អាហារ ៥ មុខនេះ តារាកូរ៉េពេញនិយមខ្លាំង យកមកសម្រកទម្ងន់

បច្ចុប្បន្ននេះ និន្នាការនៃការថែទាំខ្លួនឯង គឺកំពុងពេញនិយម។ មនុស្សជាច្រើនយកចិត្តទុកដាក់ លើអាហារដែលមានសុខភាពល្អ។ ទាំងនោះ​ត្រូវ​ផ្តោតលើអាហារដែលមានសារធាតុចិញ្ចឹម​ និង​មានប្រយោជន៍ដល់រាងកាយ មានសុខភាពល្អ គ្មានជំងឺ។

អ្វីដែល​សំខាន់បំផុត គឺកា​រគ្រប់គ្រងទម្ងន់ កំណត់​ជាតិ​ខ្លាញ់លើស ទោះបីជាយ៉ាងនេះក្តី នៅតែមានមនុស្ស​ ចង់​ចាប់ផ្តើម​របបអាហាររបស់ពួកគេ ជាមួយនឹងអាហារ ប៉ុន្តែ​មិនដឹងថា​ត្រូវ​ចាប់ផ្ដើម​ពី​ណា​មក។

កម្ពុជាថ្មី​ សូមណែនាំមុខម្ហូបដែលមានសុខភាពល្អ ដែលតារាកូរ៉េល្បីៗ​បរិភោគ​ នៅ​ពេល​ពួកគេ​ចង់​សម្រក​ទម្ងន់

១ សាឡាត់

សាឡាត់​គឺជាមុខម្ហូបដែលមានគ្រឿងផ្សំសំខាន់ៗ។ វាមានបន្លែ ឬធញ្ញជាតិផ្សេងៗ និង​សម្បូរទៅ​ដោយសារធាតុចិញ្ចឹមដែលមានប្រយោជន៍​ដល់រាងកាយ វា​ក៏ពោរពេញទៅដោយសរសៃរុក្ខជាតិ​ ដែលរួមចំណែកដល់ប្រព័ន្ធ excretory កាត់បន្ថយ​ក្បាលពោះ ហើយ​ស្បែក​ភ្លឺថ្លា​ពី​ខាងក្នុង។ តួយ៉ាង Kim Se-jeong ជា​តារា​សម្ដែងក្នុងរឿង Business Proposal ដែលនៅពេលនោះ នាង​ត្រូវ​គ្រប់គ្រង​ទម្ងន់​របស់​នាង ​ឲ្យ​ត្រូវនឹងតួអង្គរបស់នាង ។ ដូច្នេះនាងប្រើរបបអាហារ​ជា​ជំនួយ​ការ​សម្រក​ទម្ងន់ ​ដែល​មានសាឡាត់ត្រី salmon ជាផ្នែកនៃអាហារថ្ងៃត្រង់ ឬអាហារពេល​ល្ងាចរបស់​នាង។

២ ស៊ុបសារ៉ាយ

សារាយសមុទ្រសម្បូរទៅដោយសារធាតុរ៉ែ ដែលមានជីវជាតិដូចជា ជាតិដែក ហ្វូឡាត ម៉ាញេស្យូម កាល់ស្យូម និង​អ៊ីយ៉ូត។ ស្ត្រី​មាន​ផ្ទៃពោះ​តែងតែ​ទទួលទាន​ស៊ុប​សារ៉ាយ​សមុទ្រ ដើម្បី​បំប៉ន​រាងកាយ​ទាំង​ម្ដាយ និង​ទារក​ក្នុង​ផ្ទៃ។ ទន្ទឹមនោះ​​ស៊ុប​សារ៉ាយ​សមុទ្រ​ បាន​ក្លាយ​ជា​និមិត្តរូប និង​វប្បធម៌​ក្នុង​ថ្ងៃ​ខួបកំណើត​របស់​ជនជាតិ​កូរ៉េ​រហូត​មក​ដល់​បច្ចុប្បន្ន។
ស៊ុប​សារ៉ាយសមុទ្ មិនត្រឹមតែមានសារៈសំខាន់ជា​អាហារ​ខួប​កំណើត​សម្រាប់​ជនជាតិកូរ៉េ​ប៉ុណ្ណោះ​ទេ។ តែ​ក៏​ជា​មុខ​ម្ហូប​ដែល​ផ្ដល់​សុខភាព​សម្រាប់​អ្នក​ដែល​ចង់​គ្រប់​គ្រង​ទម្ងន់​ដូច Kim Sejeong ដែរ។ ព្រោះ​មាន​សារធាតុចិញ្ចឹម​ជាច្រើន​ដែល​មាន​ប្រយោជន៍​សម្រាប់​ចិញ្ចឹម​រាងកាយ។ វាក៏ធ្វើឱ្យក្រពះ​មានអារម្មណ៍ឆ្អែតបានយូរនិង មានកាឡូរីតិចជាង ជាពិសេស​មិន​ធ្វើឲ្យ​មានអារម្មណ៍ឃ្លាននៅពេលថ្ងៃ ។

