ថ្នាក់ដឹកនាំឥស្លាមណែនាំឱ្យត្រៀមសម្ភារចាំបាច់បញ្ចុះសព​សានិកឥស្លាមដែលស្លាប់ដោយសារកូវីដ១៩

គណៈដឹកនាំជាន់ខ្ពស់នៃសាសនាឥស្លាមនៅកម្ពុជា ​បានធ្វើការណែនាំដល់គណៈអ៉ីម៉ាំរាជធានីខេត្តត្រៀមរៀបសម្ភារចាំបាច់មួយចំនួនដើម្បីបញ្ចុះសពសាសនិកឥស្លាមដែលស្លាប់ដោយសារជំងឺកូវីដ១៩។

សេចក្តីណែនាំរបស់គណៈអ៉ីម៉ាំរាជធានីខេត្តទូទាំងប្រទេសបញ្ជាក់ថា ដោយសារតែព្រឹត្តិការណ៍សហគមន៍២០កម្ភៈបានឆ្លងរាលដាលសឹងតែគ្រប់ខេត្តក្រុងនៅទូទាំងប្រទេសកម្ពុជាជាពិសេ​សរាជធានីភ្នំពេញនិងខេត្តព្រះសីហនុ ហើយមាន​បងប្អូនអ៊ីស្លាមមួយចំនួនបានឆ្លងជំងឺកូវីដ១៩ផងដែរដែលពួកគាត់កំពុងព្យាបាលនៅតាមមន្ទីរពេទ្យនៅរាជធានីភ្នំពេញនិងខេត្តព្រះសីហនុ ហើយមួយចំនួនកំពុងមានស្ថានភាពធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈអ៉ីម៉ាំរាជធានីខេត្តបញ្ជាក់ថា ការរៀបចំបញ្ចុះសពសាសនិកឥស្លាមមានលក្ខណៈសាមញ្ញបំផុតមិនចាំបាច់តម្រូវឱ្យប្រើមឈូសឬប្រើតែផ្ទាំងបន្ទះក្តារមួយជាការស្រេចក៏ប៉ុន្តែក្នុងកាលៈទេសៈនេះដើម្បីងាយស្រួលក្នុងការដឹកជញ្ជូនសពទៅកាន់ទីតាំងបញ្ចុះសពដែលនៅឆ្ងាយនិងជាវិធានការបង្ការរបស់ក្រសួងសុខាភិបាលដែលតម្រូវឲ្យមានការវេចខ្ចប់ត្រឹមត្រូវ។

សម្រាប់សពឥស្លាមអាចធ្វើជារបៀបហិបឬមឈូសដ៏សាមញ្ញមួយជាលក្ខណៈអ៊ីស្លាមដោយមិនចាំបាច់មានចម្លាក់ជាប្រភេទទេហើយក្រៅពីនេះមានដូចជាការហ្វាន់ (សំពត់សសម្រាប់រុំសព)។

គណៈអ៉ីម៉ាំរាជធានីខេត្កក៏បានណែនាំថាដើម្បីដំណើរការបានល្អសូមលោកអ៊ីម៉ាំ ចាត់ចែងឱ្យបានរួចរាល់ដូចជាត្រៀមដីល្បាយខ្សាច់ស្អាតសម្រាប់ធ្វើការតែម៉ាំងឱ្យម៉ាយិតព្រមទាំងសម្ភារៈចាំបាច់ខ្លះដែលអាចត្រៀមទុកបានដែលក្រសួងស្ថាប័នអនុញ្ញាតឲ្យប្រើប្រាស់៕

អត្ថបទ៖សំអឿន