KPT+

បច្ចេកទេសទាំងបួន កាត់បន្ថយស្ត្រេសពេលធ្វើការអនឡាញក្នុងវិបត្តិកូវីដ

បានផុស

៥ years មុន

នៅ

ថ្ងៃអង្គារ ១៦ មីនា ២០២១

ដោយ

ធ្វើការពីផ្ទះស្រាប់តែ ឈឺក្បាល ចុកស្មា រោយសាច់ដុំ មានបញ្ហាគេងមិនលក់ ? បច្ចេកទេសខាងក្រោម ជាគន្លឹះតាមបែបវិទ្យាសាស្ត្រដើម្បីកាត់បន្ថយភាពតានតឹងពេលធ្វើការអនឡាញក្នុងវិបត្តិកូវីដ។

១ គេង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់អនុវត្តិ ការគេងសម្រាក ឲ្យបានយ៉ាងហោចណាស់ ២០ នាទីក្នុងមួយថ្ងៃៗ ចន្លោះពីពេលបាយដល់ចូលធ្វើការវិញ កុំសម្រាកដោយលេងទូរសព្ទ។ ការសិក្សាស្រាវជ្រាវថ្មីបង្ហាញថា រាល់វេលាថ្ងៃត្រង់ ដែលបានបាត់បង់ដោយមិនបានធ្មេចសូម្បីមួយស្រឡេត គឺស្មើនឹងមិនបានសម្រាក។ ប្រការនេះ មិនត្រឹមធ្វើឲ្យអ្នកបាត់បង់ថាមពលពេញមួយរសៀលទេ ព្រមទំាងមានភាពតឹងតែងអារម្មណ៍ខ្លាំងនៅពេលល្ងាច។ ចូរកំណត់ម៉ោងរោទិ៍ និងត្រូវក្រោកក្រោយពេលធ្មេចមិនឱ្យលើសពី៣០នាទី។

ការគេងបន្តិចនៅចន្លោះពេលថ្ងៃ អាចធ្វើឱ្យអ្នកក្លាយជាអ្នកដឹកនាំដ៏រឹងមាំ និងមិនងាយមានស្ត្រេស។

២ បង្កើនចលនា

ហោចណាស់ ៥ នាទីក្នុងម្តង ដែលគួរតែធ្វើចលនាដោយក្រោកដើរឬរត់។ បើមិនអាចធ្វើលំហាត់ប្រាណតាមកាលវិភាគដ៏មមាញឹកនិងទំនួលខុសត្រូវដ៏ធំបានទេ គ្រាន់តែឈប់សម្រាកហើយដើរលឿនៗ លោតចុះឡើង ៥នាទីម្តងរវាងចន្លោះពីម៉ោងៗ អាចមានឥទ្ធិពលវិជ្ជមានភ្លាមៗទៅលើកម្រិតស្ត្រេស និងភាពច្នៃប្រឌិតនៃផលិតភាពរបស់អ្នក។

ផលល្អនឹងបានកាន់តែច្រើនប្រសិនបើអ្នកដើរជុំវិញដើមឈើបៃតងឬសួនផ្កា ដែលមានភាពត្រជាក់ត្រឈុំត្រឈៃ។ ការហាត់ប្រាណពុំមែនសំដៅតែលើរាងកាយស្អាតទេ គឺដ់ើម្បីបន្តបណ្តុះគំនិតដែលភ្លឺស្វាង និងមិនចេះខ្វះកម្លាំងចិត្ត។

មនុស្សជាច្រើនយល់ខុសថា រាល់ការហត់បែកញើសជាការហាត់ប្រាណ ។ ពិតណាស់វាសម្រកខ្លាញ់ ខ្លះតែមិនបានកាត់បន្ថយស្ត្រេស និងភាពច្របល់នៃសសៃឈាមនិងបេះដូងឡើយ។

៣- បង្កើនការចងចាំ

ប្រើ់ពេលត្រឹម១ នាទីនិង៣ដងក្នុងមួយថ្ងៃ ដាក់កម្មវិធីធ្វើសមាធិ ។ អង្គុយសមាធិ បិទទូរសព្ទ ម្តងមួយនាទីទៅ២នាទី ដោយគ្មានការគិតអ្វីទំាងអស់ សម្អាតក្បាលឱ្យទទេស្អាត ស្រាល និងងោគងុយ ស្លុង ធ្វើបានត្រឹម១សប្តាហ៍ នឹងបានឃើញថា ការឈឺចាប់ក្នុងទ្រូង ស្មា និងក្បាល រលាយបាត់ឯង ។

ពេលសមាធិល្អបំផុត គឺមុនចូលធ្វើការ ពេលរសៀលម៉ោងបី និងមុនពេលគេងយប់ឡើង។

៤ ប្រើអាហារល្អបំផុតដែលមិនបាច់មានរសជាតិ

អាហារកាន់តែគ្មានជាតិផ្អែម ជូរ ប្រៃ គឺជាអាហារសុខភាព។ ប្រសិនអ្នកនៅទម្លាប់ហូបឆ្ងាញ់ដោយគ្រឿងទេស មិនមែនដោយសារត្រីសាច់ បានន័យថា អ្នកជាក្រុមគោលដៅនៃការលើសជាតិស្ករ អំបិល និងខ្លាញ់។ រោគសញ្ញាដំបូងនៃអាការៈហូបឆ្ងាញ់ព្រោះគ្រឿងទេស គឺ ធាត់ពេក ស្គមពេក ស្ត្រេស មិនសូវមានការច្នៃប្រឌិត និងគ្មានផលិតភាពការងារស្មើអ្នកផ្សេងដែលគេមានរបបអាហារមានវិន័យ។

មនុស្សជាច្រើន ពិសេសនៅប្រទេសក្រីក្រ បែរជាចាប់យកវិធីហូបឆ្ងាញ់តែមិនមែនហូបដើម្បី សុខភាពឡើយ។

ការញាំទឹកក្តៅ និងទឹកសាបដែលគ្មានផ្ទុកទឹកកក ជួយបំបាត់អាការៈឈឺចាប់សាច់ដុំ សសៃ និងសន្លាក់បានយ៉ាងមានប្រសិទ្ធិភាព។ កុំទោមនស្សអំពីសុខភាពរបស់អ្នក ព្រោះវាជាផលបានមកពីការបរិភោគរបស់អ្នកផ្ទាល់។

ប្រែសម្រួល៖ ចម្រើនតារា

ចុចអាន៖ឈឺក្បាលនឹងទទួលព័ត៌មានក្លែងក្លាយពីកូវីដ នេះវិធីងាយៗមិនឲ្យស្ត្រេសខ្លាំង

ចុចអាន៖គ្រប់គ្នាគួរដឹង ព័ត៌មានណាពិតឬមិនពិតទាក់ទងកូវីដ មុនចែកចាយបន្ត

Related Topics:ធ្វើការពីផ្ទះ