KPT+

រឿងសំខាន់ ៤ យ៉ាងដែលគួរធ្វើ ប្រសិនបើដៃគូឬសមាជិកគ្រួសារបានឆ្លងកូវីដ ជាពិសេសDelta

បានផុស

៥ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

កូវីដបានក្លាយជាជំងឺរាតត្បាត និងក្លាយពូជជាវីរុសបំប្លែងខ្លួនច្រើនប្រភេទ ហើយកំពុងដើរទៅដល់ជ្រុងឆ្ងាយបំផុតនៃពិភពលោកស្ទើរមិនជឿ។ ប៉ុន្តែមិនថាវាដើរដល់ណាទេ នៅពេលនេះយើងត្រូវចាត់វិធានការ បង្ការជាមុន តាមដែលអាចធ្វើទៅបាន។

អត្ថបទនេះនឹងផ្ដោតលើអ្វីដែលអ្នកគួរធ្វើ ប្រសិនបើដៃគូឬសមាជិកគ្រួសារយើងបានបង្ហាញរោគសញ្ញាទាំងកូវីដនិងវីរុសបំប្លែងខ្លួនគ្រប់ប្រភេទ៖

១ ធ្វើជាសសរទ្រូងនៃការគាំទ្រអ្នកឈឺ

ដៃគូឬសមាជិកគ្រួសារ ពិតជាត្រូវការយើងជាចាំបាច់ក្នុងស្ថានការបែបនេះ ច្រើនជាងពេលណាទាំងអស់។ បុគ្គលដែលមានជំងឺកូវីដ ត្រូវបានដាក់ឲ្យនៅដាច់ដោយឡែក រហូតដល់ពួកគេជាសះស្បើយ។ ពេញមួយកំឡុងពេលដាក់ឲ្យនៅដាច់ដោយឡែក ពួកគេនឹងមានអារម្មណ៍ឯកោ និងច្របូកច្របល់។ ដូច្នេះយើងត្រូវឧស្សាហ៏និយាយទូរសព្ទ និយាយជាមួយពួកគេ ហើយធ្វើឲ្យពួកគេមានអារម្មណ៍ថាមិនអីទេ។ ជំងឺនេះងាយស្រួលប្រយុទ្ធ បើយើងផ្ដល់ក្តីសង្ឃឹមឲ្យអ្នកជំងឺ កាន់តែមានសុខភាពល្អ។

២ កុំភ័យស្លន់ស្លោ

ការនិយាយស្រួលជាងធ្វើ ប៉ុន្តែការភ័យស្លន់ស្លោមិនអាចជួយអ្វីបានច្រើនទេ។ ក្នុងគ្រាដ៏លំបាកនេះអ្នកត្រូវធ្វើជាបុគ្គលដែលលះបង់និងរឹងមាំ។ នេះគឺជារោគរាតត្បាត ហើយប្រទេសណាក៏ជួបវាដែរ។ កុំមានអារម្មណ៍ឯកា ហើយកុំភ័យស្លន់ស្លោ ចូរប្រយ័ត្ននិងមានសង្ឃឹម។ ដៃគូឬសមាជិកគ្រួសារយើងនឹងត្រូវព្យាបាលជា ហើយត្រលប់មកវិញ។ ពេលនេះមិនមែនជាពេលដែលត្រូវភ័យនោះទេ ប៉ុន្តែជាពេលដែលត្រូវបង្ហាញការគាំទ្រ។

៣ ថែរក្សាខ្លួន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមប្រាកដថា យើងមិនភ្លេចអំពីសុខភាពខ្លួនឯងក្នុងអំឡុងពេលនេះដូចគ្នា ព្រោះនេះគឺជារឿងសំខាន់។ សូមចងចាំថា ត្រូវរក្សាជាតិទឹក ពាក់ម៉ាសរាល់ពេលចេញទៅក្រៅ និងចៀសវាងការចេញក្រៅនៅពេលដែលមិនចាំបាច់ក្នុងពេលបច្ចុប្បន្ននេះ។

៤ ទទួលយកតែព័ត៌មានត្រឹមត្រូវ

អង្គការសុខភាពពិភពលោក (WHO) បានបង្កើត portal សម្រាប់គោលបំណងតែមួយគឺដើម្បីផ្សព្វផ្សាយព័ត៌មាន និងការយល់ដឹងអំពីជំងឺកូវីដនិងវីរុសបំប្លែងខ្លួនថ្មីគ្រប់ប្រភេទ។ ជាពិសេសមិនថាតែព័ត៌មានចេញពី WHO ទេ សូម្បីនៅស្រុកយើងក៏ត្រូវឆ្លាតវៃក្នុងការមើលព័ត៌មានណាពិត និងមិនពិតដែរ។ ចៀសវាងនាំឲ្យមានការភ័ន្តច្រឡំ ហើយមើលព័ត៌មានក្លែងក្លាយច្រើន៕

អត្ថបទ៖ សាង ស្រីល័ក្ខ

ចុចអាន៖កុំមើលស្រាល! ទោះបីចាក់វ៉ាក់សាំងគ្រប់ ៣ ដូសក្ដី តែបើប្រហែស អ្នកនៅតែឆ្លងវីរុសដដែល

ចុចអាន៖យុវវ័យ បើនៅតែមើលស្រាល នោះ Delta នឹងវាយលុកក្នុងសហគមន៍ កាន់តែខ្លាំងក្លាជាងមុន

ចុចអាន៖លម្អិតពីការគ្រប់គ្រង ឬប្រើប្រាស់ឱសថព្យាបាលអ្នកជំងឺកូវីដស្រាលតាមផ្ទះ និងកម្រិតមធ្យម

Related Topics:វីរុសប្រភេទ Delta