KPT+

ប្រើទូរសព្ទច្រើននៅពេលយប់ អាចប៉ះពាល់ដល់គុណភាពដំណេក

បានផុស

៣ years មុន

នៅ

ថ្ងៃសៅរ៍ ៣ មេសា ២០២១

ដោយ

ទូរសព្ទជាផ្នែកមួយដ៏សំខាន់ក្នុងជីវិតប្រចាំថ្ងៃនាពេលបច្ចុប្បន្ននេះ គឺជួយសម្រួលកិច្ចការងារជាច្រើនសម្រាប់យើង។ ប៉ុន្តែទន្ទឹមនឹងគុណសម្បត្តិ ទូរសព្ទក៏មានគុណវិបត្តិច្រើនដូចគ្នា ពិសេសបើយើងប្រើប្រាស់វាច្រើននៅពេលយប់ នឹងធ្វើឲ្យគុណភាពដំណេកយើង កាន់តែចុះខ្សោយ។ ចង់ដឹងថា ចុះខ្សោយយ៉ាងម៉េចខ្លះ អត្ថបទខាងក្រោមនេះនឹងបញ្ជាក់ប្រាប់។

១- ធ្វើឲ្យយើងមិនងាយងងុយគេង

Teenagers 'checking mobile phones in night' - BBC News

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាទៅលើអ្នកចូលរួមដែលនិយមលើការអានបែបអេឡិចត្រូនិកមុនពេលចូលគេង (ដែលឧបករណ៍ទាំងនេះ មានបញ្ចេញបន្លឺពណ៌ខៀវ ដូចគ្នាទៅនឹងអេក្រង់ទូរសព្ទ ថេបផ្លេត) គឺពន្យារពេលងងុយគេងរបស់យើងប្រមាណជាង ១០នាទី បើធៀបទៅនឹងគ្នាយើងដែលអានសៀវភៅធម្មតា។ នៅពេលយើងព្យាយាមមិនមើលទូរសពទ្ទ ទូរទស្សន៍មុនចូលគេ យើងនឹងសង្កេតឃើញថា មានអារម្មណ៍ងងុយគេង និងការគេងលក់មានសភាពល្អឡើងវិញ។

២- ប៉ះពាល់មុខងារ REM នៃការគេង

Oral Appliance for Sleep Apnea - Boston, MA - Drs. James & Brett Stein

មុខងារ REM នៃដំណេក គឺជាដំណាក់កាលនៃការគេងរបស់យើង ដែលរាងកាយ និងខួរក្បាលត្រូវការបង្កើនថាមពលឡើងវិញ។ មុខងារនេះ គឺជួយឲ្យការចងចាំយើងបានល្អ មានទំនាក់ទំនងជាមួយនឹងភាពច្នៃប្រឌិត ងាយដោះស្រាយបញ្ហាចំពោះមុខ។ បើសិនជាមុខងារនេះដំណើរការមិនបានល្អ អាចនឹងធ្វើឲ្យយើងងីងើនៅព្រឹកបន្ទាប់ និងពិបាកផ្ចង់អារម្មណ៍។

៣- ធ្វើឲ្យងាយភ្ញាក់ពីដំណេក

Premium Photo | Asian teenage girls lie smart phone on line in the night on the bed at home

ដេកអានអ្វីមួយលើទូរសព្ទពេលយប់ ធ្វើឲ្យយើងធូរស្រាលអារម្មណ៍មិនអ៊ីចឹង? ទស្សនៈនេះខុសទាំងស្រុង ដោយអ្នកស្រាវជ្រាវលើកឡើងថា ធ្វើបែបនេះ យើងនឹងមានអារម្មណ៍ប្រុងប្រយ័ត្នខ្ពស់ទៅវិញ ធ្វើឲ្យយើងងាយក្រោកពីដំណេក គេងបានតិច ហើយក៏អាចនាំឲ្យពន្យារពេលចូលគេងកាន់តែយូរ។

យើងប្រហែលជាមានអារម្មណ៍ល្អខ្លាំងនៅពេលអានសៀវភៅ អានយូរទៅទន់ភ្នែក និងបិទភ្លើងគេងលក់មិនខាន ប៉ុន្តបើមើលទូរសព្ទពេលយប់វិញ វានឹងធ្វើឲ្យកាន់តែក្រគេង ឆាប់ភ្ញាក់ ឬបង្ខំខ្លូនឲ្យភ្ញាក់ដើម្បីមើលបន្ត ទាំងពេលក្រោកមានអារម្មណ៍អស់កម្លាំងខ្លាំងក៏ដោយ។

៤- មានអារម្មណ៍ល្វើយខ្លាំង និងមិនសូវស្វាហាប់ពេលក្រោក

Premium Photo | Tired asian woman use phone and drowsy due to work on holidays.

យោងទៅការសិក្សារបស់សាកលវិទ្យាល័យ Harvard អានលើអេក្រង់ទូរសព្ទ ឬថេបផ្លេតមុនចូលគេង នឹងធ្វើឲ្យយើងកាន់តែមានអារម្មណ៍ងីងើ ហើយងងុយគេងខ្លាំងពេលក្រោកនៅពេលព្រឹក។ គ្នាយើងដែលអាចអ្វីមួយលើអេក្រង់ទូរសព្ទរយៈពេលយូរ នឹងធ្វើឲ្យគេងកាន់តែយូរនៅពេលព្រឹកដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ល្បីយូរហើយ! តើពិតអត់ វិទ្យុសកម្មចេញពីទូរស័ព្ទ បង្កជាមហារីក?

ចុចអាន៖ កុំចេះតែដាច់យប់ពេក គេងឲ្យបានគ្រប់គ្រាន់ចៀសវាងបញ្ហាទាំងនេះ