ព័ត៌មានជាតិ

មន្ត្រី ក ប ប ខេត្តស្វាយរៀង រកឃើញអាល់កុលក្លែងក្លាយជាង៣០០លីត្រ នៅផ្សារវាលយន្ត ក្រុងស្វាយរៀង

បានផុស

២ years មុន

នៅ

ថ្ងៃអង្គារ ១៨ ឧសភា ២០២១

ដោយ

មន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និង បង្ក្រាបការក្លែងបន្លំសាខាខេត្តស្វាយរៀង ដឹកនាំដោយលោក ផឹង និល ប្រធានសាខា ក ប ប ខេត្ត បានសហការជាមួយលោល សរ សុដានី អភិបាលរងក្រុង មន្ទីរពាណិជ្ជកម្មខេត្ត និងអាជ្ញាធរដែនដី បានចុះត្រួតពិនិត្យទំនិញផលិតផលអាល់កុល ជែលលាងដៃ និងតាមដានតម្លៃទំនិញ (ជាពិសេសតម្លៃអាកុលស្លាកសញ្ញា,តម្លៃម៉ាស់) នៅតាមបណ្ដាលឱសថស្ថាន ស្ថិតក្នុងក្រុងស្វាយរៀង នៅថ្ងៃទី១៨ ខែឧសភា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផឹង និល ប្រធានសាខា ក ប ប ខេត្តស្វាយរៀងបានប្រាប់ឲ្យដឹងថា៖ ការចុះត្រួតពិនិត្យទំនិញផលិតផលអាល់កុល ជែលលាងដៃ និងតាមដានតំលៃទំនិញ (ជាពិសេសតម្លៃអាកុលស្លាកសញ្ញា,តម្លៃម៉ាស់) ជុំវិញផ្សារក្នុងខេត្តស្វាយរៀង នៅថ្ងៃនេះមន្ត្រីជំនាញយើងបានពិនិត្យទៅលើ អាល់កុល ជែលលាងដៃ នៅតាមឱសថស្ថានចំនួន ៦ទីតាំង និងបានប្រើប្រាស់ឧបករណ៍ធ្វើ(Test Kits បឋម) ទៅលើអាល់កុល និងជែលលាងដៃ ទាំង ៦ទីតាំង ដើម្បីស្វែងរកអាល់កុលក្លែងក្លាយ ដែលច្បាប់ហាមឃាត់ ធ្វើឲ្យប៉ះពាល់ដល់សុខភាពប្រជាពលរដ្ឋ។

លោក ផឹង និល បានបញ្ជាក់ឲ្យដឹងថា ក្រោយពីធ្វើតេស្តបឋ ជាលទ្ធផលមន្ត្រីជំនាញ ក ប ប ខេត្តស្វាយរៀង បានរកឃើញទំនិញអាល់កុលក្លែងក្លាយចំនួន៖ អាល់កុល ១កានធំ (ស្មើ ៣០លីត្រ), អាល់កុល ៤៥យួរ មាន ១២ដប ក្នុង១ដបស្មើ ០,៥លីត្រ (ស្មើ ២៧០លីត្រ)។ ហើយមន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និង បង្ក្រាបការក្លែងបន្លំសាខាខេត្តស្វាយរៀង បានធ្វើកំណត់ហេតុដកហូត ទំនិញអាល់កុលក្លែងក្លាយទាំងនោះ ទៅកម្ទេចចោលតែម្តង៕