KPT+

យុទ្ធសាស្ត្រ ៤ ធំៗដែលមេដឹកនាំនិយមប្រើប្រឆាំងនឹងការគិតបែបអវិជ្ជមាន

បានផុស

៥ years មុន

នៅ

ថ្ងៃអង្គារ ២ កុម្ភៈ ២០២១

ដោយ

Sonya

គំនិតអវិជ្ជមាន តែងមាននៅក្នុងខ្លួនមនុស្សយើងគ្រប់គ្នាដោយអ្នកខ្លះចេះគ្រប់គ្រងបាន អ្នកខ្លះបណ្តែតបណ្តោយឱ្យជះឥទ្ធិពលអាក្រក់ធំដល់ជីវិត។

ខាងក្រោមនេះជាយុទ្ធសាស្ត្រ ដែលស្ថាបនិកព្រមទាំងនាយកប្រតិបត្តិមកពីក្រុមហ៊ុនជាច្រើនផ្សេងៗគ្នាអះអាងថា ពួកគេបានអនុវត្ត នៅពេលណាខួរក្បាលចាប់ផ្ដើមគិតពីរឿងអវិជ្ជមាន។

១. លោក Andrey Khusid នាយកប្រតិបត្តិក្រុមហ៊ុន Miro

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្ញុំព្យាយាមមានតម្លាភាពព្រមទាំងយល់ពីទស្សនៈរបស់អ្នកដទៃ វាក៏មានប្រយោជន៍ផងដែរក្នុងការមានមិត្តភក្ដិនិងអ្នកណែនាំនៅក្នុងពិភពនៃភាពជាសហគ្រិនដែលអាចជួយយើងបាន។

នៅពេលដែលយើងមានបញ្ហានេះ ជារឿងដែលមានប្រយោជន៍ក្នុងការចងចាំថា យើងមិនបាននៅម្នាក់ឯងទេ អ្នកផ្សេងទៀតបានឆ្លងកាត់ការតស៊ូខ្លាំងនេះផងក៏មិនដឹង ហើយពន្លឺតែងតែមាននៅចុងបញ្ចប់ ទោះបីផ្លូវរូងក្រោមដីក៏ដោយ។

២. Shailesh Date ស្ថាបនិកនិងជានាយកប្រតិបត្តិនៃក្រុមហ៊ុន LRC Systems

ដើម្បីប្រយុទ្ធប្រឆាំងនឹងការគិតអវិជ្ជមាន អាចថាជារឿងពិបាកបំផុត ព្រោះយើងមិនដឹងថាគួរធ្វើយ៉ាងម៉េចឬបន្តយ៉ាងណា។

ប៉ុន្តែខ្ញុំជ្រើសយកការនៅក្បែរមិត្តភក្ដិនិងក្រុមគ្រួសារ ដែលអាចស្ដាប់និងរីករាយផ្ដល់នូវទស្សនៈមានប្រយោជន៍ដល់ខ្ញុំ។

៣. Emmalyn Shaw ដៃគូគ្រប់គ្រងនៅ Flourish Networks

ខ្ញុំតែងតែរំលឹកខ្លួនឯងពីអំណាចនៃការដឹងគុណ។ ពេលខ្លះនៅពេលភាពធ្វេសប្រហែសកើតឡើង ខ្ញុំបញ្ឈប់ខ្លួនឯងសិន ហើយដកដង្ហើមវែងៗ និងរកមើលការយកចិត្តទុកដាក់ខាងក្នុងរបស់ខ្ញុំចំពោះគ្រួសារនិងសមត្ថភាពក្នុងការជួយអ្នកដទៃ។

នេះជាការក្រើនរំលឹកនៃការដឹងគុណដែលខ្ញុំប្រយុទ្ធប្រឆាំងនឹងគំនិតអវិជ្ជមាន ហើយរក្សាស្នាមញញឹមដែលខ្ញុំត្រូវការ ដើម្បីព្យាយាមធ្វើការផ្លាស់ប្ដូរពិតប្រាកដនៅក្នុងពិភពលោក។

៤. Damien Lee ស្ថាបនិកផលិតគ្រឿងឧបភោគបរិភោគលោក Lee

ការគិតអវិជ្ជមាន មិនមែនជាអាកប្បកិរិយាដែលខ្ញុំលើកស្ទួយនោះទេ។ ផ្លាស់ប្ដូរការផ្ដោតអារម្មណ៍នៃគំនិតរបស់យើងជាមុនសិន ទើបអាចផ្លាស់ប្ដូរទស្សនៈនិងអាកប្បកិរិយារបស់យើងបាន។

ខ្ញុំមានទំនោរមើលទៅផ្នែកវិជ្ជមាននៃរឿង និងមើលឧបសគ្គដែលជាស៊េរីនៃការប្រកួតប្រជែង ដើម្បីរុករកយកភាពឈ្នះ៕

ប្រែសម្រួល៖ សាង ស្រីល័ក្ខ

ប្រភព៖ success

ចុចអាន៖ ហេតុផល ៣ យ៉ាងដែលអ្នកមិនអាចព្រងើយកន្តើយ ចំពោះបញ្ហាសុខភាពផ្លូវចិត្ត

ចុចអាន៖ ព្រឹកនេះ ជីវិតអ្នកផ្លាស់ប្តូរហើយក្រោយពេលអានអត្ថបទខាងក្រោម!