KPT+

គ្រប់គ្នាគួរដឹង ព័ត៌មានណាពិតឬមិនពិតទាក់ទងកូវីដ មុនចែកចាយបន្ត

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

ការទទួលបានព័ត៌មានទាន់ហេតុការណ៍ គឺជារឿងមួយដែលល្អ ប៉ុន្តែបើទទួលបានព័ត៌មានមិនពិត ក៏អាចបង្កឲ្យយើងស្មុគស្មាញ ភ័យខ្លាច និងស្រ្តេសកាន់តែខ្លាំង។

ធ្វើបែបណាទើបអាចបញ្ឈប់ការចែកចាយព័ត៌មានក្លែងក្លាយបាន?

១ មុនចែកចាយបន្តគួរគិតសិន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្នមានព័ត៌មានជាច្រើនទាក់ទងនឹងជំងឺកូវីដ បានចែកចាយជារៀងរាល់ថ្ងៃលើប្រព័ន្ធអ៊ិនធើណេត តាមបណ្ដាញសង្គមនិងជាពិសេសការនិយាយតៗគ្នា។

យើងអាចនឹងចង់ចែកចាយព័ត៌មានទាំងនោះ លើគណនីផ្ទាល់ខ្លួន ទៅគ្រួសារឬមិត្តភ័ក្ដិជាដើម។ ប៉ុន្តែក្នុងនោះអាចជាព័ត៌មានមិនពិតឬមិនច្បាស់ការផងដែរ។ ដូចនេះហើយ មុនចែករំលែកយើងគ្រប់គ្នាគប្បីគិតឲ្យបានល្អិតល្អន់សិនថា ព័ត៌មាននោះពិតទេ ជាក់លាក់ទេ មានប្រយោជន៍ដល់មិត្តក្នុងបណ្ដាញសង្គមដែរទេ ហើយជួយអីបានខ្លះ។ ល ។

ត្រូវចងចាំថា អ្វីដែលយើងចែកចាយត្រូវបន្ត ត្រូវមានភាពប្រាកដប្រជានិងទំនួលខុសត្រូវ។

២ ពិនិត្យប្រភពដើម

មុនចែកចាយបន្តគួរសួរខ្លួនឯងខ្លះៗសិនថា តើព័ត៌មានទាំងនោះមានប្រភពមកពីស្ថាប័នណា អាចទុកចិត្តបានទេ ឬយើងបានលឺពីមិត្តពីបងប្អូនសាច់ញាតិ ហើយនោះជាព័ត៌មានផ្លូវការទេ។

ព័ត៌មានខ្លះដែលយើងទទួលបាន អាចជាការបោកបញ្ឆោតធ្វើឲ្យមានគ្រោះថ្នាក់ដល់យើងនិងអ្នកជុំវិញខ្លួនជាដើម។ បើទោះបីជាព័ត៌មានខ្លះចេញមកផ្លូវការក៏ដោយ យើងគប្បីចូលទៅពិនិត្យប្រភពដើមសិន ដើម្បីឲ្យកាន់តែច្បាស់លាស់ថែមទៀត។

៣ ពិនិត្យចំណុចនីមួយៗឲ្យបានល្អិតល្អន់

រឿងរ៉ាវខ្លះដែលបានចែកចាយតៗគ្នា អាចលាយឡំរវាងព័ត៌មានពិតនិងព័ត៌មានក្លែងក្លាយ។ ដូច្នេះនៅពេលយើងទទួលបានដំណឹងពីការណែនាំមួយចំនួនពីកូវីដ យើងគួរពិនិត្យនិងស្រាវជ្រាវបន្ថែមនៅចំណុចនីមួយៗឲ្យបានច្បាស់លាស់ មុននឹងយកទៅអនុវត្តនិងចែកចាយបន្តទៀត។

ត្រូវចាំថា ជំងឺកូវីដគឺកាចសាហាវ តែការចែកចាយព័ត៌មានមិនពិតគឺរឹតតែអាក្រក់និងសាហាវជាងជំងឺទៅទៀត។ វាអាចបង្កគ្រោះថ្នាក់ច្រើន និងផ្ដល់ហានិភ័យខ្ពស់ក្នុងការចំលងជំងឺផងដែរ។ អ្វីដែលអាចធ្វើបាន គឺត្រូវរួមគ្នាបញ្ឈប់ជំងឺកូវីដ១៩ ដោយបញ្ឈប់ការចែកចាយព័ត៌មានមិនពិតមួយចំនួនលើប្រព័ន្ធអ៊ិនធើណេតជាមុនសិន៕

អត្ថបទ៖ សាង ស្រីល័ក្ខ

ចុចអាន៖ស្ត្រីមានផ្ទៃពោះដែលឆ្លងកូវីដមិនមានហានិភ័យខ្ពស់រលូតកូនឡើយ

ចុចអាន៖ស្វែងយល់ អាការនិងប្រតិកម្មលើរាងកាយ ក្រោយចាក់វ៉ាក់សាំងរួច

Related Topics:ព័ត៌មានទាន់ហេតុការណ៍