សុខភាព

ចេះតែមានអារម្មណ៍វិលមុខ ក្រោយញ៉ាំអាហាររួច អាចមកពីមូលហេតុនេះ

បានផុស

៣ years មុន

នៅ

ថ្ងៃព្រហស្បតិ៍ ២ មីនា ២០២៣

ដោយ

ជាទូទៅយើងអាចប្រឈមអាការវិលមុខ ប្រសិនបើមិនញ៉ាំអាហាររយៈពេលយូរ ដែលកត្តានេះអាចបណ្តាលមកពីកម្រិតជាតិស្ករក្នុងឈាមធ្លាក់ចុះ។ ចុះចំណែកអ្នកដែលមានអារម្មណ៍វិលមុខក្រោយញ៉ាំអាហាររួច អាចបណ្តាលមកពីកត្តាអ្វីខ្លះ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលហេតុវិលមុខក្រោយញ៉ាំអាហារ

អាការៈវិលមុខក្រោយញ៉ាំអាហាររួច អាចកើតឡើងដោយសារតែកត្តាជាច្រើន។ សូម្បីតែការក្រោកឈរភ្លាមៗ ក្រោយអង្គុយយូរម៉ោងក៏អាចនាំឲ្យយើងវិលមុខដូចគ្នា។ ការប្រែប្រួលកម្រិតសារធាតុរាវ និងលំហូរឈាមភ្លាមៗ អាចបណ្តាលឲ្យគ្នាយើងមានអារម្មណ៍ធីងធោងមួយរយៈខ្លី។

ទន្ទឹមនឹងនេះដែរ ករណីវិលមុខ ឬធីងធោងក្រោយញ៉ាំអាហាររួច ក៏អាចកើតឡើងនៅពេលយើងជួបបញ្ហាចុះសម្ពាធឈាមក្រោយញ៉ាំអាហារ ដែលស្ថានភាពសុខភាពមួយនេះច្រើនតែកើតលើមនុស្សវ័យចំណាស់ និងជាហេតុនាំឲ្យធីងធោង ឬដួលភ្លាមៗ។

ជាទូទៅ មានកត្តាជាច្រើនដែលអាចនាំឲ្យយើងប្រឈមនឹងបញ្ហាសម្ពាធធ្លាក់ចុះក្រោយញ៉ាំអាហារ ដែលរួមមានកត្តាវ័យចំណាស់ ការប្រើប្រាស់ថ្នាំជាក់លាក់ ដូចជាថ្នាំបញ្ចុះទឹកនោម និងថ្នាំបញ្ចុះសម្ពាធឈាម(Beta blockers) ឬមានជំងឺParkinson’s ជាដើម។ ថ្វីត្បិតតែការធ្លាក់ចុះសម្ពាធឈាមក្រោយញ៉ាំអាហារ ជាស្ថានភាពបណ្ដោះអាសន្នក៏ពិតមែន ប៉ុន្តែក៏អាចបង្កផលវិបាកធ្ងន់ធ្ងរ ដូចជាដួលសន្លប់ ឬអាចគ្រោះថ្នាក់សរសៃឈាមខួរក្បាល ប្រសិនបើសម្ពាធឈាមធ្លាក់ចុះទាបពេក។

គន្លឹះដោះស្រាយបញ្ហាសម្ពាធឈាមធ្លាក់ចុះក្រោយញ៉ាំអាហារ

ញ៉ាំទឹកយ៉ាងហោចណាស់២០០មីលីលីត្រ មុនញ៉ាំអាហារ៣០នាទី
ញ៉ាំអាហារក្នុងបរិមាណតិចតួចឲ្យបានច្រើនដង
អង្គុយចុះ ឬគេងមួយសន្ទុះក្រោយញ៉ាំអាហារ
ញ៉ាំអាហារដែលសម្បូរទៅដោយសារធាតុចិញ្ចឹមសំខាន់ៗ ដូចជាសាច់គ្មានខ្លាញ់ គ្រាប់ធញ្ញជាតិ បន្លែស្លឹកបៃតង និងផ្លែឈើ។

អត្ថបទផ្ដល់ដោយ៖Hello Krupet

ចុចអាន៖ដំឡូងជ្វា ក៏អាចជួយបន្ថយជំងឺគ្រោះថ្នាក់ទាំងនេះបានដែរ

ចុចអាន៖ភ្ញាក់ពីគេងមានអារម្មណ៍ធេងធោង វិលមុខ មកពីអ្វី?