សុខភាព

មិនចង់ឲ្យកូនឆ្លងកូវីដនិងជំងឺផ្លូវដង្ហើមផ្សេងៗ ម៉ាក់ប៉ាគួរធ្វើបែបនេះ

បានផុស

៥ years មុន

នៅ

ថ្ងៃចន្ទ ៥ មេសា ២០២១

ដោយ

Sonya

ពេលនេះប្រទេសកម្ពុជាកំពុងជួបប្រទះជំងឺ COVID-19 ឆ្លងជាសហគមន៍ ដូចនេះហើយម៉ាក់ប៉ាមានការបារម្ភពីសុខទុក្ខកូនខ្លាំងណាស់។ ជាពិសេសអ្នកមានទារកតូចៗដែលងាយប្រឈមនឹងបញ្ហាឆ្លងជំងឺនានា ហើយអ្វីដែលខ្លាចបំផុតនោះគឺជំងឺ COVID-19 និងជំងឺផ្លូវដង្ហើមដទៃទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះបញ្ហានេះលោកវេជ្ជបណ្ឌិត ហ៊ាង រតនា បានឲ្យដំបូន្មានថា ស្របពេលឥឡូវស្ថិតក្នុងខែត្រជាក់ទៀតនោះ សុខភាពកូនតូចទទួលរងការគំរាមកំហែងខ្លាំងណាស់ពីជំងឺផ្សេងៗដូចជា ជំងឺ RSV ផ្ដាសាយ គ្រុនក្ដៅ ឬជាពិសេស COVID-19

ដូចនេះដើម្បីបង្ការជំងឺអស់ទាំងប៉ុន្មានដូចបានរៀបរាប់ខាងលើក្នុងកាលៈទេសៈបែបនេះ វេជ្ជបណ្ឌិតឯកទេសជំងឺទូទៅរូបនោះបានណែនាំម៉ាក់ប៉ាមិនគួរឲ្យអ្នកដទៃដែលមិនមែនជាសមាជិកគ្រួសារលេង ឬបី ថើបកូនយើងឡើយ។ ម្យ៉ាងវិញទៀតកុំនាំកូនទៅកន្លែងដែលមានមនុស្សច្រើនដូចជាផ្សារ ហាងទំនិញដទៃទៀត ព្រោះមនុស្សជាច្រើនដែលឃើញទារកថ្លោសៗ មុខមាត់គួរឲ្យស្រលាញ់ អាចនឹងយកដៃទៅប៉ះមុខ ឬសុំពរ ជាហេតុនាំឲ្យឆ្លងរោគ។ ធ្វើបែបនេះត្បិតថាកំណាញ់បន្តិចមែន តែជួយទប់ស្កាត់មេរោគផ្សេងៗឆ្លងមកលើកូនបាន ហើយពេលកូនឈឺអ្នកដែលពិបាកមានតែយើងខ្លួនឯង មិនមាននរណាមកពិបាកជាមួយឡើយ។

Sick girl wearing an oxygen mask was lying on the hospital bed and her mom holding hand to support. Stock Photo | Adobe Stock

លោកក៏ឲ្យណែនាំឲ្យម៉ាក់ប៉ាទាំងអស់ត្រូវប្រយ័ត្នចំពោះខ្លួនឯងដែលជាអ្នកថែទាំកូនផ្ទាល់ ព្រោះយើងក៏ត្រូវចេញទៅក្រៅជួបមនុស្សជាច្រើន។ ដូចនេះពេលចេញទៅណាមកណាត្រូវពាក់ម៉ាស់ និងលាងដៃឲ្យស្អាតជាមួយសាប៊ូ ឬអាល់កុលឲ្យបានញឹកញាប់ ហើយពេលត្រឡប់ចូលផ្ទះវិញត្រូវផ្លាស់ប្ដូរសម្លៀកបំពាក់ ព្រោះវាចៀសវាងមេរោគទុំជាប់ខោអាវ។ ទម្លាប់បែបនេះមិនមែនការពារបានតែ COVID-19 ទេ មេរោគដទៃដូចជាព្រូន ផ្សិតក៏យើងអាចទប់ស្កាត់បានដូចគ្នា។

ប្រភេទជំងឺដែលជួបប្រទះច្រើនក្នុងពេលអាកាសធាតុត្រជាក់បែបនេះ មានដូចជា ផ្ដាសាយ អាលែកហ្សី ជំងឺផ្លូវដង្ហើម និងមេរោគផ្សិត ដែលធ្វើឲ្យយើងគ្រុនផ្ដាសាយ ហៀរសំបោរ រលាកបំពង់ក រលាកក្រពះពោះវៀន ហឺត ជំងឺភ្នែកក្រហម។

COVID-19: Why Are Children Less Affected? | Cedars-Sinai

អាកាសធាតុបែបនេះមិនគួរដាក់កូនតូចមិនគួរគេងក្នុងបន្ទប់ត្រជាក់ ឬបើកម៉ាស៊ីនត្រជាក់ ឬនាំកូនទៅកន្លែងមានខ្យល់ធ្លាក់ខ្លាំង ហើយស្លៀកពាក់ខោអាវក្រាស់ៗ រុំកនឹងកន្សែង ពាក់មួក និងស្រោមដៃ។ ចំពោះមូលហេតុមនុស្សងាយនឹងមានជំងឺអស់ទាំងនោះនារដូវរងា ព្រោះវីរុស អាចរស់នៅក្នុងខ្យល់បានយូរ ហើយមេរោគវីរុសរស់នៅក្នុងខ្យល់ ហើយពេលខ្យល់បក់ទៅប៉ះមនុស្ស អាចចម្លងរោគទាំងនោះតាមរយៈ ច្រមុះ ភ្នែក និងមាត់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មុននាំកូនទៅពេទ្យអំឡុងផ្ទុះកូវីដ ១៩ ម៉ាក់ប៉ាគួរដឹងរឿង ៤ យ៉ាងនេះសិន

ចុចអាន៖ ក្មេងកើតកូវីដ-១៩ អាចវិវត្តទៅរលាកគ្រប់ប្រព័ន្ធក្នុងរាងកាយ