KPT+
មនុស្ស ៣ ប្រភេទដែលអ្នកគួរប្រយ័ត្ន និងមិនគួរ Add friend ក្នុង Facebook
ហ្វេសប៊ុកអាចជាឧបករណ៍ទំនាក់ទំនងដ៏អស្ចារ្យសម្រាប់មិត្តភក្តិ ប៉ុន្តែវាក៏អាចមានបញ្ហាដែរ ប្រសិនបើអ្នកមិនចេះគ្រប់គ្រងវាឱ្យបានត្រឹមត្រូវ។ បើនិយាយពីមិត្តភាពវិញ មានមនុស្សមួយចំនួនដែលអ្នកមិនគួរក្លាយជាមិត្តនឹងគេតាមអ៊ិនធរណេតទេ ព្រោះនឹងបន្ថែមភាពស្មុគស្មាញក្នុងជីវិតលើអ្នកប៉ុណ្ណោះ។
១. សង្សារចាស់
តើអ្នកមានហេតុផលអ្វីដែលគួរនៅរាប់អានជាមួយសង្សារចាស់បន្តទៀត? មនុស្សមួយចំនួនអាចនិយាយថា គ្មានបញ្ហអីទេក្នុងការបន្តទំនាក់ទំនងជាមួយមនុស្សធ្លាប់ស្រឡាញ់។ ការពិត បើអ្នកនៅចង់ដឹងពីសុខទុក្ខគេ ក៏បន្តទៀតចុះ! ប៉ុន្តែហេតុអីបានជាត្រូវចង់ដឹង បើយើងបែកគ្នាទាំងឈឺចាប់? ការបន្តជាមិត្តនឹងគ្នានៅលើបណ្ដាញសង្គមពិតជាពិបាកទទួលយក ពេលឃើញរូបភាពគេជាមួយនឹងអ្នកផ្សេង ហើយវាក៏ពិបាកដែលដឹងពីសកម្មភាពគេរាល់ៗថ្ងៃ។ រឿងនេះចៀសមិនផុតភាពអវិជ្ជមានផ្លូវចិត្តនឹងកើតឡើងកាន់តែតានតឹងមិនខាន។ ដូច្នេះកុំអីល្អជាង! ប៉ុន្តែបើអ្នកចង់ដើរថយក្រោយជាមួយអតីតកាល ហើយអាចអត់ធ្មត់ក្នុងន័យមិត្តភាព អ្នកបន្តទំនាក់ទំនងនេះចុះ។
២. ចៅហ្វាយនាយ មិត្តរួមការងារ ឬអតិថិជន
ការរាប់មិត្តជាមួយចៅហ្វាយនាយ អ្នករួមការងារ ឬអតិថិជន ក្នុងន័យល្អគឺងាយស្រួលទំនាក់ទំនងគ្នាឲ្យកាន់តែប្រសើរ។ ជាការល្អ បើអ្នកចង់ទំនាក់ទំនងជាមួយអតិថិជន អ្នកគួរទាក់ទងតាមផេក ឬគេហទំព័រ។ បើទំនាក់ទំនងជាមួយមេកោយ គួរធ្វើតាមរយៈអ៊ីម៉ែល ឬ Telegram ហើយបើជាមួយមិត្តរួមការងារ គួរតែរាប់អានគ្នានៅខាងក្រៅបណ្ដាញសង្គមជារឿងល្អបំផុត។
អ្នកមិនគួរមានទំនាក់ទំនងជាមិត្តនឹងគ្នាតាមបណ្ដាញហ្វេសប៊ុក ជាមួយមនុស្សក្រុមទាំងនេះ ក៏ព្រោះតែពេលខ្លះការបង្ហោះជីវិតផ្ទាល់ខ្លួន ឬការកម្សាន្តរបស់អ្នក ធ្វើឲ្យពួកគេចាប់ថ្នាក់ ឬប្រៀបធៀបទៅនឹងជីវិតការងារ ដោយវិនិច្ឆ័យអ្នកបែបនេះឬបែបនោះ។ ដូច្នេះមិនចាំបាច់រាប់អានគ្នាតាមនេះល្អជាង!
៣. ជនចម្លែក និងមនុស្សមិនដែលស្គាល់
មនុស្សចម្លែក មិនគួរមាននៅក្នុងបញ្ជីរមិត្តរបស់អ្នកទេ។ ការទទួលមិត្តច្រើនមិនមែនជារឿងអស្ចារ្យអ្វីឡើយ។ ហេតុផលគឺថា មនុស្សមួយចំនួនចូលមករាប់អានដើម្បីលួចយកទិន្នន័យរបស់អ្នក និងធ្វើរឿងមិនល្អផ្សេងៗ ដោយមានពេលខ្លះគេ hack គណនីរបស់អ្នកដើម្បីយកទៅបោកប្រាស់លុយអ្នកដទៃ ឬផ្ញើសារអាសអាភាសជាដើម។ រីឯជួនកាលទៀត គេយករូបថតរបស់អ្នកទៅប្រើប្រាស់ក្នុងន័យរំលោភបំពានកម្មសិទ្ធបញ្ញាក៏មានដែរ។
បើអ្នកទទួលបានការស្នើសុំធ្វើជាមិត្តពីអ្នកណាម្នាក់ដែលអ្នកមិនស្គាល់ សូមចុចពាក្យ “លុបសំណើរ” ឬពាក្យថា “រារាំង” ។ បន្ទាប់មកហ្វេសប៊ុកនឹងសួរអ្នកថា តើអ្នកស្គាល់មនុស្សម្នាក់នេះ នៅក្រៅហ្វេសប៊ុកទេ? ហើយអ្នកគួរតែនិយាយថា “ ទេ” នោះពួកគេនឹងមិនមានឱកាសរាប់អានអ្នកម្តងទៀតឡើយ៕
ប្រែសម្រួល៖ សន្យា
ប្រភព៖ liveabout
ចុចអាន៖ ដោះស្រាយជាមួយមនុស្សច្រណែន ដែលប៉ងបំផ្លាញយើង
ចុចអាន៖ មនុស្ស ៨ ប្រភេទមាននៅស្ថាប័នណាពិបាកដល់កន្លែងនោះ
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)