Connect with us

KPT+

មេរៀនជីវិត គ្រប់គ្នាអាចរៀនសូត្រពីបុរសពិការដៃជើង Nick Vujicic តែមិនពិការចិត្តគំនិត

បានផុស

នៅ

លោក​ នីក​ (Nick Vujicic)​ សញ្ជាតិ​អូស្រ្តាលី ដែល​មាន​ឈ្មោះ​ពេញ​ថា​ Nicholas James Vujicic ប្រិយមិត្ត​ខ្លះ​ប្រាកដ​ជា​ធ្លា​ប់​ដឹង ធ្លាប់​បាន​ឮ​ពី​លោក ដែល​ជា​បុរស​ដែល​កើត​មក​ពុំ​មាន​ដៃ​ជើង​គ្រាប់​គ្រាន់ ប៉ុន្តែ​លោក​នៅ​តែ​រស់​នៅ​ប្រកប​ដោយ​ក្តី​សង្ឃឹម​ក្នុង​ជីវិត ហើយ​ជា​បុគ្គល​និយាយ​បំផុស​គំនិត ​(Motivational Speaker) ដ៏​ល្បី​មួយ​រូប​ទៀត​ផង ​។ ទោះ​បី​ជួប​ឧបសគ្គ​ជីវិត​លំបាក​ពិការ​ដៃ​ជើង​យ៉ាង​ណា​ក្តី ក៏​បុ​រស​រូប​នេះ​នៅ​តែ​ជម្នះ​ឧបសគ្គ​បាន ហើយ​ខាង​ក្រោម​នេះ​ ជា​ចំណុច​ដែល​ជា​មេរៀន​អាច​ឲ្យមនុស្ស​គ្រប់​គ្នា​អាច​រៀន​សូត្រ​ពី​លោក​បាន​៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.​យល់​ និ​ង​ទទួល​ស្គាល់​ថា​ជីវិត​មាន​ឧ​បសគ្គ

Nick ​ទទួល​ស្គាល់​ថា​វា​ពុំ​មែន​ជា​រឿង​ងាយ​ស្រួល​ឡើយ​ដែល​កើត​មក​មាន​ពិការ​ភាព​ដូច​លោក​។ លោក​សឹង​តែ​មិន​សប្បាយ​ចិត្តគ្មានលោះពេល ហើយ​ក៏​ធ្លាប់​បម្រុង​នឹង​បញ្ចប់​ជីវិត​ខ្លួន​ឯង​ទៅ​ទៀត​កាល​នៅ​ជា​កុមារ​។ ប៉ុន្តែ​នៅ​ពេល​ដែល​លោក​បាន​យល់ ហើយ​ទទួល​យក​ស្ថាន​ភាព​របស់​គាត់ លោក​បាន​ផ្លាស់​ប្តូរ​កា​រគិត និង​ក្លាយ​ខ្លួន​ជា​មនុស្ស​គិត​វិជ្ជមាន​រហូត​មក​។ ដូច្នេះ ក្នុង​ជីវិត​រស់​នៅ គឺ​មាន​រឿង​ខ្លះ​ដែល​ជា​ឧបសគ្គ​ធំ​ក្នុង​ជីវិត​របស់​យើង ដែល​តម្រូវ​ឲ្យយើង​រៀន​ទទួល​ស្គាល់ ​ប៉ុន្តែ​វា​ពុំ​មែន​មាន​ន័យ​ថា វា​អាច​ធ្វើ​ឲ្យដំណើរ​ជីវិត​ជាប់​គាំង​រហូត​នោះ​ទេ ពោល​គឺ​អ្នក​អាច​ទទួល​ក្នុង​ដំណើរ​ជីវិត​ហើយ​ធ្វើ​អ្វី​ដែល​អាច​ធ្វើ​បាន​។

