KPT+

បើផ្ដាច់ស្រាបាន ជួយឲ្យជីវិតប្រសើរឡើង ចំពោះរឿងទាំងនេះ

បានផុស

៥ years មុន

នៅ

ថ្ងៃពុធ ២៩ កញ្ញា ២០២១

ដោយ

យើងដឹងហើយថា ផឹកស្រាឬគ្រឿងស្រវឹងច្រើនលើសកម្រិត បណ្ដាលឲ្យប៉ះពាល់ដល់សុខភាព បង្កជាជំងឺថ្លើម និងជំងឺផ្សេងទៀតជាច្រើន ដែលចាំបាច់គួរចៀសវាង និងឈប់បន្តទម្លាប់បែបនេះទៀត។ ការសិក្សាមួយ រកឃើញថា អ្នកផ្ដាច់ស្រា មានគុណភាពជីវិតកាន់តែប្រសើរឡើង ប្រសើរជាងយើងទៀត។ តើប្រសើរអី?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាថ្មីនេះ បានពិនិត្យលើមនុស្ស ១០.៣៨៦នាក់ នៅក្រុងហុងកុង ដោយមានទាំងអ្នកមិនផឹកស្រា និងអ្នកផឹកស្រា។ អ្នកចូលរួមក្នុងការផឹកស្រា ជាមធ្យម មានអាយុ ៤៩ឆ្នាំ ដោយបុរស ៦៤% និងស្រ្តី ៨៨% ជាអ្នកមិនផឹកស្រា។ អ្នកស្រាវជ្រាវ បានតាមដានអ្នកចូលរួម ជាង ២ឆ្នាំ ដោយអំឡុងពេលសិក្សា បុរស ៤០% និងស្រ្តី ៦២% បានផ្ដាច់ស្រា។

លទ្ធផល រកឃើញថា ស្ត្រីដែលបានផ្ដាច់ស្រា អំឡុងពេលសិក្សា មានគុណភាពជីវិតប្រសើរឡើង ជាងស្រ្តីដែលមិនផឹកស្រាទៅទៀត។ ចំណែកបុរសដែលបានផ្ដាច់ស្រា ក៏មានគុណភាពជីវិតប្រសើរឡើង ជាងបុរសដែលមិនផឹកស្រាដែរ។

លោក Xiaoxin Yao មកពីសាកលវិទ្យាល័យហុងកុង និងជាអ្នកដឹកនាំការសិក្សា និយាយថា ការផ្ដាច់ស្រា អាចកាត់បន្ថយបញ្ហាស្ត្រេសក្នុងជីវិត ដូចជា ទំនាស់ក្នុងគ្រួសារ បញ្ហានៅកន្លែងការងារ និងបញ្ហាផ្លូវច្បាប់ ហើយជាលទ្ធផល ជួយបង្កើនគុណភាពសុខភាពផ្លូវចិត្ត។ លោកបន្ដថា គុណភាពសុខភាពផ្លូវចិត្តប្រសើរឡើង អាចដោយសារផលប្រយោជន៍បែបចិត្តសាស្ត្រនៃផ្ដាច់ស្រា ជាងឥទ្ធិពលនៃការផ្ដាច់ស្រា។

ដើម្បីផ្ទៀងផ្ទាត់ការជាប់ពាក់ព័ន្ធគ្នារវាងការផ្ដាច់ស្រា និងគុណភាពជីវិត អ្នកស្រាវជ្រាវ បានពិនិត្យការស្ទង់មតិលើពលរដ្ឋអាមេរិក ៣១.០៧៩នាក់។ លទ្ធផល រកឃើញថា ស្រ្តីដែលផឹកស្រា ហើយបានផ្ដាច់ទម្លាប់នេះ មានគុណភាពជីវិតប្រសើរឡើង ដូចគ្នានឹងស្រ្តីនៅហុងកុងដែរ៕

អត្ថបទផ្ដល់ដោយ៖ Hello Krupet

ចុចអាន៖អ្នកចូលចិត្តកាហ្វេ និងស្រា មិនមែនដោយសារ រសជាតិទេ តែមានហេតុផល ១ទៀត

ចុចអាន៖អ្នកខ្លាំងផឹកស្រារាល់ថ្ងៃ កំពុងប្រឈមហានិភ័យនៃវីរុសបំប្លែងខ្លួនគ្រប់ប្រភេទ ជាពិសេស Delta

Related Topics:សុខភាពផ្លូវចិត្ត