ស្នងការនគរបាលខេត្តបាត់ដំបង បញ្ជាក់ថាសកម្មភាពជនទុច្ចរិតដឹកជញ្ជូន​ទំនិញឆ្លងដែនខុសច្បាប់នេះ ពិតជាមានមែន

ក្រោយមានការផ្សព្វផ្សាយនៅលើបណ្ដាញសង្គម មានករណីសកម្មភាពជនទុច្ចរិតកំពុងដឹកជញ្ជូនកេស​ទំនិញ ឆ្លងអូរព្រំដែនពីខ្មែរទៅថៃ ដោយខុសច្បាប់ទាំងកណ្ដាលថ្ងៃ តាមច្រករបៀងក្នុងទឹកដីស្រុកកំរៀងរួចមក ស្នងការនគរបាលខេត្តបាត់ដំបង បានបញ្ជាក់ថា ពិតជាកើតមានមែននៅចំណុចខាងលើ  ប៉ុន្តែកើតមានឡើងតាំងថ្ងៃទី ២៤ ខែមីនា​ ឆ្នាំ២០២៦មកម្ល៉េះ តែទើបឃើញមានការបង្ហោះក្នុងតាមបណ្ដាញសង្គមធើ្វអោយមានការភ្ញាក់ផ្អើលផងដែល។

បើយោងតាមអ្នកនាំពាក្យនៃស្នងការដ្ឋាននគរបាលខេត្តបាត់ដំបងសូមជម្រាបជូនសាធារណជន នៅថ្ងៃទី៨ ខែមេសា ឆ្នាំ ២០២៦ បានជ្រាបថា នៅពេលនេះបានកត់សម្គាល់ឃើញមានការផ្សព្វផ្សាយក្នុងបណ្តាញសង្គមទាក់ទងនឹង ករណីលួចនាំបារីឆ្លងដែនដោយខុសច្បាប់ចូលទៅក្នុងប្រទេសថៃ ស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង ដែលក្នុងនោះមានទាំងរូបភាពទៀតផង។

សូមបញ្ចាក់ថា ក្រោយកើតហេតុមួយថ្ងៃ គឺ​នៅថ្ងៃទី​២៥ ​មីនា លោក​អភិបាលខេត្ត រួមជាមួយអាជ្ញាធរមូលដ្ឋាន រួមជាមន្ត្រី​ជំនាញផង បានចុះភ្លាមៗទៅដល់ទីតាំងនោះ ដើម្បីពិនិត្យសកម្មភាព​នៃច្រកចេញចូល។ ក្នុងនោះមន្ត្រី​ជំនាញ​ប្រមូលភស្ដុតាង​ស្រាវជ្រាវមួយចំនួន ដើម្បីចាប់ជនទុច្ចរិតយកមកបន្តនីតិវិធីស្របតាមជំនាញនិងច្បាប់។