ព័ត៌មានជាតិ

យុវជនវ័យ១៨ឆ្នាំ ប្រុងលោតឆត្រលក់គ្រឿងញៀន តែត្រូវប៉ូលិសចាប់ជាប់

បានផុស

១ ខែ មុន

នៅ

ថ្ងៃអាទិត្យ ៩ ឧសភា ២០២១

ដោយ

ជនសង្ស័យម្នាក់រួមទាំងវត្ថុតាងថ្នាំញៀនជាច្រើនកញ្ចប់តូច ត្រូវបានកម្លាំងនគរបាលនៃអធិការដ្ឋាននគរបាលខណ្ឌដូនពេញប៉ុស្តិ៍នគរបាលរដ្ឋបាលចតុមុខ បានឃាត់ខ្លួនជាក់ស្តែង ខណៈដែលជនសង្ស័យរូបនោះជួញដូរជាក់ស្តែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ករណី “ជួញដូរដោយខុសច្បាប់នូវសារធាតុញៀនបានកើតឡើងកាលពីថ្ងៃទី៨ ខែឧសភា ឆ្នាំ២០២១ វេលាម៉ោង១៣និង០០នាទី ដែលកម្លាំងសមត្ថកិច្ចប៉ុស្តិ៍នគរបាលចតុមុខ បានធ្វើការឃាត់ខ្លួនជនសង្ស័យចំនួន០១នាក់ នៅចំណុចផ្លូវស៊ូស្រ៊ុន ភូមិ០៣ សង្កាត់ចតុមុខ ខណ្ឌដូនពេញ។

ជនសង្ស័យឈ្មោះ ចាន់ វិរៈ ភេទប្រុស អាយុ១៨ឆ្នាំ ជនជាតិខ្មែរ មុខរបរនិងទីលំនៅមិនពិតប្រាកដ។ វត្ថុតាងដកហូតរួមមាន ១.ក្រាមពណ៌សថ្លាសង្ស័យជាសារធាតុញៀន ចំនួន១១កញ្ចប់ (ដប់មួយកញ្ចប់), ២.ម៉ូតូម៉ាក Scoopy Mini ចំនួន០១គ្រឿង ពណ៌បៃតង ពាក់ស្លាកលេខៈភ្នំពេញ 1CR-2310 លេខតួ។ AF55-1012340, លេខម៉ាស៊ីន AF55E-1012461។ បច្ចុប្បន្នជនសង្ស័យរួមនិងវត្ថុតាង កម្លាំងសមត្ថកិច្ចយើងកំពុងកសាងសំណុំរឿងបញ្ជូនទៅតុលាដើម្បីអនុវត្តនីតិវិធីច្បាប់៕

អត្ថបទ៖ រស្មី

សូមចុចអាន៖ ឃាតករម្នាក់ ជក់ថ្នាំញៀន ហិតកាវឡើងចង់ឆ្កួត វាយយុវជនអនាថាបែកខួរស្លាប់