KPT+
វិធីជម្នះនូវភាពភ័យខ្លាចដើម្បីជីវិតរស់នៅពេញដោយមានសេរីភាព
ហេតុអ្វីបានជាមនុស្សជាច្រើន កំពុងរស់នៅក្នុងជីវិតមួយដែលមានអ្វីល្អៗច្រើនហើយ គេនៅតែធ្លាក់ទឹកចិត្ត និងរស់ដូចគ្មានជីវិត? នោះគឺដោយសារតែភាពភ័យខ្លាច ដែលបានរារាំងមិនឲ្យមនុស្សនោះចាកចេញពីអ្វី ដែលសង្កត់សង្កិនអារម្មណ៍ពួកគេជ្រៅទៅៗជារៀងរាល់ថ្ងៃ។
ជាទូទៅ ការធ្លាក់ទឹកចិត្តមានដើមចមច្រើន តែយ៉ាងណាក៏ដោយ ការរៀនបំបាត់ភាពភ័យខ្លាចជាវិធីល្អមួយក្នុងការក្រោកឈរសារជាថ្មីសម្រាប់ជីវិត។
ចំណុចសំខាន់ៗមួយចំនួន ដើម្បីជួយបុគ្គលឲ្យបំបាត់រាល់ភាពភ័យខ្លាចទាំងនោះរួមមាន៖
១. ស្គាល់ខ្លួនឯង
ជំហានដំបូងនៃដំណើរការក្នុងជីវិត គឺការស្គាល់ខ្លួនឯងជានរណា។ នៅពេលដែលយើងស្គាល់ថាយើងជានរណា នោះអ្វីដែលយើងជឿនិងចង់បានពីជីវិត គឺជារឿងដែលយើងត្រូវបោះជំហានទៅមុខ។ ដំណាក់កាលនេះយើងនឹងពិចារណាពីទេពកោសល្យនិងចំណង់ចំណូលចិត្តរបស់ខ្លួនឯង។ រឿងទាំងនេះនឹងកំណត់ថាយើងជានរណា ហើយបំភ្លឺផ្លូវរបស់យើងទៅថ្ងៃអនាគត។
ជីវិតនឹងធ្វើឲ្យយើងដួលរលំដោយចៀសមិនរួច ប៉ុន្តែបើយើងមានជំហររឹងមាំ យើងអាចងើបឡើងដោយខ្លួនឯងជានិច្ច។
២. វាយតម្លៃស្ថានភាពនិងជម្រើសដែលអាចកើតមាន
ជំហានបន្ទាប់គឺពាក់ព័ន្ធនឹងការពិនិត្យភាពស្ងប់ស្ងាត់និងភាពជាក់ស្ដែងនៃការពិត។ តើយើងកំពុងអនុវត្តទេពកោសល្យដែរទេ? តើយើងរកប្រាក់បានគ្រប់គ្រាន់ទេ? តើយើងសប្បាយចិត្តក្នុងការងារទំនាក់ទំនងឬគ្រួសារទេ?
សំខាន់ជាងនេះទៅទៀត គឺយើងត្រូវមានឧបករណ៍អ្វីខ្លះដើម្បីឈានទៅដំណាក់កាលបន្ទាប់? តើយើងត្រូវការអ្វីខ្លះដើម្បីទទួលបានការលូតលាស់? តើយើងមានជម្រើសអ្វីខ្លះ? សំណួរទាំងនេះមានសារៈសំខាន់ណាស់ ព្រោះការដឹងពីជំហររបស់យើង អាចឲ្យយើងរៀបចំយើងផែនការសម្រាប់ពេលអនាគតបាន។
៣. រៀបផែនការនិងព្រឹត្តិការណ៍សំខាន់ៗ
យើងមានរូបភាពពីអតីតកាលនិងបច្ចុប្បន្ន ចូររៀបចំអនាគត។ វាដល់ពេលដែលត្រូវសុបិនធំ ហើយសរសេរគោលដៅរបស់យើង។ បេះដូងមានវិធីប្លែកៗមួយក្នុងការដោះកូនសោ ទៅអនាគតក្នុងពេលតែមួយ។
៤. សហការជាមួយមនុស្សដែលមានចិត្តដូចគ្នា
ការងារជាក្រុមគឺជាការសាកល្បងដើម្បីទទួលបានជោគជ័យ គ្រប់កិច្ចការ។ យើងប្រហែលជាធ្លាប់លឺហើយថា បើចង់ដើរលឿនទៅតែម្នាក់ឯង តែបើដើរឆ្ងាយ ត្រូវមានគ្នាទៅជាមួយ។ ធ្វើការជាក្រុម ធ្វើឲ្យយើងមានគណនេយ្យភាព វិន័យ ហើយជាទូទៅនាំមកនូវរឿងដែលល្អបំផុត។ នៅពេលយើងដួល នឹងមាននរណាម្នាក់មកបោះពួយជួយយើង។
៥. ទម្លាក់ការភ័យខ្លាចហើយប្រឈមមុខនឹងវា
ការភ័យខ្លាចគឺជាសត្រូវធំបំផុត នៃគោលដៅរបស់យើង។ ដើម្បីយកឈ្នះភាពភ័យខ្លាច នេះគឺជារឿងមួយចំនួនដែលយើងអាចធ្វើបាន៖ ផ្ដាច់ខ្លួនចេញពីទូរទស្សន៍ ប្រព័ន្ធផ្សព្វផ្សាយសង្គម និងការកម្សាន្តផ្សេងៗ។ វាគឺជានិន្នាការបង្រួមចក្ខុវិស័យ និងបន្ថយទំនុកចិត្តរបស់យើង។ ផ្ទុយទៅវិញសូមអានសៀវភៅល្អៗ ជាច្រើន សរសេរការភ័យខ្លាចរបស់យើង ហើយប្រឈមមុខនឹងពួកវា។
សម្រាប់មនុស្សខ្លះ ការភ័យខ្លាចគឺជាលទ្ធផលនៃបទពិសោធន៍ឈឺចាប់មួយចំនួន ដែលត្រូវការភាពក្លាហានច្រើនដើម្បីជម្នះ។
៦. ធ្វើរឿងមួយដោយមិនគិតពីខ្លួនឯង
ជីវិតនឹងគ្មានន័យ បើសិនយើងរស់នៅសម្រាប់តែខ្លួនឯង។ ឆ្លៀតពេលដើម្បីបម្រើមនុស្សជាតិគ្រួសារ មិត្តភ័ក្ដិ និងអ្នកដែលមានសំណាងតិចជាងគេនៅក្នុងសង្គមមួយនេះ។
នោះហើយជារបៀបដែលយើងត្រូវបានបំពេញក្នុងជីវិត។ នៅពេលដែលយើងបានសម្រេចគោលដៅក្នុងជីវិត វាក៏បានមកពីអ្នកជុំវិញខ្លួនដែរ៕
ប្រែសម្រួល ៖ សាង ស្រីល័ក្ខ
ចុចអាន៖ផ្នត់គំនិត៥ នេះពិតជាមានឥទ្ធិពលអាចកែប្រែយើងឲ្យឆាប់ទទួលបានជោគជ័យ
ចុចអាន៖៤ វិធី ដើម្បីជម្នះភាពភ័យខ្លាច ដែលយើងច្រើនតែមើលរំលង
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)