២. អ្នក​ជា​អ្នក​កំណត់​សមត្ថភាព​ខ្លួនឯង

ទោះ​បី​ Nick​ កើត​មក​គ្មាន​ដៃ​ជើង​ប៉ុន្តែ​លោក​មិន​ដែល​ឲ្យពាក្យ​ថា ​“គ្មាន​” នោះ​មក​កំណត់​អ្វី​ដែល​លោក​អាច​ធ្វើ​បាន​នោះ​ទេ​។ ផ្ទុយ​នឹង​ពិការ​ភាព​ដៃ​ជើង​ Nick នៅ​តែ​អាច​ធ្វើ​អ្វី​បាន​ដូច​មនុស្ស​ទូទៅ​ដែល​មាន​កាយ​សម្បទា​គ្រប់​គ្រាន់​ដែរ សូម្បី​តែ​ការ​ហែល​ទឹក​ ឬ​ជិះ​ក្តារ​រលក​ជា​ដើម ក៏​លោក​អាច​ជម្នះ​ហើយ​ធ្វើ​បាន​។ លោក​ដឹង អ្វី​ដែល​លោក​អាច​ធ្វើ​បាន​ និង​អ្វី​ដែល​លោក​មិន​អាច ហើយ​សម្រេច​បាន​អ្វី​ដែល​លោក​អាច​ធ្វើ​បាន​។ វា​ជា​ជម្រើស​ក្នុង​ការ​កំណត់​សមត្ថភាព​របស់​ខ្លួន​ហើយ​វា​ជា​អ្វី​ដែល​ Nick ​ជឿ​ជាក់​ ។

៣​. អ្នក​តែង​តែ​មាន​ជម្រើស

នៅ​ក្នុង​ជីវិត យើង​តែ​មាន​ជម្រើស​ច្រើន។ រៀង​រាល់​ថ្ងៃ​យើង​ធ្វើ​ការ​សម្រេច​ចិត្ត ហើយ​សម្រាប់​ជម្រើស ដែល​យើង​ជ្រើស​រើស​អាច​ធ្វើ​ឲ្យ​ជីវិត​យើង​ធ្លាក់​ចុះ ប្រសិន​បើ​យើ​ង​បណ្តែត​បណ្តោយ​តាម​។ ដូច​នេះ​ Nick​ តែង​តែ​និយាយ​ថា លោក​តែង​មាន​ជម្រើស គឺ​ថា​លោក​គួរ​មិន​សប្បាយ​នឹង​ជីវិត​របស់​លោក​ដែល​ជួប​ស្ថាន​ភាព​ពិការ​ភាព ​ប៉ុន្តែ​លោក​បាន​ជ្រើស​រើស​នូវ​អ្វី​ដែល​លោ​ក​មាន ហើយ​រីករាយ​នឹង​អ្វី​ដែល​លោក​អាច​ធ្វើ​បាន​នោះ​។

៤​. អនុវត្ត​សកម្មភាព

Nick​ ជា​មនុស្ស​ម្នាក់​ដែល​គាំ​ទ្រ​ការ​មាន​ក្តី​សុបិន​ធំ​ប៉ុន្តែ​គាត់​ពុំ​គ្រាន់​តែ​ចង់ឲ្យគ្រប់​គ្នា​មាន​ក្តី​ស្រមៃ​ធំ​នោះ​ទេ គឺ​លោក​ជមរុញឲ្យគ្រប់​គ្នា​ធ្វើ​អ​នុវត្ត​ជា​សកម្មភាព​ផង​ដែ​រ​ ។ ពួក​យើង​អាច​បណ្តែត​បណ្តោយ​តាម​ស្ថាន​ភាព​ដែល​កំណត់​មក​លើ​យើង ប៉ុន្តែ​យើង​មិន​ដឹង​អ្វី​ដែល​យើង​អាច​ជម្នះ​ និង​សម្រេច​បាន ដរាប​ណា​យើង​អនុវត្ត​សកម្មភាព ​។ ពួក​យើង​ចង់​ធ្វើ​ការ​ផ្លាស់​ប្តូរ​ហើយ​បួង​សួង​សម្រាប់​ការ​ផ្លាស់​ប្តូរ​នោះ ប៉ុន្តែ​បើ​យើង​មិន​មាន​សកម្មភាព ក៏​គ្មាន​អ្វី​ទៅ​ផ្លាស់​ប្តូរ​បាន​ដែរ​។

.​កុំ​បោះ​បង់

នៅ​ក្នុង​ជីវិត យើង​តែង​មា​ន​ក្តី​សុបិន​ និង​គោល​ដៅ​ដែល​យើង​ចង់​សម្រេច​បាន ​។ តែ​យ៉ាង​ណា​ក្តី​យើង​ច្រើន​តែ​បោះ​បង់​ក្តី​សុបិន​នោះ​ចោល​ត្រឹម​ពាក់​កណ្តាល​ផ្លូវ ដោយ​សារ​វា​ពិបាក​ពេក ឬ​មួយ​យើង​មិន​ជឿ​ជាក់​លើ​ខ្លួន​ឯង​ថា​អាច​សម្រេច​បាន​។ ពេល​ខ្លះ​យើង​បាន​បោះ​បង់​ចោល​វា​នៅ​ត្រឹម​ចំណុច​មួយ​ដែល​ត្រូវ​ការ​ឲ្យយើង​ព្យាយាម​ម្តង​ទៀត​ហើយ​មិន​បោះ​បង់​ប៉ុណ្ណោះ​។

