KPT+
ម៉ាក់ប៉ាដឹងអត់ ការលេងដោយសេរីផ្ដល់ប្រយោជន៍ដល់ការអភិវឌ្ឍកូនច្រើន
បើនិយាយពីរឿងលេង គ្មានក្មេងណាម្នាក់ដែលមិនចូលចិត្ត ហើយនិយាយបដិសេធពេលម៉ាក់ប៉ា ឬមិត្តភ័ក្ដិបបួលលេងជុំគ្នាទេ។ ប៉ុន្តែ យើងសង្កេតឃើញថា ក្មេងសម័យនេះមួយចំនួនធំវីវក់នឹងទូរស័ព្ទ លេងហ្គេម ឬម៉ាក់ប៉ាឲ្យកាន់មើលវីដេអូរៀនលេខ ឬភាសាអង់គ្លេស តែដោយសារតែជក់នឹងទូរស័ព្ទខ្លាំងពេក ក្មេងៗមិនចង់ធ្វើអ្វីផ្សេងក្រៅពីលេងអ៊ីនធឺណិតក្នុងទូរស័ព្ទ ដែលនេះមិនមែនជារឿងល្អដល់ការលូតលាស់ និងអភិវឌ្ឍរបស់ក្មេងឡើយ។
តើអ្វីទៅជាការលេងដោយសេរី ?
ការលេងដោយសេរី គឺជាសកម្មភាពលេងដែលក្មេងៗនឹកគិតឡើងដោយគំនិតរបស់ពួកគេ ដោយមិនមានការបង្ហាត់បង្ហាញពីមនុស្សធំ។ ការលេងបែបនេះអនុញ្ញាតឲ្យអាអូនបង្កើនភាពច្នៃប្រឌិតតាមលក្ខណៈ និងការស្រមើស្រមៃរបស់ខ្លួនផ្ទាល់។
ទន្ទឹមនឹងនេះ លោកស្រីវេជ្ជបណ្ឌិត កុសល កណិការ ឯកទេសផ្នែកកុមារ សញ្ញាប័ត្រពីប្រទេសបារាំងបានពន្យល់បន្ថែមឲ្យដឹងថា ការលេងដោយសេរី គ្មានការបង្គាប់បញ្ជានេះ មានសារៈសំខាន់ណាស់សម្រាប់ក្មេងអាយុក្រោម៦-៧ឆ្នាំ។ វាជួយឲ្យកុមារមានភាពច្នៃប្រឌិតខ្ពស់ មានឯករាជ្យភាព រកឃើញខ្លួនឯង និងចំណង់ចំណូលចិត្ត និងអត្ថប្រយោជន៍ច្រើនទៀតរួមមាន៖
- អភិវឌ្ឍការប្តេជ្ញាចិត្តដោយខ្លួនឯង ការគោរពខ្លួនឯង និងសមត្ថភាពក្នុងការគ្រប់គ្រងខ្លួនឯង ដែលទាំងនេះសុទ្ធតែសំខាន់ក្នុងការអភិវឌ្ឍអារម្មណ៍។
- លើកកម្ពស់សមត្ថភាពសង្គម ការគោរពច្បាប់វិន័យផ្ទាល់ខ្លួន ការគ្រប់គ្រងកំហឹង បង្កើនជំនាញដោះស្រាយបញ្ហា អភិវឌ្ឍភាពជាអ្នកដឹកនាំ។
- រំញោចអារម្មណ៍ និងអនុញ្ញាតឲ្យកុមារស្វែងយល់ពីពិភពលោកជុំវិញ។
- ជួយបង្កើនការយល់ដឹង។ វាប្រែភាពអផ្សុក ជាយានសម្រាប់កុមារបង្កើតក្ដីសប្បាយរីករាយដោយខ្លួនឯង និងបង្កើនគំនិតច្នៃរបស់ថ្មីៗ។ល។
វេជ្ជបណ្ឌិតសញ្ញាប័ត្រពីបារាំងរូបនេះបន្ថែមថា ការឆាប់ចេះអាន និងចេះសរសេរមិនមែនសុទ្ធតែកំណត់ភាពឆ្លាតវៃរបស់កុមារ និងជោគជ័យទៅថ្ងៃអនាគតទេ ហើយវាគ្រាន់តែជាកំណត់របស់ម៉ាក់ប៉ា និងសង្គមតែប៉ុណ្ណោះ។ ជួនកាល គ្រាន់តែមានក្រដាសឡាំងមួយប៉ុណ្ណោះ កុមារអាចបង្កើតការលេងសេរីបាន៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ចង់ឲ្យក្មេងមានចរិតល្អ សាកវិធីសាស្ត្រ ៥ ក្បាច់នេះ ប្រហែលអាចជួយបាន
ចុចអាន៖ ហេតុផលនេះហើយ ឪពុកម្ដាយមិនគួរឈ្លោះគ្នានៅមុខកូនៗ
-
សេដ្ឋកិច្ច៦ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៣ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៤ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៤ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ១ សប្តាហ៍ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