KPT+

សាកល្បងវាស់ខ្លួនឯង មានចិត្តចង្អៀតចង្អល់ប៉ុនណាក្នុងចំណោម ៨ នេះ

បានផុស

៥ years មុន

នៅ

ថ្ងៃសៅរ៍ ១៥ ឧសភា ២០២១

ដោយ

មនុស្សយើងតែងមានអារម្មណ៍ មនោសញ្ចេតនា កំហឹង ស្រលាញ់ និងស្អប់ ដែលបង្ហាញពីស្ថានភាពផ្លូវចិត្ត។ ថ្ងៃនេះ “Hello គ្រូពេទ្យ” និយាយពីបញ្ហាផ្លូវចិត្តវិញម្ដង។ ខាងក្រោមនេះ ជាទម្លាប់⁣អាក្រក់ប្រចាំថ្ងៃ ៨ យ៉ាង បញ្ជាក់ថា យើងជាមនុស្សចង្អៀតចង្អល់៖

១- គុំកួន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអត់ទោសឲ្យអ្នកដទៃ មិនមែនមានន័យថា ធ្វើឲ្យគេមានកំហុសតិចជាងមុន ឬមិនសូវធ្ងន់ធ្ងរទេ។ ធម្មតា រឿងហួសហើយ គ្មានអីអាចកែបានទេ មានតែទទួលយក ឬសម្រួលលើកលែងទោស ដើម្បីបញ្ចប់បញ្ហា។ ការអត់ទោសឲ្យអ្នកដទៃ ឬមិនគុំកួន អាចចូលរួមកាត់បន្ថយភាពស្មុគស្មាញ ស្ត្រេស បាក់ទឹកចិត្ត អារម្មណ៍បដិសេធ បន្ថែមការគោរពខ្លួនឯង។

២- មិនអត់ទោសឲ្យខ្លួនឯង

មិនអត់ទោសឲ្យខ្លួនឯងចំពោះកំហុសអតីតកាល នឹងធ្វើឲ្យជីវិតជូរចត់។ សាកល្បងធ្វើអ្វីល្អៗពេលបច្ចុប្បន្នវិញ។ កុំព្យាយាមធ្វើជាមនុស្សតានតឹង ឬតុលាការ ចំពោះសកម្មភាពរស់នៅប្រចាំថ្ងៃរបស់ខ្លួនឯងបែបដាច់ខាតពេក។

៣- ចាំចាប់តែកំហុសគេ

ផ្នត់គំនិតយកចិត្តទុកដាក់តែលើកំហុសគេ ជាងអ្វីដែលគេបានធ្វើល្អៗ។ រៀនមើលគេក្នុងផ្លូវល្អខ្លះផង កុំចាំតែមានកំហុស មានបញ្ហា ឯងនេះរាប់កំហុសគេរាប់រយ ឯខ្លួនឯងវិញចាំតែត្រូវរហូត។

៤- ស្ដង់ដារតែគេ

បើយើងខកចិត្តញឹកញាប់ដោយសារអ្នកដទៃ នោះបណ្តាលមកពីយើងកំណត់ស្តង់ដារអាកប្បកិរិយាឲ្យគេខ្ពស់ហួសហេតុពេក⁣ ដែលសម្បីតែខ្លួនយើងផ្ទាល់មិនបានអនុវត្តសោះ។ ការពិតទៅ បញ្ហានេះនឹងធ្វើឲ្យយើងក្លាយជាមនុស្សពិបាកខ្លាំង និងពូកែខកចិត្តបំផុត។

៥- គេមិនល្អ

ទីណាគ្មានក្តីសង្ឃឹម ទីនោះគ្មានជីវិត។ ឲ្យតែនិយាយដល់អ្នកដទៃ ក្រៅពីខ្លួនឯង ក្នុងក្បាលគិតភ្លែត ដល់ចំណុចអាក្រក់ៗគេ ឬគេធ្វើនេះមិនល្អ ធ្វើនោះមិនល្អ ឬដឹងតែគេធ្វើមិនបាន ១០០% ជាដើម។

៦- លេសឲ្យខ្លួនស្អីក៏មាន

បើសូម្បីតែខ្លួនឯងមិនអាចគ្រប់គ្រងខ្លួនឯងបានផង តើអ្នកណាអាចធ្វើជំនួសបាន? ឈប់គេចវេសពីការទទួលខុសត្រូវ និងការភ័យខ្លាចនេះទៅ។

ពេលខ្លះ លួចគិតដែរថាខ្លួនធ្វើហ្នឹង ឬគិតចឹង ប្រហែលហួសហេតុ តែបែរជាទម្លាក់កំហុសទៅធម្មជាតិថា ចរិតខ្លួនពិបាកកែ កែមិនបាន ឬអញតែប៉ុណ្ណឹង ជាដើម។ និយាយឲ្យចំ មិនហ៊ានទទួលខ្លួនខុស។ លេសមិនស្វាង ឬមិនហ៊ានទទួលស្គាល់ការពិត។

៧- ចូលចិត្តកំណត់លទ្ធផល

ដូចបញ្ជាក់ ចំណុចអាក្រក់មួយទៅណាមិនឆ្ងាយ គឺចូលចិត្តធ្វើខ្លួនចេះដឹង ដឹងទាំងលទ្ធផលមុនទៀត។ ធ្វើខ្លួនដូចច្បាស់ណាស់អ៊ីចឹង តាំងរឿងមិនទាន់កើត ឬចាប់ផ្ដើមផង បែរជាច្បាស់លើលទ្ធផល មុនមិនស្វាង។

៨- សម្បូរតែគំនិតអវិជ្ជមាន

និយាយឲ្យចំ អារឿងមិនល្អហ្នឹង សម្បូរខ្លាំង។ ក្នុងខ្លួន ចូលចិត្តគិត ភ្នកដល់រឿងមិនល្អជានិច្ច។ គឺជាគំនិតដែលគិតថា បើសិនបរាជ័យរឿងអ្វីមួយ ដូចបរាជ័យគ្រប់យ៉ាងពេញមួយជីវិត។ នេះជាដើមហេតុចម្បងនៃជំងឺស្ត្រេស បាក់ទឹកចិត្ត ឬអាចឲ្យហ៊ានធ្វើអត្តឃាតទៀតផង៕

អត្ថបទផ្ដល់ដោយ៖Hello Krupet

ចុចអាន៖កុំធ្វើបីយ៉ាងនេះលើហ្វេសប៊ុក ប្រសិនមិនចង់មានវិប្បដិសារីទៅថ្ងៃក្រោយ

Related Topics:ជំងឺផ្លូវចិត្ត ចិត្តចង្អៀតចង្អល់

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា