ព័ត៌មានជាតិ
ជនសង្ស័យលួចកាត់ខ្សែភ្លើង ត្រូវម្ចាស់ដេញទាន់ប្រគល់ឱ្យសមត្ថកិច្ច
សៀមរាប៖ កម្លាំងនគរបាលនៃអធិការដ្ឋាននគរបាលក្រុងសៀមរាប ឃាត់ខ្លួនជនសង្ស័យម្នាក់ពាក់ព័ន្ធករណី លួចកាត់ខ្សែភ្លេីងរបស់ពលរដ្ឋ បន្ទាប់ពីត្រូវបានម្ចាស់ផ្ទះដេញចាប់បាន។
លោកវរសេនីយ៍ទោ ដា ចំរើន អធិការនគរបាលក្រុងសៀមរាប បានឱ្យដឹងនៅថ្ងៃទី២៨ ខែឧសភានេះថា ដោយយោងតាមបណ្តឹងរបស់ជនរងគ្រោះឈ្មោះ ហឿន វីរៈ ភេទប្រុស អាយុ៣៥ឆ្នាំ មុខរបរលក់ដូរ បានលើកឡើងថា នៅពេលខ្លួនកំពុងស្ថិតនៅក្នុងផ្ទះ ស្រាប់តែដាច់ចរន្តអគ្គិសនីដែលប្រើប្រាស់ប្រចាំថ្ងៃ។ ដោយមានការសង្ស័យជនរងគ្រោះបានដើរទៅមើលប្រអប់ឌីសង់ទ័រ ត្រង់បង្គោលភ្លើងរបស់អគ្គិសនីសៀមរាប មានចម្ងាយពីផ្ទះជនរងគ្រោះប្រហែល២០០ម៉ែត្រ ស្រាប់តែបានឃើញជនសង្ស័យម្នាក់កំពុងតែឈរស្រាវខ្សែភ្លើងដែលតភ្ជាប់ចូលទៅផ្ទះរបស់ជនរងគ្រោះ។
ពេលនោះជនសង្ស័យ បានឃើញជនរងគ្រោះទៅដល់ក៏បានទម្លាក់ខ្សែភ្លើងដែលខ្លួនកំពុងតែឈរស្រាវហើយរត់គេចខ្លួន តែត្រូវបានជនរងគ្រោះដេញចាប់បានភ្លាមៗ និងទាក់ទងមកកម្លាំងសមត្ថកិច្ចប៉ុស្តិ៍នគរបាលរដ្ឋបាលស្លក្រាម យកជនសង្ស័យមកធ្វើការសួរនាំ។ ជនសង្ស័យបានឆ្លើយសារភាពថា រូបគេពិតជាបានធ្វើសកម្មភាពយកកូនពូថៅកាត់ខ្សែភ្លើងរបស់ជនរងគ្រោះឈ្មោះ ហឿន វីរៈ ពិតប្រាកដមែន។
ជនសង្ស័យឈ្មោះ ចាន់ ខេម ភេទប្រុស អាយុ ៣១ឆ្នាំ ជនជាតិខ្មែរ មុខរបរកម្មករធ្វើផ្លូវថ្នល់ មានស្រុកកំណើតនៅ ភូមិថ្នល់កោង ឃុំរំដោះ ស្រុករវៀង ខេត្តព្រះវិហារ ទីលំនៅបច្ចុប្បន្ននៅភូមិអញ្ចាញ សង្កាត់នគរធំ ក្រុងសៀមរាប-ខេត្តសៀមរាប។
វត្ថុតាងដែលសមត្ថកិច្ចចាប់យកបាន មានខ្សែភ្លើងទំហំ២×២.៦សង់ទីម៉ែត្រ ប្រវែង២០ម៉ែត្រ ហើយបានប្រគល់ឱ្យជនរងគ្រោះវិញ ដោយមានការស្នើសុំពីជនរងគ្រោះមកសមត្ថកិច្ចដើម្បីធ្វើការតភ្ជាប់ឡើងវិញ និងបានប្រើប្រាស់ភ្លើងជាបណ្តោះអាសន្ន ដោយសារផ្ទះរបស់ជនរងគ្រោះមានបន្ទប់ជួល និងមានប្រជាពលរដ្ឋដែលជួលស្នាក់នៅមានតម្រូវការក្នុងការប្រើប្រាស់វិញ។
សូមរម្លឹកថា ករណីនេះបានកើតឡើងនៅវេលាម៉ោង ១៩ និង១០នាទី ថ្ងៃទី១៦ ខែឧសភា ឆ្នាំ២០២១ ស្ថិតនៅក្នុងក្រុមទី៥ ភូមិមណ្ឌល៣ សង្កាត់ស្លក្រាម ក្រុង-ខេត្តសៀមរាប។ នៅថ្ងៃទី១៨ ខែឧសភាឆ្នាំ ២០២នេះជនសង្ស័យ និងវត្ថុតាងត្រូវបានកម្លាំងនគរបាលក្រុងសៀមរាប កសាងសំណុំរឿង និងបញ្ជូនជនសង្ស័យទៅតុលាការដើម្បីផ្ដន្ទាទោសតាមផ្លូវច្បាប់៕
អត្ថបទ៖ កុសល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង