សមត្ថកិច្ចចុះបិទភោជនីយដ្ឋានបំពានបម្រាម ឃាត់ខ្លួន៦នាក់

ភ្នំពេញ៖ លោក ម៉ូវ ម៉ានិត អភិបាលខណ្ឌ និងជាប្រធានគណៈបញ្ជាការឯកភាពខណ្ឌរដ្ឋបាលសែនសុខ បានដឹកនាំកំលាំងចុះបិទទីតាំងភោជនីយដ្ឋាន ម្លប់ស្បូវមានលាភ ស្ថិតនៅផ្លូវលេខ១០០៧ហ្សិត ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភំ្នពេញ នៅរសៀលថ្ងៃទី២៥ ខែមេសា ឆ្នាំ២០២១។

តាមផេកផ្លូវការរបស់រដ្ឋបាលខណ្ឌសែនសុខបានឱ្យដឹងថា ប្រតិបត្តិការចុះបិទទីតាំងភោជនីយដ្ឋាន ម្លប់ស្បូវមានលាភនេះដោយសារម្ចាស់ភោជនីដ្ឋានមិនបានអនុវត្តតាមការណែនាំរបស់រដ្ឋបាលរាជធានីភ្នំពេញដែលហាមឃាត់មិនឱ្យបើកលក់ដូរនៅក្នុងកំឡុងពេលបិទខ្ទប់នេះ។

ជាមួយគ្នានេះដែរសមត្ថកិច្ចបានធ្វើការឃាត់ខ្លួនមនុស្សសរុបចំនួន០៦នាក់ និងបាននាំខ្លួនទៅកាន់​អធិការ​រដ្ឋាននគរបាលខណ្ឌសែនសុន​ដើម្បី​អនុវត្ត​តាម​និតីវិធី៕

អត្ថបទ៖ សំអឿន