វិធីងាយៗដើម្បីធ្វើសមាធិមានប្រសិទ្ធិភាព

គ្នាយើងរមែងយល់ថា ការធ្វើសមាធិ ទាល់តែអង្គុយបិទភ្នែក រក្សាឥរិយាបថស្ងៀមស្ងាត់ ​ទើបអាចទទួលបានប្រសិទ្ធិភាព។ ​តាមពិតទៅ វិធីនៃការធ្វើសមាធិមានច្រើនសណ្ឋាន ដែលអាចអនុវត្តមានប្រសិទ្ធិភាពដូចគ្នា ដោយពុំចាំបាច់តែស្ងៀមឈឹងតែឯងនោះទេ។

ថ្ងៃនេះ កម្ពុជាថ្មី នឹងលើកយកវិធីធ្វើសមាធិពីរប្រភេទបែបងាយៗ តែអាចហុចផលល្អ មិនចាញ់បែបផ្សេងឡើយ!

សមាធិបែបស្រមើស្រមៃ

ការស្រមៃ​ ជាវិធីនៃការធ្វើសមាធិមួយដែលពេញនិយម និងមានប្រសិទ្ធិខ្លាំងផងដែរ។  វាជួយឲ្យអារម្មណ៍ធូរស្រាលបានច្រើន ព្រមទាំងបន្ថយភាពតានតឹងបានខ្ពស់។

វិធីនេះប្រើបានរាល់ថ្ងៃ ក្នុងមួយថ្ងៃ ៥-២០ នាទី។

សូមអង្គុយចុះ​ ហើយបិទភ្នែកស្រមៃដល់កន្លែងដ៏ស្រស់ស្អាតបំផុតដែលយើងចង់ទៅ ឬកន្លែងណាមួយដែលធ្លាប់ផ្ដល់ក្ដីសុខដល់យើងពីមុន។ ដកដង្ហើមចេញនិងចូលវែងៗ ​មួយៗ គិតដល់ទីនោះ ដោយមើលសម្រស់ធម្មជាតិ ស្រូបក្លិនលម្អង ស្ដាប់សំឡេងព្រៃព្រឹក្សនិងសត្វ។ល។ បន្ទាប់មកផ្លាស់ប្ដូរឥរិយាបថ ៣ឬ៥ នាទីម្ដង ដើម្បីកុំឲ្យចុកស្រពន់។ នៅពេលស៊ាំហើយ យើងអាចអង្គុយម្ដង ​១០-២០ សឹមបញ្ចប់ការសមាធិនេះ។

សមាធិបែបនិយាយចេញក្រៅ

ការសមាធិប្រភេទនេះ ពុំចាំបាច់នៅស្ងៀមស្ងាត់នោះទេ។ វាអាចជាការសូត្រធម៌ ឬនិយាយចេញនូវអ្វីដែលយើងលាក់ទុក មិនហ៊ានប្រាប់នរណា។ កុំច្រឡំថា ការនិយាយបែបនេះ ជាអាការៈសតិមិនសូវប្រក្រតី ព្រោះអ្នកជំនាញនិងអ្នកធ្លាប់សមាធិបានយ៉ាងជោគជ័យអះអាងថា ទង្វើនៃការនិយាយចេញក្រៅឮៗ​ជួយឲ្យបាត់តប់ប្រមល់ប្រមាណ ៥០-៧០%៕

ប្រែសម្រួល៖ សន្យា

ប្រភព៖ Healthline

ចុចអាន៖ ឥឡូវនេះ សមាធិ​នៅ​កន្លែង​ធ្វើការ​​ ជារឿងដ៏ពេញនិយម​ថ្មី!

ចុចអាន៖ គេង​មិន​លក់​រាល់​យប់​? សាក​ប៉ុន្មាន​វិធី​ខាងក្រោម​នេះ​ ធានា​ថា​ក្រោក​ឡើង​ពេល​ព្រឹក​ស្រស់ស្រាយ