កីឡា

កីឡាការិនី កាន់ ស្រីរ័ត្ន លេងលើវិញ្ញាសា ៤២គីឡូម៉ែត្រនៅស៊ីហ្គេមចេញទៅថៃថ្ងៃទី៩ ធ្នូ ២០២៥ នេះហើយ

បានផុស

៧ ខែ មុន

នៅ

ថ្ងៃចន្ទ ១ ធ្នូ ២០២៥

ដោយ

កីឡាការិនីឆ្នើមរបស់កម្ពុជាផ្នែកអត្តពលកម្ម កាន់ ស្រីរ័ត្ន នឹងលេងលើវិញ្ញាសា ៤២គីឡូម៉ែត្រនៅស៊ីហ្គេម ឆ្នាំ២០២៥ នេះ ខណៈរូបគេនឹងចេញដំណើរទៅចូលរួមការប្រកួតឯប្រទេសថៃនេះនៅថ្ងៃទី៩ ខែធ្នូ ឆាប់ៗខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី កាន់ ស្រីរ័ត្ន(រូបភាពហ្វេសបុក ស្រីរ័ត្ន)

កីឡាការិនី កាន់ ស្រីរ័ត្ន បានឲ្យដឹងថា នៅស៊ីហ្គេម លើកទី៣៣ ឯប្រទេសថៃនេះរូបគេនឹងលេងលើវិញ្ញាសា ៤២គីឡូម៉ែត្រជាវិញ្ញាសាដែលបានហ្វឹកហាត់ត្រៀមជាយូរមកហើយ។ រូបគេនឹងចេញដំណើរទៅនៅថ្ងៃទី៩ ខែធ្នូ និងបញ្ចប់ការប្រកួតវិលត្រឡប់មកកម្ពុជាវិញនៅថ្ងៃទី១៧ ធ្នូ ឆ្នាំ២០២៥។ ស្រីរ័ត្ន បន្ថែមថា ប្រភេទកីឡារបស់ខ្លួននេះនឹងត្រូវប្រកួតនៅទីក្រុងបាកកក។

កីឡាការិនី កាន់ ស្រីរ័ត្ន(រូបភាពហ្វេសបុក ស្រីរ័ត្ន)

កីឡាការិនីដើមកំណើតពីខេត្តកំពតរូបនេះបន្តទៀតថា បើនិយាយពីអារម្មណ៍របស់ខ្លួននៅពេលនេះវិញគឺមានការបារម្ភខ្លះៗដែរ ព្រោះប្រភេទកីឡាមួយចំនួនបានអាក់ខានទៅចូលរួមប្រកួតនៅឯប្រទេសថៃ។ យ៉ាងណារូបគេមានទំនុកចិត្តលើក្រសួងអប់រំ គណៈកម្មាធិការជាតិអូឡាំពិកកម្ពុជា និងថ្នាក់ដឹកនាំកីឡាដែលបានលើកឡើង និងបញ្ជាក់ពីសុវត្ថិភាពនៃការអនុញ្ញាតឲ្យទៅប្រកួតនេះ។

កីឡាការិនី កាន់ ស្រីរ័ត្ន

បញ្ជាក់ដែរថា ព្រឹត្តិការណ៍កីឡាអាស៊ីអាគ្នេយ៍ ឬហៅថា ស៊ីហ្គេម លើកទី៣៣ ឆ្នាំ២០២៥ នេះនឹងធ្វើឡើងនៅឯប្រទេសថៃ ចាប់ពីថ្ងៃទី៩ ដល់ ២០ ខែធ្នូ។ ដោយសារតែគិតដល់សុខសុវត្ថិភាព និងប្រភេទកីឡា ទីលានប្រកួត ការស្នាក់នៅផងនោះខាងកម្ពុជាសម្រេចបញ្ជូនតែ ១៣ប្រភេទកីឡាទៅប្រកួតប៉ុណ្ណោះគឺ ហែលទឹក អត្តពលកម្ម គុនដាវ កាយសម្ព័ន ជឺជីតស៊ូ ឃីកបុកស៊ីង តេក្វាន់ដូ WT ជិះសេះ ម៉ូតូទឹក ត្រីយ៉ាត្លុង បាល់ទាត់លើតុ បាល់ទះ (បាល់ទះមិនទាន់បញ្ជាក់ពីការដកចេញជាផ្លូវការនៅឡើយទេ) និង កីឡាអេឡិចត្រូនិក៕