រឿងតុក្កតា Disney ទាំង ៥ ដែលអ្នកគាំទ្រចង់ឲ្យមានមនុស្សសម្ដែង

កន្លងមក Disney បានចេញរឿងសម្ដែងដោយមនុស្សដូចជា Cinderella, Little Mermaid, និង Mulan ជាដើម ហើយពួកគេក៏មានគម្រោងចេញរឿងជាបន្តបន្ទាប់ទៀតដែរ ។ ប៉ុន្តែមហាជនចង់ទស្សនារឿង Disney ជាទម្រង់មនុស្សទាំង ៥ នេះជាងគេ ៖

១. Frozen ២០១៣

តួអង្គសំខាន់ៗគឺម្ចាស់ក្សត្រី Elsa ដែលមានវេទមន្តទឹកកក និងព្រះនាង Anna ជាប្អូនស្រីបានរងគ្រោះដោយសារវេទមន្តធ្វើឲ្យកកបេះដូង ។ អ្នកគាំទ្រចង់មើលរឿងទម្រង់មនុស្សព្រោះវេទមន្តទឹកកកជាពិសេសតែម្ដង ។

២. Moana ២០១៦

Moana គឺជាកូនស្រីរបស់មេកោះ Motunui នាងបានផ្សងព្រេងលើមហាសមុទ្រដើម្បីស្វែងរក Maui ទៅដាក់បេះដូង Ta Fiti នៅកន្លែងដើមវិញ ។

៣. Brave ២០១២

Merida ជាព្រះនាងនៃ DunBroch នាងបដិសេធការរៀបអភិសេក ហើយក៏ជាព្រះនាងដំបូងបំផុតដែលគ្មានស្នេហា ។ ក្នុងដំណើររឿងមានទាក់ទងនឹងបណ្ដាសាសត្វខ្លាឃ្មុំ ដែលអ្នកគាំទ្រចង់ឃើញជាទិដ្ឋភាពពិតៗ ។

៤. Tangled ២០១០

បើព្រះនាង Rapunzel សម្ដែងដោយមនុស្សពិត ចំណុចដែលគួរឲ្យចាប់អារម្មណ៍បំផុតគឺសក់ដ៏វែងពណ៌មាសរបស់នាង និងប្រាសាទអាថ៌កំបាំងខ្ពស់ក្នុងព្រៃរបស់យាយធ្មប់ ។

៥. The Princess & The Frog ២០០៩

ចំណែកឯរឿងព្រះនាងកង្កែបវិញក៏មានមហាជនចាំគាំទ្រមិនតិចដែរ គេចង់ដឹងថាពេលនាងមានទំនាក់ទំនងជាមួយព្រះរាជបុត្រកង្កែបនឹងមានទិដ្ឋភាពប្លែកកម្រិតណា ។

សម្រាប់ឆ្នាំ ២០២៤ ផងដែរ Disney មានគម្រោងចេញរឿងមួយជាទម្រង់មនុស្សគឺ ព្រះនាងព្រិលស ប៉ុន្តែរងការរិះគន់ខ្លាំងដូចរឿងទេពមច្ឆាតូច ២០២៣ ព្រោះតួអង្គមនុស្សមានពណ៌សម្បុរមិនដូចតួអង្គតុក្កតា ៕

ប្រែសម្រួល ៖ វារី

ចុចអាន ៖ ក្រោយសម្ដែងភាពយន្តរបស់ Disney តារាស្រី ៤រូបនេះ ត្រូវគេចាត់ទុកជា “ព្រះនាង” ក្នុងជីវិតពិត