Connect with us

សុខភាព

មន្ទីរពេទ្យ អ៉ីនធ័រឃែរ ប្រកាសអំពីម្តាយដំបូងដែលផ្តល់កំណើតនៅផ្នែកសម្ភពដែលទើបបង្កើតថ្មី

បានផុស

នៅ

មន្ទីរពេទ្យ អ៉ីនធ័រឃែរ ប្រកាសអំពីម្តាយដំបូងដែលផ្តល់កំណើតនៅផ្នែកសម្ភពដែលទើបបង្កើតថ្មីរបស់ខ្លួន។ ទារកនេះ កើតនៅវេលាម៉ោង១០និង៤៨នាទីយប់ ហើយមានទម្ងន់៣៥៤៥ក្រាម។ ម្តាយ និងទារកមានសុខភាពល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយសេវាកម្មនេះអ្នកឯកទេសផ្នែកសម្ភព វេជ្ជបណ្ឌិត ម៉ៃ ខៃឡូ ឌូឌីក និងវេជ្ជបណ្ឌិត សាខន លក្ខិណា បានផ្តល់ការណែនាំប្រកបដោយជំនាញ ដើម្បីធានាបាននូវកំណើតតាមបែបធម្មជាតិ ដែលផ្តោតលើសុខភាពម្តាយ និងកូន។ ក្រុមគ្រូពេទ្យបានធានានូវការការពារផ្ទៃអាងត្រគាក ផ្តល់នូវការគ្រប់គ្រងការឈឺចាប់តាមបែបធម្មជាតិ ការពន្យាពេលការគៀបទងផ្ចិត ការប៉ះពាល់រវាងស្បែកម្តាយ និងទារកក្នុងវិនាទីដំបូងការចាប់ផ្តើមបំបៅកូនដោយទឹកដោះដំបូង និងបង្កើតបរិយា​កាស​សម្រាលដ៏ស្ងប់ស្ងាត់ និងបន្ធូរអារម្មណ៍ជាមួយនឹងតន្ត្រីនៅក្នុងបន្ទប់សម្រាល។

មន្ទីរពេទ្យ អ៉ីនធ័រឃែរ មានក្រុមគ្រូពេទ្យកុមារ និងទារកទើបនឹងកើតនៅក្នុងឈុតសម្រាល និងសាលវះកាត់សង្គ្រោះបន្ទាន់ដែលមានបំពាក់ឧបករណ៍យ៉ាងពេញលេញជាមួយនឹងក្រុមវះកាត់ រួមទាំងគ្រូពេទ្យឯកទេសខាងថ្នាំស្ពឹកដែលមានការបញ្ជាក់ជាអន្តរជាតិនៅប្រចាំការជាមួយ។ ចំណែកទារកនឹងទទួលបានថ្នាំបង្ការតាមគោលការណ៍ណែនាំអន្តរជាតិ 24 ម៉ោង បន្ទាប់ពីកើត។

វេជ្ជបណ្ឌិត Caroline Zabiegaj-Zwick ដែលជាប្រធានផ្នែកទទួលបន្ទុកផ្នែកអ្នកជំងឺស្នាក់នៅព្យាបាល មានប្រសាសន៍ថា យើងមានសេចក្តីរំភើបរីករាយអបអរសាទរដល់ទារកទើបនឹងកើតដំបូងនៅក្នុងផ្នែកសម្ភពរបស់យើង ដែលជាសក្ខីភាពចំពោះជំនាញ និងការប្តេជ្ញាចិត្តដ៏គួរឱ្យគោរពរបស់វេជ្ជបណ្ឌិតផ្នែកសម្ភពរបស់យើង គឺលោកវេជ្ជបណ្ឌិត ឌូឌីក និងវេជ្ជបណ្ឌិត លក្ខិណា ។   

នៅមន្ទីរពេទ្យ អ៉ីនធ័រឃែរ ជាមួយជំនាញមេត្តា និងការគាំទ្រឥតងាករេរបស់ពួកគេ គឺជាឧបករណ៍ដ៏សំខាន់ក្នុងការផ្តល់ការថែទាំមុនពេលសម្រាលដ៏ពិសេស និងគាំទ្រដល់ការសម្រាលទារកដែលមានសុខភាពល្អ។ ចំពោះសេវាកម្មសម្ភពទូលំទូលាយនៅមន្ទីរពេទ្យ អ៉ីនធ័រឃែរ ដោយការប្រឹក្សាលើការបំបៅកូន ការប្រឹក្សាមុនពេលមានគភ៌ ការធ្វើរោគវិនិច្ឆ័យរូបភាពវេជ្ជសាស្រ្ត ការថែទាំមុនពេលសម្រាល ថ្នាក់សម្រាលកូន ផែនការកំណើតផ្ទាល់ខ្លួន ការអប់រំថែទាំទារកទើបនិងកើត និងការគាំទ្រ និងលើកទឹកចិត្តសម្រាប់ឪពុកម្តាយ។   

គោលបំណងរបស់ អ៉ីនធ័រឃែរ គឺផ្តល់ការណែនាំពួកគេអោយឆ្លងកាត់ដំណាក់កាលផ្លាស់ប្តូរនេះ ដោយធានាឱ្យមានការផ្លាស់ប្តូរដោយរលូនទៅក្នុងតួនាទីថ្មីរបស់ពួកគេក្នុងនាមជាម្តាយនិងឪពុក៕

អត្ថបទ៖ រ៉ាវុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង១ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម