ការពិតគួរឲ្យចាប់អារម្មណ៍ ១០ យ៉ាងពី សត្វក្រពើ

កាលពីភ្លើងឆេះកាលផ្ដាច់ពូជដាយណូស័រ ក្រពើគឺជាសត្វល្មូនមួយក្នុងចំណោមសត្វដែលរួចខ្លួនទាំងអស់និងបន្តរស់នៅមកទល់បច្ចុប្បន្ន។ អាស្រ័យពេលវេលាដ៏យូរអង្វែងនេះហើយ ទើបធ្វើឲ្យសត្វក្រពើក្លាយជាសត្វមានប្រវត្តិសាស្ត្រវែងនិងអាថ៌កំបាំង ខាងក្រោមនេះជារឿងពិតខ្លះៗពីសត្វក្រពើ៖

១. សត្វក្រពើមាន ២៣ប្រភេទ ប៉ុន្តែប្រទេសអូស្ត្រាលីជាជម្រកសម្រាប់តែក្រពើ ២ប្រភេទប៉ុណ្ណោះគឺ ក្រពើទឹកសាបនិងក្រពើ estuarine ( សម្ដៅលើព្រំដែនទឹកប្រៃជួបទឹកសាប) មានន័យថាក្រពើ estuarine អាចរស់នៅទាំងទឹកសាបទាំងទឹកប្រៃ។ ចំណែកប្រភេទផ្សេងៗទៀតរស់នៅតាម តំបន់ត្រូពិច ទ្វីបអាព្រិច ទ្វីបអាស៊ី និងទ្វីបអាមេរិក។

២. សត្វក្រពើ ជាសត្វល្មូនចម្រុះអាចរស់នៅក្នុងបរិស្ថានច្រើនប្រភេទដូចជា បឹង ទន្លេ ទឹកសាប និងទឹកប្រៃជាដើម។

៣. ដូចសត្វល្មូនដទៃដែរ សត្វក្រពើជាសត្វឈាមត្រជាក់ចូលចិត្តរស់នៅតំបន់ត្រូពិចជិតតំបន់ដីសើម។ ពួកវាមិនអាចបង្កើតកំដៅដោយខ្លួនឯងបានទេ ដូច្នេះហើយពួកគេនឹងគេងយ៉ាងយូររហូតដល់អាកាសធាតុឡើងកំដៅម្តងទៀត។

៤. ក្រពើធ្លាប់ស្ថិតនៅកំពូលនៃខ្សែសង្វាក់អាហារ តាំងពី ១០០លានឆ្នាំមុន ក្នុងកំឡុងសម័យ Mesozoic។

៥. កម្លាំងថ្គាមមរបស់វាខ្លាំងខ្លាណាស់ ទោះបីជាសាច់ដុំក្នុងថ្គាមរៀងខ្សោយបន្តិចក្ដី។ អ្នកដឹងទេថា ក្រពើទឹកប្រៃមានកម្លាំងខាំខ្លាំងជាងតោ និងខ្លាដល់ទៅ ៣ ដងឯណោះ។

៦. សីតុណ្ហភាពជាអ្នកកំណត់ភេទកូនក្រពើ សម្រាប់ពងដែលស្ថិតនៅក្រោមសីតុណ្ហភាព ៣២អង្សាសេ ក្លាយជាក្រពើញី ចំណែកឯលើសពីសីតុណ្ហភាព ៣២អង្សាសេ ក្លាយជាក្រពើឈ្មោល។

៧. ធ្លាប់ឮ “ទឹកភ្នែកក្រពើ” អត់? មិនមែនវាយំពេលត្របាក់ចំណីទេ ដោយសារតែការខាំសង្កត់ចំណីខ្លាំងពេកទើបក្រពេញ​បង្ខំឲ្យផលិត​ទឹក​ភ្នែក។

៨. ក្រពើមិនអាចទំពាអាហារបានឡើយ បន្ទាប់ពីស៊ីសត្វមកវានឹងលេបថ្មដើម្បីជួយរំលាយ និងបំបែកអាហារនៅក្នុងក្រពះ។

៩. ទោះបីជាវាអាចរួចផុតពីភ្លើងឆេះកាលមែន ប៉ុន្តែអាយុក្រពើមិនវែងប៉ុន្មានទេ។ ជាមធ្យមវាមានអាយុប្រហែល ៤០ឆ្នាំ ប៉ុន្តែសម្រាប់ក្រពើទឹកប្រៃ និងក្រពើទន្លេ Nile អាចរស់ដល់ទៅ ៨០-១០០ឆ្នាំ។

១០. ក្រពើហារមាត់ ព្រោះវាក្ដៅនិងមិនអាចបែកញើសបាន៕

ប្រែសម្រួលដោយ៖ វារី

ចុចអាន៖ យល់សប្ដិឃើញក្រពើ ការងារមានគេស្អប់ឬច្រណែន រីឯស្នេហាមានជនទី ៣ ជ្រៀតជ្រែក

ចុចអាន៖ ក្រៀលយក្ស Shoebill ជាសត្វដែលជិតផុតពូជនៅលើលោកនេះ