លោក​ Nick បាន​លើក​ឡើងថា “​បើ​ខ្ញុំ​បរាជ័យ ខ្ញុំ​ព្យាយាម​ម្តង​ទៀត​ហើយ​ម្តង​ទៀត និង​ម្តង​ទៀត​” ​។ មុន​ពេល​មាន​ឱកាស​អាច​និយាយ និង​ជំរុញទឹក​ចិត្ត​មនុស្ស​ជា​ច្រើន​លាន​នា​ក់​លើ​ពិភព​លោក Nick ធ្លាប់​បាន​គេ​បដិសេធ​ជាង ​៥០ ​ដង ប៉ុន្តែ​តែ​លោក​នៅ​តែ​ជម្នះ​បាន​ ។

៦​. ពួក​យើង​ល្អ​គ្រប់​គ្រាន់

ភាគ​ច្រើន យើង​អនុញ្ញាត​ឱ្យ​កាលៈ​ទេសៈ​ជុំ​វិញ​ខ្លួន​មក​កំណត់​ជីវិត​ខ្លួន ​។ នៅ​ពេល​ដែល​យើង​ដាក់​គោល​ដៅ​ថា​ទៅ​សម្រេច​អ្វីមួយ គឺ​តែង​មាន​សម្លេង​ខ្លះ​ម​ក​ថា “អ្នក​នៅ​មិ​ន​ទាន់​ល្អ​គ្រប់​គ្រាន់​ទេ” ឬ “អ្នក​ក្មេង​ពេក ចាស់​ពេក​”​ ។ ប៉ុន្តែ​ងាក​មក​មើល Nick​ លោក​បាន​ជម្នះ​ឧបសគ្គ​ជា​ច្រើន យើង​អាច​ឃើញ​ថា លោក​មិន​អាច​ឲ្យពិការ​ភាព​មក​ជម្នះ​លើ​គាត់​បាន​នោះ​ទេ ​។

ឧបសគ្គ​ក្នុង​ជីវិត​រ​បស់​យើង គឺ​ដើម្បី​ពង្រឹង​ជំនឿ​ជឿ​ជាក់​លើ​ខ្លួន​ឯង​​និង​ពុំ​មែន​ដើម្បី​ឲ្យយើង​ចុះ​ចាញ់​នោះ​ទេ…វា​ជា​ការ​កុហក​ដែល​គិត​ថា​អ្នក​មិន​ល្អ​គ្រប់​គ្រាន់​ ហើយ​វា​ជា​ការ​កុហក​ដែល​គិត​ថា​អ្ន​ក​មិន​មាន​តម្លៃ​អ្វី​នោះ​” Nick បាន​លើក​ឡើង​ ។

.​ហ៊ាន​ទទួល​បរាជ័យ

ដើម្បី​ទទួល​ជោគជ័យ​ក្នុង​ជីវិត យើង​ត្រូវ​តែ​ទទួល​យក​ហានិភ័យ​ខ្លះ​ព្យាយាម​បន្ថែម និង​ទទួល​ស្គាល់​ថា​បរាជ័យ​គឺ​ជា​ផ្នែក​មួយ​នៃ​ភាព​ជោគជ័យ​។ ប្រសិន​បើ យើង​ជួប​ឧបសគ្គ​ ឬ​ដំណើរ​ថយ​ក្រោយ​នៃ​ជីវិត អ្នក​អាច​ប្រើ​ប្រាស់​នូវ​ចំណុច​ទាំង​នោះ ដើម្បី​រក​មើល​ថា​អ្វី​ជា​កំហុស ​ហើយ​អ្នក​អាច​ព្យាយាម​កែ​ប្រែ​វា​ជា​ថ្មី​នៅ​លើក​ក្រោយ​ ៕

ដោយ​៖ មាន រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៥ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៦ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៧ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៧ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៨ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៩ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៥ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ២១ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ១០ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២០ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម