ព័ត៌មានជាតិ

អ្នកលក់ឥវ៉ាន់ដឹកដាក់តាមផ្ទះឈឺតែ៣ថ្ងៃ គ្រួសារយកទៅមន្ទីរពេទ្យទើបដឹងថាកើតជំងឺកូវីដ ក៏ស្លាប់នៅមន្ទីរពេទ្យ

បានផុស

៥ years មុន

នៅ

ថ្ងៃសៅរ៍ ១០ មេសា ២០២១

ដោយ

ភ្នំពេញ ៖ បុរសម្នាក់ដែលប្រកបរបរដឹកអីវ៉ាន់ដាក់ឲ្យម៉ូយតាមផ្ទះបានបាត់បង់ជីវិត ខណៈដែលគ្រួសារមិនដឹងថា អ្នកជំងឺមានជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីក្រុមគ្រួសារបានឲ្យដឹងថា បុរសដែលមានវិជ្ជមានកូវីដហើយបានស្លាប់មុននេះគឺមានឈ្មោះ លន់ ឡា អាយុ៤៧ឆ្នាំ រស់នៅផ្ទះជាន់ទី១ ក្រុម១ភូមិអូរអណ្តូង១ សង្កាត់ព្រែកប្រាខណ្ឌច្បារអំពៅ រាជធានីភ្នំពេញ។

ភរិយាសពបានឲ្យដឹងថា កាលពី៣ថ្ងៃមុន ប្តីរបស់គាត់បានត្រឡប់មកពីដឹកអីវ៉ាន់ឲ្យម៉ូយហើយមានអាការៈក្តៅខ្លួន ក៏ទៅទិញថ្នាំលេបហើយមិនបាត់សោះ។ ក្រុមគ្រួសារពុំបានដឹកយកទៅព្យាបាលនៅមន្ទីរពេទ្យនោះទេ គឺនៅព្យាបាលក្នុងផ្ទះ។ លុះដល់វេលាម៉ោង១០នាទីព្រឹកថ្ងៃទី១០ខែមេសានេះ ក្រុមគ្រួសារបានសម្រេចដឹកយកជនរងគ្រោះទៅមន្ទីរពេទ្យមិត្តភាពខ្មែរសូវៀត ហើយបានដាច់ខ្យល់ស្លាប់នៅវេលាម៉ោង៧យប់ថ្ងៃដដែល។

យោងតាមប្រសាសន៍លោក ចេង មុនីរ៉ា អភិបាលខណ្ឌច្បារអំពៅបានបញ្ជាក់ថា ជនរងគ្រោះមានជំងឺកូវីដ១៩ ដែលព័ត៌មាននេះ គឺលោកគ្រូពេទ្យបានបញ្ជាក់។ គ្រួសារមួយនេះ មានសមាជិកជាច្រើន ដែលរស់នៅក្នុងផ្ទះតែមួយអាចឆ្លងមេរោគដ៏សាហាវនេះទាំងអស់គ្នា៕

ដោយ ៖ នរា