KPT+
កុំចេះតែដាច់យប់ពេក គេងឲ្យបានគ្រប់គ្រាន់ចៀសវាងបញ្ហាទាំងនេះ
យើងដឹងហើយថាការគេងគ្រប់គ្រាន់មានប្រយោជន៍ច្រើនដល់សុខភាព ប៉ុន្តែដោយយើងមានការរវល់ជាមួយនឹងការងារ ការថែទាំកូន ឬកិច្ចការផ្សេងៗអាចធ្វើឲ្យយើងគេងមិនគ្រប់គ្រាន់។ ការគេងមិនគ្រប់គ្រាន់អាចមានផលប៉ះពាល់អវិជ្ជមានច្រើនដល់ផ្នែកផ្សេងៗនៃរាងកាយ។
១. ខួរក្បាល
នៅពេលគេងខួរក្បាលយើងគឺជាផ្នែកមួយដែលសកម្មជាងគេដោយខួរក្បាលដំណើរការព័ត៌មានដែលយើងបានទទួលអំឡុងពេលថ្ងៃ បង្កើតការចងចាំថ្មីៗ ពង្រឹងនូវអ្វីដែលយើងបានរៀន និងបោះបង់នូវអ្វីដែលមិនសំខាន់។ ជាក់ស្ដែង ការគេងមិនគ្រប់គ្រាន់មុនពេលប្រលងតែងប៉ះពាល់ដល់ការប្រលង ព្រោះយើងបានព្យាយាមប្រមូលព័ត៌មាននៅក្នុងខួរក្បាល ប៉ុន្តែខួរក្បាលមិនមានការដំណើរការ និងរក្សាព័ត៌មានទាំងនោះបានល្អឡើយ។ ម៉្យាងទៀត ការគេងមិនគ្រប់គ្រាន់អាចផ្តល់ផលប៉ះពាល់អវិជ្ជមានទៅលើការធ្វើការសម្រេចចិត្ត ដោះស្រាយបញ្ហា និងការគ្រប់គ្រងអារម្មណ៍។
២. ភ្នែក
ការសិក្សាមួយនៅឆ្នាំ២០១៣ បានឲ្យដឹងថាអ្នកដែលគេងមិនគ្រប់គ្រាន់តែងមានត្របកភ្នែកធ្លាក់ ភ្នែកក្រហម ភ្នែកហើម និងមានរង្វង់ខ្មៅក្រោមភ្នែកច្រើនជាងអ្នកដែលបានគេង៨ម៉ោង។ ការគេងមិនគ្រប់គ្រាន់មិនត្រឹមតែប៉ះពាល់លើរូបរាងទេ តែក៏ធ្វើឲ្យសាច់ដុំជុំវិញភ្នែកមិនបានសម្រាកគ្រប់គ្រាន់អាចបង្កឲ្យមានអាការៈកន្ត្រាក់ភ្នែក។ អាការៈនេះមិនមានគ្រោះថ្នាក់ដល់គំហើញទេ ប៉ុន្តែអាចជាការរំខាន។ ក្នុងករណីធ្ងន់ធ្ងរ អាចបង្កឲ្យមានជំងឺទឹកដក់បាតភ្នែក (glaucoma) និង anterior ischemic optic neuropathy (ស្ទះសរសៃឈាមបាតភ្នែក) ដែលទាំងនេះសុទ្ធតែអាចធ្វើឲ្យបាត់បង់គំហើញបាន។
៣. បេះដូង
សម្ពាធឈាមមានការធ្លាក់ចុះអំឡុងពេលគេង ប៉ុន្តែបើគេងមិនគ្រប់គ្រាន់ សម្ពាធឈាមនឹងនៅខ្ពស់ក្នុងរយៈពេលយូរ។ នេះអាចបណ្ដាលឲ្យមានជំងឺលើសសម្ពាធឈាមរ៉ាំរ៉ៃ ហើយក៏អាចបង្កើនហានិភ័យជំងឺបេះដូង និងជំងឺគ្រោះថ្នាក់សរសៃឈាមខួរក្បាល។ ម៉្យាងទៀត ការគេងមិនគ្រប់គ្រាន់អាចប៉ះពាល់ដល់បេះដូងដោយប្រយោលដោយការញ៉ាំអាហារមិនល្អចំពោះសុខភាព កម្រិតស្ត្រេសខ្លាំង និងមិនចង់ហាត់ប្រាណ។
៤. ស្បែក
នៅពេលយើងគេង ស្បែកនឹងធ្វើការជួលជុលកោសិកាខូចខាត ហើយការគេងមិនគ្រប់គ្រាន់បង្កើនកម្រិតនៃការរលាក និងអ័រម៉ូនស្ត្រេសដែលអាចធ្វើឲ្យបញ្ហាស្បែក (មុន ជំងឺត្រអក និងជំងឺស្បែក psoriasis) កាន់តែធ្ងន់ធ្ងរទៅ។
៥. ឆ្អឹង និងសាច់ដុំ
អ័រម៉ូនសម្រាប់មនុស្សលូតលាស់គឺបញ្ចេញអំឡុងពេលគេង និងមានតួនាទីក្នុងការបង្កើត ជួសជុល និងរក្សាសាច់ដុំ និងឆ្អឹង។ ការគេងមិនគ្រប់គ្រាន់ធ្វើឲ្យការជួសជុលសាច់ដុំ និងការជាសះស្បើយចុះខ្សោយ។ ការសិក្សាដែលសិក្សាលើស្ត្រីអស់រដូវ១១ ០០០នាក់ចេញផ្សាយនៅឆ្នាំ២០១៩ ក្នុងព្រឹត្តិបត្រវិទ្យាសាស្ត្រ Journal of Bone and Mineral Research បានរកឃើញថាការគេងប្រាំម៉ោង ឬតិចជាងនេះទាក់ទងទៅនឹងការថយចុះនៃជាតិរ៉ៃក្នុងឆ្អឹង និងជំងឺពុកឆ្អឹង។
៦. ទម្ងន់
ការគេងមិនគ្រប់គ្រាន់អាចបង្កឲ្យយើងញ៉ាំច្រើនហួសកំណត់។ នៅពេលយើងគេងបានតិច អ័រម៉ូនលិបទីន (leptin) ដែលជាអ័រម៉ូនទប់ការឃ្លានថយចុះ និងធ្វើឲ្យអ័រម៉ូនគ្រែលលីន (ghrelin) ដែលជាអ័រម៉ូនជំរុញចំណង់អាហារកើនឡើងវិញ ហើយនេះបង្កឲ្យឡើងទម្ងន់។ បន្ថែមពីនេះទៀត ពេលគេងមិនគ្រប់គ្រាន់ រាងកាយក៏មិនអាចគ្រប់គ្រងកម្រិតជាតិស្ករក្នុងឈាមបានល្អទេដែលនេះអាចបង្កើនហានិភ័យ ជំងឺទឹកនោមផ្អែមប្រភេទ២ ។ នេះបើយោងតាមវិទ្យាស្ថានសុខាភិបាលជាតិសហរដ្ឋអាមេរិក៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ការស្រាវជ្រាវថ្មី៖ អ្នកគេងមិនសូវលក់ពេលយប់ ឬឧស្សាហ៍ធ្វើការអស់កម្លាំង ងាយឆ្លងជំងឺកូវីដ១៩
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង