Connect with us

KPT+

ប្រាសាទធំៗទាំង ៥ លើពិភពលោក ក្នុងមួយជីវិតគួរទស្សនាឲ្យបានម្ដង

បានផុស

នៅ

នៅក្នុងប្រទេសកម្ពុជាយើង ប្រាសាទអង្គរវត្តជាសំណង់អច្ឆរិយដ៏ល្បី​ ហើយមានលក្ខណៈអស្ចារ្យ មិនមានប្រាសាទណាដូច និងថែមទាំងជា​កេរ្តិ៍មរតក​ពីដូនតា តាំងពីយូរយារណាស់មកហើយ។ ទោះជាយ៉ាងណាក្ដី យើង​គ្រប់គ្នា​គួរ​តែ​សាក​ទៅ​ទស្សនា​តាម​ប្រាសាទ​ល្បីៗ​នៅ​ប្រទេស​ផ្សេងៗ​ ដើម្បី​ឲ្យ​ដឹង​ថា​ នៅ​មាន​ភាព​អស្ចារ្យ​ជាច្រើន​ទៀត​ដែល​យើង​គួរ​ឃើញ​ផ្ទាល់នឹងភ្នែក។

ជាក់ស្ដែង​ដូចជាប្រាសាទ ៥ ខាងក្រោមនេះ ក្នុងមួយជីវិត អ្នកគួរទៅទស្សនាផ្ទាល់ភ្នែកឲ្យបានម្ដងដែរ៖

១. ប្រាសាទ​ប្រាក-ប្រាសាទ​បុរាណ​ធំ​បំផុត (Prague Castle- Largest Ancient Castle)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាសាទប្រាកមាន​ផ្ទៃក្រលា ៦៦,៧៦១ម៉ែត្រការ៉េ ដែល​ជា​ប្រាសាទ​ធំ​មួយ​មាន​ប្រវត្តិរាប់ពាន់ឆ្នាំមកហើយ។ បេតិកភណ្ឌពិភពលោករបស់អង្គការយូណេស្កូនេះ សាងសង់ឡើងនៅឆ្នាំ៨៨០ ដោយរាជវង្សឆេក។ ប្រាសាទប្រាកជាប់កំណត់ត្រា Guinness ដែលជាប្រាសាទធំជាងគេបង្អស់លើពិភពលោក។

ទីតាំង៖ សាធារណរដ្ឋឆេក

បើកពីម៉ោង ៩ព្រឹក ដល់ ៦ល្ងាច

ថ្លៃទស្សនា៖ ១២ដុល្លារ

២. ប្រាសាទវីនស័រ-ស្ថាបត្យកម្មដ៏អស្ចារ្យ (Windsor Castle- A Magnificient Architecture)

ប្រាសាទវ័យចំណាស់បំផុតលើពិភពលោក គឺជាទីលំនៅឋានផ្លូវការមួយក្នុងចំណោមលំនៅឋានបីរបស់ម្ចាស់ក្សត្រីនៃប្រទេសអង់គ្លេស។ ប្រាសាទវីនស័រមានផ្ទៃក្រលា ៥៤,៨៣៥ម៉ែត្រការ៉េ ដែលសាងសង់តាំងពីខ្ទង់ឆ្នាំ១០៧០មកម្ល៉េះ។

ទីតាំង៖ ចក្រភពអង់គ្លេស

បើកពីម៉ោង ៩:៤៥នាទីព្រឹក ដល់ ៥:១៥នាទីល្ងាច

ថ្លៃទស្សនា៖ ២៤ដុល្លារ

៣. ប្រាសាទម៉ាលប៊ក-ប្រាសាទឥដ្ឋ (Malbork Castle- A Castle of Bricks)

ប្រាសាទម៉ាលប៊កមានផ្ទៃក្រលា ១៤៣,៥៩១ម៉ែត្រការ៉េ ជាបេតិកភណ្ឌពិភពលោករបស់អង្គការយូណេស្កូដែលគេចាត់ទុកថាវាជាប្រាសាទធំបំផុតបើវាស់តាមផ្ទៃដី។  ប្រាសាទដ៏ធំនេះសាងសង់ឡើងដោយអស្សឫទ្ធិ Teuonic ក្នុងសតវត្សទី១៣ ធ្វើពីដុំឥដ្ឋខុសពីប្រាសាទដ៏ទៃដែលធ្វើពីថ្ម។

ទីតាំង៖ ប្រទេសប៉ូឡូញ

បើកពីម៉ោង ៩ព្រឹក ដល់ ៧ល្ងាច

ថ្លៃទស្សនា៖ ៩ដុល្លារ

៤. ប្រាសាទហ៊ីមេជិ-កំណប់ទ្រព្យរបស់ជប៉ុន (Himeji Castle- A Japanese Treasure)

ប្រាសាទនៅលើភ្នំរបស់ជប៉ុនដែលសាងសង់នៅសតវត្សទី១៧នេះជាបេតិកភណ្ឌពិភពលោករបស់អង្គការយូណេស្កូដែរ មានផ្ទៃក្រលា ៤១,៤៦៨ម៉ែត្រការ៉េត្រូវគេស្គាល់ថាជាប្រាសាទធំបំផុតក្នុងទ្វីបអាស៊ី។

ទីតាំង៖ ទីក្រុងហ៊ីមេជិ ប្រទេសជប៉ុន

បើកពីម៉ោង ៩ព្រឹក ដល់ ៥ល្ងាច

ថ្លៃទស្សនា៖ ៨,០៥ដុល្លា

៥. បន្ទាយ Mehrangarh

បន្ទាយ Mehrangarh ស្ថិតនៅលើភ្នំកម្ពស់ប្រហែល ១២២ម៉ែត្រ សាងសង់នៅក្នុងសតវត្សទី១៤ ដោយ

Rao Jodha។ បន្ទាយនេះមានផ្ទៃក្រលា ៨១,២២៧ម៉ែត្រការ៉េ និងសាងសង់ឡើងពីថ្មខ្សាច់។

ទីតាំង៖ ប្រទេសឥណ្ឌា

បើកពីម៉ោង ៩ព្រឹក ដល់ ៥ល្ងាច

ថ្លៃទស្សនា៖ ១,៥ដុល្លារ៕

ប្រែសម្រួលដោយ៖ វារី

ចុចអាន៖១០ កន្លែងគ្រោះថ្នាក់បំផុតលើពិភពលោក ស្ទើរតែមិនមានអ្នកទៅដល់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៧ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៣៤ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៤៣ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ៥១ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ១ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម