ភាពយន្ត The Little Mermaid បរាជ័យក្នុងការចាក់បញ្ចាំងនៅកូរ៉េ

ខ្សែភាពយន្តរបស់ផលិតកម្ម Disney រឿង The Little Mermaid មិនទទួលបានការគាំទ្រនោះទេ ក្រោយចាក់ផ្សាយនៅកូរ៉េខាងត្បូង ដោយទស្សនិកជនភាគច្រើនបានរិះគន់ទៅនឹងតួសម្ដែងថាមិនសក្តិសមជាព្រះនាងក្នុងពេ្រងនិទាន។

តួលេខរបស់ Box Office នៅកូរ៉េខាងត្បូង បានរាយការណ៍ថា ​ រឿង The Little Mermaid ក្លាយជាខ្សែភាពយន្តដែលរកចំណូលបានតិចបំផុត និងជារឿងដែលទទួលបានការ Rate អន់បំផុតក្នុងចំណោមខ្សែភាពយន្ត Disney ផ្សេងទៀត។

អ្នកដែលទស្សនារួចបានរិះគន់ឥតសំចៃពីគុណភាពនៃខ្សែភាពយន្តរឿង The Little Mermaid ថាបានបញ្ចូលនូវចម្រៀងយ៉ាងច្រើនលើសលុប បង្កឱ្យមានការធុញទ្រាន់។ ចំណែកតួឯកស្រីមិនសក្តិសមសូម្បីបន្តិចទៅនឹងតួព្រះនាង Ariel ។ មិនតែប៉ុណ្ណោះទស្សនិកជនរិះគន់ Disney ថា បានធ្វើការឃោសនាបំផ្លើសសាច់រឿង។

យ៉ាងណាមិញ ជុំវិញការរិះគន់ខាងលើ ទស្សនិកជនអន្តរជាតិបានប្រតិកម្មមិនពេញចិត្តថា ទស្សនិកជនកូរ៉េកំពុងបង្ហាញចេតនារើសអើងពូជសាសន៍ ចំពោះតារាសម្ដែង Halle Bailey ដែលជនជាតិស្បែកខ្មៅ៕

ប្រែសមម្រួល៖ សន្យា

ចុចអាន៖ កូរ៉េខាងត្បូងពង្រាយប៉ូលិសជាង ៦០០នាក់ ក្នុងព្រឹត្តិការណ៍ខួប ១០ឆ្នាំរបស់ BTS

ចុចអាន៖ អ្នកគាំទ្រជំរុញឱ្យ Matt ទាក់ទងនឹង Great ក្រោយឃើញពួកគេស្និទ្ធស្នាលគ្នាលើសពីមិត្ត