ផ្លែឈើល្អៗចំនួន ៦ មុខ ដែលគួរញ៉ាំជារៀងរាល់ថ្ងៃ

ផ្លែឈើសំបូរទៅដោយសារធាតុចិញ្ចឹមនិងជាប្រភពដ៏ល្អនៃវីតាមីន ក៏ដូចជាសារធាតុរ៉ែសំខាន់ៗ ហើយវាមានជាតិសរសៃខ្ពស់ផងដែរ ផ្លែឈើក៏ផ្តល់នូវសារធាតុប្រឆាំងអុកស៊ីតកម្មដែល ជួយដល់ សុខភាព រួមទាំងសារជាតិ flavonoids ។

ខាងក្រោមនេះគឺជាផ្លែឈើល្អៗចំនួន៦មុខដែលគួរញ៉ាំជារៀងរាល់ថ្ងៃ៖

១. ផ្លែប៉ោម

ផ្លែប៉ោមគឺជាប្រភពដ៏ល្អនៃជាតិសរសៃ ជាពិសេស pectin ដែលជាជាតិសរសៃរលាយដែលមានប្រ យោជន៍ជាពិសេសសម្រាប់ពោះវៀន និងបេះដូង។ ការញ៉ាំផ្លែប៉ោម ២ ផ្លែក្នុងមួយថ្ងៃជួយកាត់បន្ថយ កូលេស្តេរ៉ុលសរុប កូលេស្តេរ៉ុលអាក្រក់ ទ្រីគ្លីសេរី និងរោគសញ្ញាផ្សេងទៀតនៃជំងឺបេះដូងចំពោះអ្នក ដែលមានកម្រិតកូឡេស្តេរ៉ុលខ្ពស់ ។

២. ផ្លែស្វាយ

ពណ៌លឿងដ៏ស្រស់ស្អាតរបស់ស្វាយគឺដោយសារតែសារធាតុ carotenoids ដែលវាអាចប្រឆាំងនឹងការរលាក។ ផ្លែស្វាយក៏ជាប្រភពដ៏ល្អបំផុតមួយនៃសារធាតុ carotenoids ដែលដើរតួក្នុងការកាត់ បន្ថយហានិភ័យនៃជំងឺមហារីក ។

៣. ផ្លែឆឺរី

ផ្លែឆឺរី ជាផ្លែឈើដែលមានរសជាតិឆ្ងាញ់ និងសម្បូរទៅដោយសារធាតុចិញ្ចឹមដែលជួយដល់សុខភាព ជាច្រើន រួមទាំងសារធាតុប្រឆាំងអុកស៊ីតកម្ម និងសមាសធាតុប្រឆាំងនឹងការរលាក។ សារធាតុទាំង នេះផ្តល់អត្ថប្រយោជន៍សុខភាពជាច្រើនដូចជាកាត់បន្ថយការរលាក និងភាពតានតឹងអុកស៊ីតកម្ម។

៤. ផ្លែស្ត្របឺរី

ផ្លែស្ត្របឺរី ជាផ្លែឈើចម្រុះដែលមានអត្ថប្រយោជន៍ជាច្រើនចំពោះសុខភាព វាក៏ជាជម្រើសដ៏ល្អសម្រាប់អ្នកដែលមានជំងឺទឹកនោមផ្អែម ឬស្ថិតក្នុងរបបអាហារដែលមានកាបូអ៊ីដ្រាតទាប។ ផ្លែស្ត្របឺរីគឺជាប្រភពដ៏ល្អនៃសារធាតុប្រឆាំងអុកស៊ីតកម្ម anthocyanin ដែលអាចកាត់បន្ថយការរលាក ភាពតានតឹងអុកស៊ីតកម្ម និងភាពធន់ទ្រាំអាំងស៊ុយលីន។ ទាំងអស់គឺជាកត្តាហានិភ័យដែលទាក់ទង នឹងជំងឺទឹកនោមផ្អែមប្រភេទទី ២ ។

៥.ផ្លែប៊្លូបឺរី

ផ្លែប៊្លូបឺរី មានផ្ទុកសារធាតុប្រឆាំងអុកស៊ីតកម្មជាច្រើន ការញ៉ាំផ្លែឈឺប្រភេទនេះយ៉ាងហោចណាស់ ពីរដងក្នុងមួយសប្តាហ៍គឺជាផ្នែកសំខាន់នៃរបបអាហារ MIND ដែលជារបបអាហារការពារប្រព័ន្ធ ប្រសាទ ។

៦. ផ្លែប៊ឺ

ផ្លែប៊ឺវាមានជាតិខ្លាញ់និងជាតិសរសៃដែលល្អសម្រាប់សុខាភាពដែលជាសារធាតុចិញ្ចឹមសំខាន់ៗដែលមាននៅក្នុងផ្លែឈើនេះ ផ្លែបឺរគឺល្អសម្រាប់សុខភាពពោះវៀន និងបេះដូង។ ការជំនួសខ្លាញ់ផ្សេង ទៀតជាមួយនឹងផ្លែបឺរអាចជួយបន្ថយកូលេស្តេរ៉ុលអាក្រក់ ៕

ប្រែសម្រួល៖នាងតូច

ប្រភព៖laodong

ចុចអាន៖ផ្លែឈើ ៦មុខនេះ ល្អសម្រាប់អ្នកដែលមានបំណងចង់សម្រកទម្ងន់