តារាម៉ូដែលចាស់ជាងគេលើលោក Daphne ប្រាប់ អាថ៌កំបាំងធ្វើឲ្យសម្រស់ក្មេង និងឆ្អឹងរឹងមាំ

ក្នុងឆ្នាំ ២០១៤​ Daphne Selfe ត្រូវបានទទួលស្គាល់ជាផ្លូវការដោយ Guinness ថា ជាតារាម៉ូដែលចាស់ជាងគេលើពិភពលោក ​។ គាត់មិនចូលនិវត្តន៍ដូចមនុស្សចាស់ផ្សេងទេ ហើយតែនៅតែស្រលាញ់ការងារ​​ ដោយអាចរកប្រាក់បាន ១,០០០ ដុល្លារ/ថ្ងៃ ពីកិច្ចសន្យាផ្សាយពាណិជ្ជកម្ម ទោះបីជាគាត់មានអាយុលើសពី ៩៦ ឆ្នាំក៏ដោយ។

កើត​នៅ​ឆ្នាំ ១០២៨ នៅ​ទីក្រុង​ឡុងដ៍ ប្រទេស​អង់គ្លេស​ គាត់បាន​ចាប់ចិត្តលើអាជីព​​បង្ហាញ​ម៉ូដ​នៅ​អាយុ ២១ ឆ្នាំ។លោកយាយបាននិយាយថា «​ខ្ញុំចាំថាខ្ញុំកំពុងធ្វើការនៅហាងមួយក្នុងទីក្រុង Reading ភាគខាងលិចទីក្រុងឡុងដ៍ ពេលនោះមានកម្មវិធីបង្ហាញម៉ូដ ហើយរង្វាន់សម្រាប់អ្នកឈ្នះគឺនៅលើក្របទស្សនាវដ្តី Reading & Berkshire ហើយខ្ញុំបានឈ្នះ» ។

ក្រោយមកគាត់បានចាប់ផ្តើមវគ្គសិក្សារយៈពេល ៣ ខែដើម្បីក្លាយជាតារាម៉ូដែល។ នៅពេលនោះ ម្តាយរបស់គាត់គឺជាមនុស្សដែលមានការគាំទ្រច្រើនជាងគេ ព្រោះគិតថានេះជារឿងល្អសម្រាប់កូនស្រីរបស់ខ្លួនក្នុងការបន្តចំណង់ចំណូលចិត្តទៅមុខបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់មក គាត់ចាប់ផ្តើមបង្កើតអាជីពផ្ទាល់ខ្លួន ហើយមានឱកាសធ្វើការជាមួយម៉ាកល្បីៗជាច្រើនដូចជា Olay, Eyeko, Dolce&Gabbana ហើយបានបង្ហាញខ្លួនជាច្រើនដងនៅលើក្របទស្សនាវដ្តី Vogue ដ៏ល្បីល្បាញក្នុងរយៈពេល ៧០ឆ្នាំមកហើយ។

ត្រូវបានគេស្គាល់ថាជាតារាម៉ូដែលជើងចាស់នៅក្នុងឧស្សាហកម្មម៉ូដអន្តរជាតិ លោកយាយ Selfe គឺជាភស្តុតាងនៃការរស់នៅដែលថា អាយុគ្រាន់តែជាតួលេខប៉ុណ្ណោះ។ ការ​រក្សា​ទម្លាប់​ល្អ​ នឹង​ជួយ​អ្នក​រក្សា​សម្រស់​មិន​ថា​ពេល​ណា​ក៏​ដោយ។

ដោយធ្វើការចែករំលែកនៅក្នុង The Telegraph ស្ត្រីចំណាស់ម្នាក់នេះបានបង្ហាញអាថ៌កំបាំងនៅពីក្រោយរូបរាងវ័យក្មេងនិងភ្លឺថ្លារបស់គាត់ប្រាប់ទៅកាន់អ្នកគាំទ្រ។ ក្រៅពីទម្លាប់ដូចជាឧស្សាហ៍ហាត់យូហ្គាជារៀងរាល់ព្រឹក គាត់តែងទេនិយាយថាទេ ចំពោះថ្នាំជក់ កំណត់អាហារកែច្នៃ និងផឹកទឹកឲ្យបានច្រើន។

តារាម៉ូដែល Selfe បាននិយាយបន្ថែមទៀតថា នាងក៏យកចិត្តទុកដាក់ជាពិសេសក្នុងការញ៉ាំប្រូខូលី ដែលជាអាហារកំពូលទាំង ១០ របស់ពិភពលោក ដែលទទួលស្គាល់ដោយសាកលវិទ្យាល័យហាវ៉ាដផងដែរ។

មិនត្រឹមប៉ុណ្ណឹងទេ ផ្កាខាត់ណាខៀវមានសារធាតុចិញ្ចឹមរាប់មិនអស់ និងសារធាតុប្រឆាំងអុកស៊ីតកម្មដែលគាំទ្រទិដ្ឋភាពជាច្រើននៃសុខភាពមនុស្ស។ ជាពិសេសវាជួយប្រឆាំងមហារីក មិនថាក្រពេញប្រូស្តាត មហារីកសុដន់ មហារីកពោះវៀនធំ មហារីកមាត់ និងមហារីកប្លោកនោម។ ជួយកាត់បន្ថយជាតិស្ករក្នុងឈាម, គាំទ្រការរំលាយអាហារ, ប្រឆាំងភាពចាសនិង លើកកម្ពស់សុខភាពឆ្អឹងឲ្យរឹងមាំ៕

អត្ថបទ៖ សាង ស្រីល័ក្ខ

ចុចអាន៖តារា ចិន ​៥ ​រូប ​ប្រាប់អាថ៌កំបាំង​រាង​ស្លីម​មិនប្រែទៅណា ក្នុងវ័យ​​ក្រោម​៤០​ឆ្នាំ