KPT+

មកស្គាល់សាលាច្បាប់តម្លៃថ្លៃកប់ពពក ៥ កន្លែងនៅសហរដ្ឋអាមេរិក

បានផុស

២ years មុន

នៅ

ថ្ងៃអង្គារ ១៤ មីនា ២០២៣

ដោយ

ការសិក្សានៅសហរដ្ឋអាមេរិកមានតម្លៃខ្ពស់ណាស់ ទោះបីជាមានអាហារូបករណ៍ក៏ដោយនៅតែគេចមិនផុតចំពោះការចំណាយដ៏ច្រើនដដែល។ ប៉ុន្តែដើម្បីចំណេះដឹង និងជីវិតល្អប្រសើរសិស្សហ៊ានចំណាយប្រាក់ដើម្បីចូលសាលាទាំង ៥ ខាងក្រោមនេះ ៖

១. សាលាច្បាប់កូឡុំប៊ី

សាលានេះមានតម្លៃថ្លៃបំផុតនៅសហរដ្ឋអាមេរិកគឺ ៧៥,៥៧២ ដុល្លារ និងថ្លៃចំណាយផ្សេងៗ ៣៤,៨៧៨ ដុល្លារក្នុងមួយឆ្នាំ ហើយក៏ជាសាលាដែលបើកតាំងពីឆ្នាំ ១៨៥៨ មកម៉្លេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. សាលាច្បាប់ Cornell

ក្នុងមួយឆ្នាំៗសិស្សត្រូវចំណាយថ្លៃសិក្សា ៧៤,០៩៨ ដុល្លារ និងចំណាយផ្សេងៗ ២៣,៦០៥ ដុល្លារ ហើយសាលានេះដែរបានបើកក្នុងឆ្នាំ ១៨៨៧ ជាសាលាច្បាប់មួយក្នុងចំណោមសាលាច្បាប់ Ivy League ចំនួនប្រាំនៅសហរដ្ឋអាមេរិក ។

៣. សាលាច្បាប់នៃសាកលវិទ្យាល័យញូវយ៉ក

សាលាច្បាប់នៃសាកលវិទ្យាល័យញូវយ៉កត្រូវបានបង្កើតឡើងក្នុងឆ្នាំ ១៨៣៥ ដោយលោកអគ្គមេធាវី Benjamin Franklin Butler ហើយវាជាសាលាច្បាប់ចាស់ជាងគេនៅទីក្រុងញូវយ៉កផងដែរ ចំណែកថ្លៃចំណាយវិញគឺ ៧៣,២១៦ ដុល្លារ និងថ្លៃផ្សេងៗ ៣៦,០៧៤ ដុល្លារក្នុងមួយឆ្នាំឯណោះ ។

៤. សាលាច្បាប់នៃសាកលវិទ្យាល័យឈីកាហ្គោ

សាលាច្បាប់ឈីកាហ្គោស្ថិតក្នុងចំណោមសាលាច្បាប់កំពូលទាំងបីនៅក្នុងប្រទេស វាមានទីតាំងនៅក្នុងសង្កាត់ Hyde Park នៃទីក្រុងឈីកាហ្គោ រដ្ឋ Illinois ដែលមានតម្លៃសិក្សាប្រចាំឆ្នាំ ៧៣,១៨៥ ដុល្លារ និងថ្លៃផ្សេងៗ ៣២,៤៦៥ ដុល្លារ ។

៥. សាលាច្បាប់ Penn Carey

សាលាច្បាប់ Penn Carey គឺជាសាលាច្បាប់ដំបូងគេនៅសហរដ្ឋអាមេរិកដែលបោះពុម្ពទិនានុប្បវត្តិច្បាប់ ហើយមានតម្លៃសិក្សាប្រចាំឆ្នាំ ៧១,២១០ ដុល្លារ និងថ្លៃផ្សេងៗ ២៩,៥៦២ ដុល្លារ ។