KPT+

ឈប់បារម្ភ! ទោះវ័យ ៣០ ឆ្នាំគ្មានលុយនិងឋានៈ ក៏មិនប្រាកដថាបរាជ័យដែរ

បានផុស

៥ years មុន

នៅ

ថ្ងៃអង្គារ ១៦ កុម្ភៈ ២០២១

ដោយ

Sonya

ភាគច្រើននៃយុវវ័យបច្ចុប្បន្ន ចំណាយវ័យពី ២៥ ទៅ ៣០ ឆ្នាំដោយគិតព្រួយបារម្ភពីជោគជ័យក្នងជីវិត មុខរបរអាជីព កេរ្ត៍ឈ្មោះ ដែលជាផ្នែកមួយដែរក្នុងការនាំទៅរក Depression។

LifeSearch បង្ហាញតួលេខថា ៧៧% នៃអ្នកដែលមានអាយុ ក្បែរ ៣០ ឆ្នាំព្រួយបារម្ភ “គ្រប់ពេលវេលា” ថា មិនមានអ្វីគ្រប់យ៉ាងតាមវ័យដែលចម្រើនមិនឈប់ឈរ ខ្លួនកាន់តែចាស់ទៅ ហើយនឹងមានអ្នកចាប់ផ្តើមនិយាយពីក្រោយខ្នង លើរឿងជោគជ័យឬអស់សង្ឃឹមក្នុងជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អានហេតុផលដែលយើងគួរតែ កុំបារម្ភពេក!

១ អាយុ៣០វាមិនមែនគ្រាន់តែជាសញ្ញានៃការចាប់ផ្តើមថ្មីទេ តែវាជាការពេញប្រៀបដោយបទពិសោធន៍ និង សក្តានុពល នៃប្រាជ្ញា ការអត់ធ្មត់ ការបន្សាំ និងភាពបត់បែន។ ទោះមិត្តភក្តិយើងមានផ្ទះ មានឡាន មានបុណ្យសក្តិ ជាងយើង គេប្រហែលជាបានមកលឿនជាងយើង តែក៏ប្រហែលជាមិនបានការអត់ធ្មត់ ការបន្សាំ និងភាពបត់បែនច្រើនជាងយើងនៅឡើយ។ ជីវិតកម្របានអ្វីពីរយ៉ាងល្អៗមកក្នុងពេលតែមួយណាស់។ ចង់បានបទពិសោធន៍ លើផ្លូវដែលក្រាលដោយកុលាប មិនអាចទេ ! ការតស៊ូ និងការលំបាកនាំមកនូវបទពិសោធន៍និងភាពរឹងមាំ ភាពងាយស្រួលនិងសំណាងនាំមកនូវសុទិដ្ឋនិយម តែក៏ទន់ខ្សោយក្រអឺតក្រទម។

២ ជាការយល់ខុសដែលយ់ើងបង្ខំខ្លួនឯងឱ្យជឿថា មានពេលវេលាកំណត់មួយ ហើយរត់តាមវា។ អារម្មណ៍ថា “ ខ្ញុំជិតអស់ពេលហើយ” ជាគំនិតមនុស្សបរាជ័យ ចំណែកមនុស្សដែលត្រៀមនឹងទទួលបានអ្វីៗគ្រប់យ៉ាង គឺតែងតែរកឃើញឱកាស ក្នុងគ្រប់កាលៈទេសៈលំបាកណាក៏ដោយ។ ការថប់បារម្ភអាចកើតឡើង នៅពេលយើងវាស់វែងខ្លួនយើង និងសមិទ្ធិផលរបស់យើង ដោយផ្សារភ្ជាប់នឹង“ បទដ្ឋានសង្គម” តែបើយើងវៃឆ្លាត គួរប្រៀបធៀបជាមួយជំនាន់អ្នកមុន ឬខ្លួនយើងពីមុនវិញ។

៣ ជីវិតម្នាក់ៗមានគំនូសខុសគ្នាតែសុភមង្គលជាទិសដៅរួម។ វាមិនអីទេ ប្រសិនបើយើង មិនមានបានខ្លាំង នៅក្នុងវ័យ ៣០ ប៉ុន្តែយើងបានធ្វើលទ្ធផលច្រើនជាប្រយោជន៍ដែរទេ? មិនចាំបាច់មានការងារក្នុងក្តីសុបិន ផ្ទះឬដៃគូជីវិតនៅឡើយ ដោយសារតែអ្វីៗមិនមានដំណើរការលឿន ដូចដែលធ្លាប់បានសង្ឃឹម តែក៏មិនមានន័យថា ធ្វើមិនបានរហូតនោះទេ។

ចូររីករាយនឹងអ្វីដែលធ្វើបាន ហើយកំពុងបន្តដំណើរទៅ។ សប្បាយចិត្តគឺជាសុភមង្គល មានសុភមង្គល គឺជាជីវិតដ៏ល្អមួយ។ ពេញចិត្តនឹងខ្លួនឯង ថាអ្នកជានរណា ព្រោះយើងមិនកើតមក ដើម្បីប្រដូចឬធ្វើឱ្យដូចអ្នកណាផ្សេងទេ!