KPT+
ចាប់ផ្ដើមរកស៊ីតាំងពីអាយុ ១២ឆ្នាំ បច្ចុប្បន្ន សហគ្រិនវ័យ២១ឆ្នាំរូបនេះ មានជំនួញ៦ នៅក្នុងដៃ
ក្នុងវ័យ ២១ឆ្នាំប៉ុណ្ណោះ អ្នកនាង សាម ម៉ីជូ មានមុខរបរប្រាំមួយនៅក្នុងដៃ តែមុខរបរកំពុងជោគជ័យ និងគួរឲ្យចាប់អារម្មណ៍ខ្លាំងនោះ គឺហាងតែគុជអាប់ឆា (Up Cha Begin) ដែលទើបតែបើកបាន៤ខែ ក៏ពង្រីកសាខាជាច្រើនទៀតផង។
ហាងតែគុជអាប់ឆា (Up Cha Begin) អាចលក់បានចន្លោះ ពី៧០០ ទៅ៨០០ កែវ ក្នុងមួយថ្ងៃ នាពេលបច្ចុប្បន្ន ខណៈមុនពេលផ្ទុះវីរុសកូវីឌ១៩ ហាងរបស់នាងអាចលក់បានរហូតដល់ ១០០០កែវ។
អ្នកជំនួញវ័យក្មេងរូបនេះ បានប្រាប់ថា « តែគុជកំប៉ុង និងតែគុជស្ទីកនេះគឺមានដំបូងបង្អស់នៅប្រទេសកម្ពុជា លក្ខណៈពិសេសរបស់តែគុជអាប់ឆា គឺអាចរក្សាទុកក្នុងទូទឹកកកបានរយៈពេល ១០ ថ្ងៃដោយគ្មានការផ្លាស់ប្ដូររសជាតិ » ។ ហើយជាពិសេស Up Cha ក៏មានសេវាកម្មដឹកជញ្ជូនទៅតាមខេត្តនានា ព្រមទាំងទទួលរៀបចំបម្រើសេវាកម្មក្នុងកម្មវិធីទៀតផង ។
ជាមួយបទពិសោធជាច្រើនឆ្នាំក្នុងវិស័យជំនួញ មីជូ បានឲ្យដឹងថា មូលហេតុដែលធ្វើឲ្យនាងចាប់អារម្មណ៍ ធ្វើតែគុជកំប៉ុងនេះ ដោយសារតែនាងមានចិត្តស្រឡាញ់ ការឌីហ្សាញ ចង់ឲ្យអីឲ្យប្លែកទាក់ទាញចិត្តអតិថិជនក្មេងៗ។ មីជូប្រាប់ថា នាងស្គាល់ពីអតិថិជនគោលដៅរបស់នាងបានតាមរយៈការលក់អនឡាញ។
សព្វថ្ងៃ Up Cha មានសាខា៣ផ្សេងទៀត ដែលជាអ្នកទិញហ្វ្រេនឆាយពីនាង។ ក្រៅពីមុខជំនួញហាងតែគុជនេះ អ្នកនាង សាម ម៉ីជូ មានមុខជំនួញ៥ទៀតនៅក្នុងដៃ ដោយរាប់ទាំងការាស់សាំង PTT និងហាងកាហ្វេ Amazon នៅផ្លូវជាសុផារ៉ា ព្រមទាំងលក់ផលិតផលថែសម្ផស្សផ្សេងទៀត។
សាម ម៉ីជូ បានបញ្ចប់ការសិក្សាត្រឹមថ្នាក់ទី១០ ប៉ុណ្ណោះ ដោយសារតែបញ្ហាសុខភាព តែដោយសារចូលចិត្តការរកស៊ី ម៉ីជូ បានចាប់ផ្តើមមុខរបរលក់ផលិតផលតាមអនឡាញតាំងពីនាងមាន អាយុ១២ឆ្នាំ។
«ខ្ញុំលើកទឹកចិត្តឲ្យដល់យុវវ័យព្យាយាមបញ្ចប់ការសិក្សារបស់ខ្លួនសិន ព្រោះការសិក្សាអាចមានប្រយោជន៍ចំពោះអនាគតរបស់ពួកគេ ទោះបីជាពួកគេចូលចិត្តបើកមុខរបររកស៊ីខ្លួនឯងក៏ដោយ»។
អ្វីដែលម៉ីជូ ចង់ចែករំលែកជាមួយយុវជនផ្សេងទៀតដែលចង់ជោគជ័យលើមុខជំនួញនោះគឺ «ខ្ញុំតែងប្រាប់ខ្លួនឯងរាល់ថ្ងៃថា ពេលមានឱកាស ត្រូវតែចាប់យក! ត្រូវតែខំ! បើសិនជាយើងដើរទៅមុខហើយនៅតែមិនជោគជ័យទៀតនោះ យើងអាចទុកវាជាបទពិសោធន៍បាន»។
ចុចអាន៖អាជីវកម្មល្អទាំងនេះ សហគ្រិនមិនបាច់មានថវិកាដល់៥ពាន់ដុល្លារក៏អាចផ្ដើមបាន
ចុចអាន៖ចង់ផ្ដើមអាជីវកម្មខ្នាតតូចមួយចេះគន្លឹះទាំងនេះកម្របរាជ័យ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត