KPT+

ទស្សនារូបភាពតារាបង្ហាញម៉ូដ ជាសត្វបក្សី

បានផុស

៤ years មុន

នៅ

ថ្ងៃចន្ទ ៩ មករា ២០២៣

ដោយ

លោក Alex ten Napel ជា អ្នកជំនាញថតរូបសត្វបក្សីដែលមានបទពិសោធន៍ដើរប្រឡូកវិស័យចម្ការចិញ្ចឹមសត្វបក្សីតាំងពី ២០១៤ បាននិយាយថា “សត្វមាន់មិនត្រឹមតែជាសត្វផ្ដល់ស៊ុតនោះទេ” ។ ការងារថតរូបរបស់លោក Alex រាល់ថ្ងៃនេះគឺទទួលឥទ្ធិពលពីវិចិត្រករ Melchior d’Hondecoeter ជនជាតិហូឡង់ក្នុងសតវត្សរ៍ទី ១៧ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“អ្វីដែលខ្ញុំសង្ឃឹមថាអ្នកឃើញនៅក្នុងរូបថតគឺជា សត្វមាន់មានមោទនភាព ឬជាសត្វគួរឱ្យអស់សំណើច” គាត់បន្តទៀតថា “ពួកគេអាចក្លាយជាអ្នកហាត់កាយសម្ព័ន្ធ ឬអ្នករាំរបាំបាឡេ មិនមែនជាសត្វទូទៅដែលមនុស្សភាគច្រើនគិតរាក់ៗទេ” ។

ខណៈសត្វនីមួយៗមានបុគ្គលិកលក្ខណៈខុសៗគ្នា លោក Alex បានសង្កេតឃើញថាមាន់ឈ្មោលមានរូបរាងធំ ស៉ីកាមេរ៉ា និងសង្ហាតែម្ដង ។ ប៉ុន្តែមាន់ញីបែរជាមានភាពទាក់ទាញជាងមាន់ឈ្មោលធ្វើឲ្យលោក Alex និយាយថា “ខ្ញុំមានក្ដីអាណិតស្រលាញ់មេមាន់ ព្រោះពួកគេងាយរងគ្រោះណាស់ ធ្វើឲ្យខ្ញុំចង់ការពារពួកគេមែនទែន” ។

យ៉ាងណាក្ដីអ្នកថតរូបដដែលនេះ ធ្លាប់ផ្តោតថតលើមនុស្សអស់រយៈពេល ២៥ឆ្នាំ មកហើយ ។ គាត់និយាយថា សត្វមាន់បង្កើនចំណង់ចំណូលចិត្តរបស់ខ្លួនក្នុងការថតរូប ទោះបីជាវាពិបាកថតប៉ុណ្ណាក៏ដោយ។ លោកបន្ថែមទៀតថា “រូបរាល់សន្លឹកសុទ្ធតែជាអំណោយពីសត្វមាន់ទើបថតបាន” ។