ព័ត៌មានជាតិ

កំពុងកើតជម្លោះជាមួយឧកញ៉ា ហេង សៀ គណនីហ្វេសបុក កញ្ញាមាន ពេជ្ររីតា ត្រូវគេហេកយកទៅប្រើប្រាស់

បានផុស

៥ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

លោក គី តិច ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្តសម្តេចតេជោសែន បានថ្លែងប្រាប់បណ្តាញព័ត៌មាន Fresh News ថា គណនីហ្វេសបុករបស់កញ្ញា មាន ពេជ្ររីតា ពិធីការិនីទូរទស្សន៍ My TV ត្រូវបានជនអនាមិកលួចហេកយកទៅគ្រប់គ្រង ក្នុងពេលដែលនាងត្រូវបានឃុំខ្លួនតាមបណ្តឹងរបស់ឧកញ៉ា ហេង សៀុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេធាវីដែលបានចូលខ្លួនការពារក្តីឲ្យពិធីការិនីរូបនេះបានប្រាប់ថា តាំងពីថ្ងៃនគរបាលឃាត់ខ្លួន ពិធីការិនីរូបនេះមិនបានប្រើប្រាស់ហ្វេសបុកនោះទេ ដោយសារទូរសព្ទរបស់នាងស្ថិតនៅក្នុងដៃរបស់នគរបាលនិងតុលាការ ទើបតែយប់ម្សិលមិញ បានចូលអនឡាញ បើកគណនីហ្វេសបុកចូលលែងបានដោយសារ Username និង លេខសម្ងាត់ត្រូវបានគេលួច និងដូរលេខកូដថ្មី។

គួរបញ្ជាក់ថា ពិធីការិនីកញ្ញាមាន ពេជ្ររីតា ត្រូវបានតុលាការដោះលែងឲ្យនៅក្រៅឃុំ ក្រោយមានអន្តរាគមន៍ពីលោកគី តិច ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្តសម្តេចតេជោ។

រឿងក្តីនេះតុលាការនៅតែបន្តដំណើរការស្រាវជ្រាវ ខណៈឧកញ៉ា ហេង សៀ ដែលជាដើមបណ្តឹងមិនទាន់ចូលបំភ្លឺនៅឡើយ ដោយសារកំពុងសម្រាកព្យាបាលរបួសនៅមន្ទីរពេទ្យ។

សំណុំរឿងកើតពីជម្លោះលួចទូរសព្ទ និងបង្ករបួសស្នាម ក៏មានជាប់ពាក់ព័ន្ធដល់កូននិងកូនប្រសាររបស់ឧកញ៉ា ហេង សៀ ក្រោយសមត្ថកិច្ចស្រាវជ្រាវបានប្រឌិតរឿងហេតុជម្លោះ ដើម្បីការពារដល់ឪពុកនិងឪពុកក្មេក៕

Related Topics:ឧកញ៉ា ហេង សៀ