ្រប់គ្រងទម្ងន់បាន។ ជួយឲ្យរាងកាយដុតបំផ្លាញជាតិខ្លាញ់កាន់តែមានប្រសិទ្ធភាព

៤ ការពារជំងឺអាល់ហ្សៃមឺរ និងជំងឺវង្វេង ជំងឺអាល់ហ្សៃមឺរ (Alzeimer) គឺជាជំងឺសរសៃប្រសាទទូទៅ និងជាមូលហេតុចម្បងនៃជំងឺវង្វេង ស្ថានភាពនេះជាធម្មតាប៉ះពាល់ដល់មនុស្សចាស់ ដែលមានអាយុលើសពី ៦៥ ឆ្នាំពីលទ្ធផលស្រាវជ្រាវ បានបញ្ជាក់ថា អ្នកដែលផឹកកាហ្វេជាប្រចាំ អាចកាត់បន្ថយហានិភ័យនៃជំងឺ Alzheimer បានរហូតដល់៦៥ភាគរយ។

៥ ថែរក្សាសុខភាពសរសៃឈាមបេះដូង ផឹកកាហ្វេ ១-២ ពែងជារៀងរាល់ថ្ងៃ វាអាចកាត់បន្ថយហានិភ័យនៃជំងឺសរសៃឈាមបេះដូងផ្សេងៗ រួមទាំងគ្រោះថ្នាក់សរសៃឈាមខួរក្បាល ជួយកាត់បន្ថយការរលាកនៅក្នុងខ្លួនផងដែរ.

ក្រៅពីកាហ្វេខ្មៅ វាគឺជាភេសជ្ជៈដ៏ពេញនិយមបំផុតមួយ ដែលមានក្លិនឈ្ងុយឆ្ងាញ់ រសជាតិឆ្ងាញ់ អត្ថប្រយោជន៍ចំពោះសុខភាព ហើយក៏មានគុណសម្បត្តិដែលជួយជំរុញឲ្យរាងកាយភ្ញាក់ពីដំណេក។ ប៉ុន្តែយើងមិនគួរទទួលទានកាហ្វេខ្មៅលើសពី ៤-៥ ពែងក្នុងមួយថ្ងៃឡើយ ព្រោះក្រៅពីមានផលប៉ះពាល់ដែលបណ្ដាលឲ្យគេងមិនលក់។ វាក៏អាចបណ្តាលឲ្យញៀនកាហ្វេអ៊ីនផងដែរ។ ទោះបីជាកាហ្វេខ្មៅផ្តល់អត្ថប្រយោជន៍ដល់សុខភាព ប៉ុន្តែយើងគួរទទួលទានក្នុងបរិមាណត្រឹមត្រូវក្នុងមួយថ្ងៃ។ យើងមិនគួរទទួលទានកាហ្វេលើសពី ៤០០មីលីក្រាមក្នុងមួយថ្ងៃនោះទេ។ ប្រសិនបើអ្នកជាអ្នកញៀនកាហ្វេ គួរតែកំណត់ការទទួលទានកាហ្វេរបស់អ្នកមិនឱ្យលើសពី4 ពែងក្នុងមួយថ្ងៃ។ វានឹងជះឥទ្ធិពលអវិជ្ជមានដល់សុខភាពផងដែរ៕