៣ សាច់ទ្រូងមាន់

ការ​គ្រប់​គ្រង​ទម្ងន់​មិន​មែន​មាន​ន័យ​ថា ​អ្នក​ត្រូវ​ញ៉ាំ​តែ​បន្លែ​និង​ផ្លែ​ឈើ​នោះ​ទេ។ ដោយសារតែមិន​ថា​មាន​អ្វី​ក៏​ដោយ រាងកាយរបស់មនុស្សនៅតែត្រូវការប្រូតេអ៊ីន ដើម្បីជួសជុល​ផ្នែក​ដែល​ខូច​នៃ​សាច់​ដុំ ឬ​សរីរាង្គ។ ជាពិសេស តារា K-pop ដែលខំប្រឹងទាំងនៅក្នុងបន្ទប់ហាត់ និងនៅលើឆាក។ សាច់ទ្រូងមាន់​ជា​មុខ​ម្ហូប​ធម្មតា​សម្រាប់​តារា​ក្នុង​ការ​គ្រប់​គ្រង​ទម្ងន់​ដោយ​ជៀស​មិន​រួច។ ជាក់ស្ដែង Kim Jong Kook ដែលជា​អ្នកជំនាញផ្នែកអាហារសុខភាព បានចែករំលែករូបមន្ត ដូចជារូបមន្ត​សាច់មាន់នេះ​ជាមួយប្រូខូលី ក្រូច ខាត់ណា និងទំពាំងបាយជូរបៃតង ដើម្បី​ឲ្យ​មើលទៅ​កាន់តែមានរសជាតិ។

៤ ស៊ុតឆ្អិន

ប្រភពប្រូតេអ៊ីនដ៏សំខាន់មួយទៀតសម្រាប់អ្នកដែលចង់គ្រប់គ្រង​ទម្ងន់​របស់ពួកគេ។ ស៊ុត​ស្ងោរ​ងាយ​រក​អាហារ មិន​ពិបាក​ធ្វើ ប៉ុន្តែ​មាន​ថាមពល​ខ្ពស់។ សក្តិសម​សម្រាប់អ្នកដែលចង់កាត់​អាហារ​មិន​ល្អ ប៉ុន្តែ​មិនដឹងថាត្រូវចាប់ផ្តើមពីណា។ តារាល្បីៗ និងតារា K-pop ជាច្រើននាក់ក៏បានយកពងមាន់ស្ងោរ​ធ្វើ​ជា​អាហារ​ចំបង ​ក្នុង​អំឡុង​ពេល​របប​អាហារ​របស់​ពួកគេ​ផងដែរ ដូចជាមេដឹកនាំ NU’EST Kim Jonghyeon ឬ JR អំឡុងពេលរៀបចំ​ការប្រគុំតន្ត្រី ប្រសិនបើសំដៅទៅលើកម្មវិធីដែលត្រូវតែបង្ហាញរាង។ ខណៈពេលដែលក្រុមបានញ៉ាំនំសូកូឡាជាបង្អែមយ៉ាងសប្បាយរីករាយ។ ប៉ុន្តែ Kim Jong Hyun បន្ត​ញ៉ាំ​ស៊ុត​ស្ងោរ​ជា​អាហារ​សម្រន់​ ដើម្បី​ទទួល​បាន​ថាមពល និង​ប្រូតេអ៊ីន​។

៥ ដំឡូង​ផ្អែម

ដំឡូងផ្អែមដុតមើលទៅគួរឲ្យចង់ញ៉ាំ គឺជាមុខម្ហូបមួយទៀត ដែលតារាល្បីៗ និងតារាកូរ៉េ និយមញ៉ាំ​ក្នុងកំឡុងពេលគ្រប់គ្រងទម្ងន់ ដូចជា Lee Ji-eun ឬ​IU ។​ IU ធ្លាប់និយាយថា ក្នុងអំឡុងពេល​របបអាហារ​របស់​នាង នាងញ៉ាំតែដំឡូងផ្អែមជាអាហារ​ចម្បង​ប៉ុណ្ណោះ។

ក្រោយអានរួច ប្រិយមិត្តអ្នកអានពេញចិត្តរបបអាហារមួយណា ដើម្បីយកមកអនុវត្តជាគោលដៅសម្រកទម្ងន់នាពេលខាងមុខនេះ៕

ប្រែសម្រួល៖ សាង ស្រីល័ក្ខ

ចុចអាន៖អាថ៌កំបាំង ៥ យ៉ាង នៃការសម្រកទម្ងន់មិនតមអាហារ ពីតួស្រីក្នុងរឿង “Squid Game”

​