មកស្គាល់បុគ្គលល្បីៗទូទាំងពិភពលោក ៩ រូប មាន ជំងឺខ្វាក់ពណ៌

ជំងឺខ្វាក់ពណ៌គឺសំដៅទៅលើការមើលពណ៌មិនឃើញ ឬមើលឃើញទៅជាពណ៌ផ្សេងច្រើនកើតលើបុរសជាជាងស្ត្រី ។ ខាងក្រោមនេះជា បុគ្គលល្បីៗនៅលើពិភពលោកទាំង ៩ ដែលមានជំងឺខ្វាក់ពណ៌៖

១. Bill Clinton

Bill Clinton ជាអ្នកនយោបាយជនជាតិអាមេរិក បម្រើការជាប្រធានាធិបតីទី ៤២ ពីឆ្នាំ ១៩៩៣ ដល់ ២០០១ ។ ពីមុនលោកធ្លាប់ធ្វើជាអភិបាលរដ្ឋ Arkansas ពីឆ្នាំ ១៩៧៩ ដល់ ១៩៨១ និងលើកទីពីរនៅឆ្នាំ ១៩៨៣ ដល់ ១៩៩២ និងជាអគ្គមេធាវីនៃរដ្ឋ Arkansas ពីឆ្នាំ ១៩៧៧ ដល់ឆ្នាំ ១៩៧៩ ។ គាត់មានបញ្ហាខ្វាក់ពណ៌ក្រហម និងបៃតង ។

២. Keanu Reeves

Keanu Charles Reeves គឺជាតារាសម្តែងជនជាតិកាណាដា កើតនៅទីក្រុង Beirut និងធំធាត់នៅទីក្រុង Toronto ។ រឿងល្បីមួយក្នុងចំណោមរឿងល្បីៗជាច្រើនគឺ “John Wick” ដែលទទួលបានការគាំទ្រពីសំណាក់មហាជនរាប់លាននាក់ ។

៣. Mark Zuckerberg

Zuckerberg មានបញ្ហាខ្វាក់ពណ៌ក្រហម និងពណ៌បៃតង ។ គាត់អាចមើលឃើញពណ៌ខៀវល្អជាងគេ ។ ហេតុនេះហើយទើប Facebook មានឡូហ្គោពណ៌ខៀវ ។

៤. ព្រះអង្គម្ចាស់ William

ព្រះអង្គម្ចាស់ William មានព្រះបន្ទូលជាសាធារណៈថា ទ្រង់ខ្វាក់ពណ៌បៃតង និងពិបាកបែងចែកពណ៌លឿងផងដែរ។

៥. John Kay

លោក John Kay មានបញ្ហាខ្វាក់ពណ៌មួយទំហឹងតែម្ដង ពិភពលោករបស់គាត់ពោរពេញដោយពណ៌ស ខ្មៅ និងប្រផេះ។ 

៦. Jack Nicklaus

លោកបានឲ្យដឹងថា ខ្លួនមានបញ្ហាខ្វាក់ពណ៌ក្រហម និងពណ៌បៃតង រាល់ពេលដែលគាត់ឃើញវាទាំងពីរនៅក្បែរគ្នាវាផ្លាស់ប្ដូរទៅជាពណ៌បែកត្នោតម្យ៉ាង ។

៧. John Dalton

John Dalton មានសមត្ថភាពមើលបានត្រឹមតែបីពណ៌ប៉ុណ្ណោះគឺពណ៌ខៀវ ស្វាយ និងលឿង ។ ក្រៅពីនេះ គាត់គឺជាអ្នកគីមីវិទូ រូបវិទ្យា និងឧតុនិយមជនជាតិអង់គ្លេស ជាពិសេសត្រូវបានគេស្គាល់ពីការបញ្ចូលទ្រឹស្តីអាតូមចូលទៅក្នុងគីមីវិទ្យា ។

៨. Paul Newman

ដំបូងគាត់មានក្ដីស្រមៃចង់ក្លាយជាអ្នកបើកយន្តហោះ ដោយសារតែបញ្ហាខ្វាក់ពណ៌ទើបក្ដីស្រមៃនេះមិនអាចទៅរួច ។

៩. Loren Long

Loren Long កើតឆ្នាំ១៩៦៤ គឺជាអ្នកនិពន្ធសៀវភៅកុមារជនជាតិអាមេរិកដែលល្បីខាងគំនូរ។ គាត់ឈ្នះពានរង្វាន់ Society of Children’s Book Writers and Illustrator’ (SCBWI) Golden Kite Award សម្រាប់គំនូរសៀវភៅរូបភាពក្នុងឆ្នាំ២០០៤ សម្រាប់ I Dream of Trains ដោយ Angela Johnson ៕

ប្រែសម្រួលដោយ ៖ វារី

ចុចអាន៖ តារាអន្តរជាតិ ១០ រូប ល្បីខាងអសីលធម៌ប្រចាំតារាងឆ្នាំ ២០២២