អង្គភាពច្រកចេញចូល​តែមួយខេត្ត​បាត់ដំបង​ បង្កើន​ទីតាំង​ផ្តល់​​សេវា​​​ធ្វើ​អត្តសញ្ញាណបណ្ណសញ្ជាតិ​​​ខ្មែរ ​ដល់​ពលរដ្ឋមានទីលំនៅក្នុងខេត្ត

រដ្ឋបាលខេត្តបាត់ដំបង បានកំណត់ស្នាក់ការផ្តល់អត្តសញ្ញាណបណ្ណសញ្ជាតិខ្មែរបន្ថែមនៅអង្គភាពច្រកចេញចូលតែមួយសាលាខេត្តបាត់ដំបង សំដៅបង្កើនប្រសិទ្ធិភាពក្នុងការផ្តល់សេវារដ្ឋបាលសាធារណៈជូនប្រជាពលរដ្ឋ។

ប្រជាពលរដ្ឋដែលមានទីលំនៅអចិន្រ្តៃយ៍ក្នុងខេត្តបាត់ដំបង ដែលមានអត្តសញ្ញាណបណ្ណសញ្ជាតិខ្មែរអស់សុពលភាព ឬមានសុពលភាពនៅតិចជាង ១៨០ ថ្ងៃ (៦ខែ) និងប្រជាពលរដ្ឋមានអាយុ ១៥ ឡើងទៅ អាចមកបំពេញបែបបទនៅទីតាំង​ដូចខាងក្រោម៖

-ប៉ុស្ដិ៍នគរបាលរដ្ឋបាល ឃុំ-សង្កាត់ ឬ
-អធិការដ្ឋាននគរបាលក្រុង-ស្រុក ឬ
-ការិយាល័យអត្តសញ្ញាណបណ្ណសញ្ជាតិខ្មែរ ស្នងការដ្ឋាននគរបាលខេត្តបាត់ដំបង ឬ
-ទីស្នាក់ការផ្ដល់អត្តសញ្ញាណបណ្ណសញ្ជាតិខ្មែរ អង្គភាពច្រកចេញចូលតែមួយនៃរដ្ឋបាលខេត្តបាត់ដំបង

ឯកសារយោងសម្រាប់ស្នើសុំ៖

>ករណីស្នើសុំចុះបញ្ជីថ្មី

-សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត
-សៀវភៅស្នាក់នៅ ឬសៀវភៅគ្រួសារ ឬលិខិតបញ្ជាក់ទីលំនៅ

>ករណីស្នើសុំបន្តសុពលភាព

-អត្តសញ្ញាណបណ្ណដែលអស់សុពលភាព ឬនៅមានសុពលភាពតិចជាង ១៨០ ថ្ងៃ ។

>ករណីផ្លាស់ប្ដូរអាសយដ្ឋាន

-សៀវភៅស្នាក់នៅ ឬសៀវភៅគ្រួសារ ឬលិខិតបញ្ជាក់ទីលំនៅ នៃអាសយដ្ឋានថ្មី។

>ឯកសារយោងសម្រាប់ព្រះសង្ឃ

-សំបុត្រកំណើត ឬសេចក្តីចម្លងសំបុត្រកំណើត
-ឆាយា ឬសង្ឃដីកា ឬសុទ្ធិបត្រ
-សៀវភៅស្នាក់នៅ