ធនាគារអភិវឌ្ឍន៍អាស៊ីនឹងបន្តជួយដល់កម្ពុជាក្នុងការអភិវឌ្ឍន៍សេដ្ឋកិច្ចរយៈពេលវែង
Connect with us
Helistar Cambodia - Helicopter Charter Services

ព័ត៌មានជាតិ

ធនាគារអភិវឌ្ឍន៍អាស៊ីនឹងបន្តជួយដល់កម្ពុជាក្នុងការអភិវឌ្ឍន៍សេដ្ឋកិច្ចរយៈពេលវែង

បានផុស

នៅ

ធនាគារអភិវឌ្ឍន៍អាស៊ីបានបង្ហាញពីគោលជំហក្នុងការបន្តជួយដល់កម្ពុជាដើម្បីអភិវឌ្ឍន៍សេដ្ឋកិច្ចរយៈពេលវែង និងដើម្បីឆ្លើយតបទៅនឹងបញ្ហាប្រឈមនានាដែលបណ្តាលមកពីជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីបន្តជួយដល់ប្រទេសកម្ពុជាក្នុងបរិបទនៃជំងឺកូវីដ១៩ ធនាគារអភិវឌ្ឍន៍អាស៊ីនឹងបន្តផ្ដល់កម្ចីវិនិយោគចំនួនជិត១,៣ពាន់លានដុល្លារ នៅក្នុងផែនការយុទ្ធសាស្ត្រភាពជាដៃគូសម្រាប់ឆ្នាំ២០១៩ដល់២០២៣ ចំពោះផែនការអភិវឌ្ឍន៍ឧស្សាហកម្មរបស់កម្ពុជាឆ្នាំ២០១៦ដល់២០២៥ និងផែនការយុទ្ធសាស្ត្រចតុកោណដំណាក់កាលទី៤ ឆ្នាំ២០១៩ដល់២០២៣។

កម្មវិធីកម្ចីវិនិយោគឆ្នាំ២០១៩ដល់២០២៣របស់ធនាគារអភិវឌ្ឍន៍អាស៊ីដល់កម្ពុជា រួមមានការវិនិយោគលើវិស័យកសិកម្ម និងធនធានធម្មជាតិ ហេដ្ឋារចនាសម្ព័ន្ធទីក្រុង និងទឹកស្អាត ការអប់រំនិងជំនាញ ថាមពលស្អាត និងសន្តិសុខសុខាភិបាលសម្រាប់ជំងឺកូវីដ១៩ ជាដើម។

នៅក្នុងព្រឹត្តិបត្រព័ត៌មានរបស់ខ្លួនចុះថ្ងៃទី០៥ ខែឧសភា ឆ្នាំ២០២១ ធនាគារអភិវឌ្ឍន៍អាស៊ី (ADB) អះអាងថាយើងកំពុងជួយកម្ពុជាដើម្បីឆ្លើយតបទៅនឹងបញ្ហាប្រឈមនានា ដែលបណ្តាលមកពីកូវីដ១៩ ហើយក៏កំពុងគាំទ្រវឌ្ឍនភាពនៃគោលដៅអភិវឌ្ឍន៍រយៈពេលវែងរបស់កម្ពុជាផងដែរ។

ក្នុងឆ្នាំ ២០២០ ធនាគារអភិវឌ្ឍន៍អាស៊ី បានអនុម័តផ្តល់ប្រាក់កម្ចី និងជំនួយឥតសំណងចំនួន ៤៧៧,២ លានដុល្លារ ហើយបានកៀគរថវិកាបន្ថែមចំនួន ២៨១,៣ លានដុល្លារ តាមរយៈសហហិរញ្ញប្បទានសម្រាប់ប្រទេសកម្ពុជា។ ចំនួននេះរួមបញ្ចូលប្រាក់កម្ចីសម្បទានចំនួន ២៥០ លានដុល្លារ និងសហហិរញ្ញប្បទាន ២៤១,៦ លានដុល្លារ សម្រាប់កម្មវិធីគាំទ្រការចំណាយ និងឆ្លើយតបសកម្មទៅនឹង COVID-19 របស់ ADB (ដែលហៅកាត់ថា CARES)។

បច្ចុប្បន្ន​ ធនាគារអភិវឌ្ឍន៍អាស៊ីកំពុងអនុវត្តគម្រោងវិនិយោគដែលមានតម្លៃជាង ២,១ ពាន់ លានដុល្លារនៅកម្ពុជា។ ថវិការបស់ ADB ដែលត្រៀមសម្រាប់កម្ពុជាក្នុងឆ្នាំ ២០២១-២០២៣ រួមមានកម្ចីសម្បទានចំនួន ១,៣៥ ពាន់លានដុល្លារ និងជំនួយឥតសំណងចំនួន ៣២,៤ លាន ដុល្លារដើម្បីគាំទ្រដល់ការអភិវឌ្ឍសេដ្ឋកិច្ច និងការស្តារសេដ្ឋកិច្ចជាតិពីការរីករាលដាលនៃជំងឺរាតត្បាតកូវីដ១៩៕

បើយោងតាមរបាយការណ៍របស់ធនាគារអភិវឌ្ឍន៍អាស៊ី សេដ្ឋកិច្ចប្រទេសកម្ពុជា​ត្រូវបានព្យាករថានឹងកើនឡើង ៤,០% នៅឆ្នាំនេះ​ និង ៥,៥% ក្នុងឆ្នាំ២០២២។

អត្ថបទ៖ វ៉ាត វិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ក្រសួង​២ ច្រានចោល​ការផ្សាយ​រប​ស់​សារព័ត៌មាន Asia Times

ព័ត៌មានខ្លីៗ៤ ម៉ោង មុន

អភិបាលខេត្តកំពង់ធំ បង្ហាញចំនួនអ្នកឆ្លងកូវីដថ្មី និងអ្នកស្លាប់ទាំងយប់

ព័ត៌មានជាតិ៥ ម៉ោង មុន

ក្រសួងការពារជាតិ​ថា ស្ថានទូត​សហរដ្ឋ អាមេរិក កំពុង​ព្យាយាម​បង្កើត​បញ្ហា​ថ្មី​បំភ្លៃ​ការពិត នាំ​ឲ្យ​ល្អក់កករ​ដល់​ទំនាក់ទំនង​យោធា​រវាង​ប្រទេស​ទាំង​២

ព័ត៌មានជាតិ៦ ម៉ោង មុន

ស្ដ្រី​ម្នាក់​មកពី​ខេត្ត​ព្រះសីហនុ មកលេង​ផ្ទះ​នៅ​ស្រុក​អន្លង់វែង​ខេត្តឧត្ដរមានជ័យ ផ្ទុកមេរោគ​កូ​វីដ​១៩

ព័ត៌មានជាតិ៦ ម៉ោង មុន

សាលាខណ្ឌ​ច្បារអំពៅ​បម្រើការងា​រដ្ឋបាល​ដូច​ធម្មតា​មិន​មាន​ការ​ផ្អាក​ឡើយ​

Sokha Hotels

ព័ត៌មានពេញនិយម

Helistar Cambodia - Helicopter Charter Services