KPT+
ហេតុអ្វីមនុស្សជាច្រើនប្រើជីវិតខុសព្រោះរត់តាមភាពលោភលន់?
ពាក្យមួយឃ្លារបស់ទស្សនវិទូអេហ្សីបប្រាប់មកអ្នកជំនាន់ក្រោយគេថា “ មិនមែនឲ្យភ្លឺរលោងសុទ្ធតែជាមាសសុទ្ធទេ” ហើយលោកពន្យល់ទៀតថា «ភាពលោភលន់» បានលួចឆក់បំបាត់ចោលសម្បត្តិដ៏ស្រស់ស្អាតនៃជីវិតមនុស្សជាច្រើន នោះគឺជា សុភមង្គល ។
ចង់រក្សាសុភមង្គលសូមគិតរឿងទាំងនេះ៖
១. កុំឲ្យតម្លៃទៅលើទ្រព្យសម្បត្តិហួសហេតុពេក
![](https://www.kampucheathmey.com/wp-content/uploads/2021/05/Money-2-750x500-1.jpg)
លុយផ្ដល់ឲ្យយើងនូវអំណាចទទួលបានភ្លាមៗនូវគ្រប់យ៉ាងដែលគេដាក់លក់។ មានលុយកាន់តែច្រើន ក៏អាចទិញបានកាន់តែច្រើនដូចគ្នា។ តែចៃដន្យមានកាន់តែច្រើន កាន់តែចង់បានទៀត។ នេះជាចរិតមនុស្សភាគច្រើនដែលប្ដូរសុភមង្គលពិត រើសយករបស់ដែលគ្មានប្រយោជន៍ ហើយបញ្ចប់លទ្ធផលជីវិតដោយភាពលិចលង់ នៅក្នុងការចង់ឈ្នះចាញ់ពីបុគ្គលដែលគេឈ្នានីស។
២. ចូរវាយតម្លៃខ្ពស់ចំពោះអ្វីដែលយើងមានមិនមែនអ្វីដែលយើងចង់បានទេ
តើយើងយល់ថាខ្លួនឯងចង់បានអ្វីឲ្យប្រាកដ?
បើមនុស្សគ្រប់គ្នាយល់ថា លុយគ្រាន់តែជាក្រដាសគ្មានជីវិត ជានិមិត្តរូបនៃការចង់បាន មិនមែនត្រូវការ ហើយក៏កុំដាក់តម្លៃលើក្រដាសនោះពេក ។
ឈប់ស្វែងរកអ្វីដែលមិនបានផ្ដល់ឲ្យ ត្រឡប់មកវិញហើយចាប់ផ្ដើមដាក់កិច្ចខិតខំប្រឹងប្រែង ដើម្បីបង្ហាញសេចក្ដីស្រឡាញ់ចំពោះអ្នកដែលនៅជុំវិញខ្លួនឯង។ បើកភ្នែករបស់យើង នោះនឹងមើលឃើញសម្រស់នៅក្នុងពិភពលោកនេះមិនខាន។ កុំមើលតែជ្រុងម្ខាង ហើយវាយតំលៃជារួម ត្រូវរក្សាចិត្តទូលាយមិនផ្អៀងផ្អង់ទៅខាងណា ទើបអ្នកមានសុភមង្គលពិតកើតឡើងក្នុងជិវិតដូចគ្នា។
៣. ប្រាថ្នាចង់ការរស់នៅដែលល្អល្មមចងចាំ តែមិនមែនលុយ
![](https://www.kampucheathmey.com/wp-content/uploads/2021/05/124872742_1243873142642828_7381883075110260476_o-1024x683.jpg)
ដើម្បីអនុវត្តវិធីរីករាយក្នុងជីវិត ត្រូវបញ្ឈប់ការប្រើប្រាស់ដោយឥតប្រយោជន៍ ទៅលើរបស់ដែលមិនត្រូវការ។ ដូចជាទូរស័ព្ទថ្មីទាំងដែលខ្លួនឯងមានប្រើរួចទៅហើយ តែចង់ឡូយឆាយតាមគេតាមឯង ក្នុងសង្គមស៊ីវិល័យនេះ។ អ្វីដែលយើងត្រូវការ គឺចេញទៅខាងក្រៅមើលពិភពលោកនេះ ដោយផ្ទាល់ភ្នែកទាំងគូរបស់យើង ឬជជែកផ្ទាល់ទល់មុខនឹងមនុស្សដ៏សំខាន់។ គ្រប់យ៉ាងលើលោកនេះសុទ្ធតែជារបស់ក្រៅកាយ មានតែខ្លួនយើងទេដែលទៅវិញតាមរូបកាយនេះ។
ចិត្តមួយទៀតដែលមនុស្សត្រូវការ គឺអាផាតមិនធំជាងនេះ ឬផ្ទះធំជាងនេះ។ អ្វីដែលយើងត្រូវការគឺត្រូវកោតសរសើរចំពោះខ្លួនឯង ដែលមានដំបូលជ្រក មានអាហារញុំា មានគ្រែកក់ក្ដៅសម្រាប់គេង មានទូរទឹកកកពេញដោយរបស់ញុំា និងមានកន្លែងសម្រាប់ហៅទៅផ្ទះ នៅពេលយើងមានអារម្មណ៍ថាហត់នឿយគ្រប់យ៉ាង។
ហត់នឿយនៅពេលប្រណាំងប្រជែងនៅទីក្រុងដ៏អស្ចារ្យនេះមែនទេ?
![](https://www.kampucheathmey.com/wp-content/uploads/2021/05/Read-Relax.jpg)
ត្រលប់ទៅផ្ទះរបស់យើង ដែលមានអ្នកមានគុណទាំងពីរចាំមើលផ្លូវគ្រប់ពេល។ បន្ទាប់មកដេកចងអង្រឹងក្រោមដើមស្វាយ អានសៀវភៅ ស្រូបយកក្លិនផ្អែមនៃខ្យល់ ឬក្លិនទឹកភ្លៀង ស្ដាប់សំឡេងសើចរបស់ក្មេងៗក្នុងភូមិជាប់របង គឺជាថ្នាំទិព្វដែលមិនអាចមានថ្នាំណាជំនួសបាន។ គ្រប់យ៉ាងទាំងអស់នេះសុទ្ធតែប្រាក់មិនអាចទិញបាន។
អ្នកមានពិតប្រាកដមិនមែនជាអ្នកដែលមានលុយរាប់លានដុល្លារ ឡានដប់ និងដីរាប់ហិចតាទេ។ អ្នកមានពិតប្រាកដ បានបើកភ្នែករបស់ពួកគេទៅរកភាពសម្បូរបែបនៃជីវិត ហើយហួសពីទ្រព្យសម្បត្តិដែលមិនអាចយកទៅតាមខ្លួនបាន៕
ប្រែសម្រួល៖ សាង ស្រីល័ក្ខ
ចុចអាន៖ពេលជីវិតក្លាយជាអ្នកមាន ការប្រែប្រួលទាំង ៦ នេះនឹងកើតឡើង
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